Бразил испиша нова спортска историја. Го слави првиот олимписки медал, воедно и прв за Јужна Америка, а за тоа е заслужен Лукас Пињеро Братен. Честитки на телефон доби од легендарниот Алберто Томба. Италијанецот му се обрати на англиски, а овој пукаше од возбуда и му се заблагодаруваше на италијански.

„Томба ла Бомба“ е прекарот на еден од најславните и најзвучните имиња во историјата на скијачкиот спорт кој направи блескава кариера од 1985-та до 1998-ма. Освои 9 Светски Купови, 3 златни олимписки медали, 2 Светски првенства, а во јавноста беше и сè уште е интересен со своите изјави.