Меѓу останатото Грузија има две работи во изобилие: лешници и проблеми со Абхазија. Лешниците му требаат на Фереро за правење Нутела, а проблемите со Абхазија никако не помагаат во ова. Ништо од ова не станува полесно со вклучувањето на ЕУ во приказната.

Во мај годинава се одигра Светско првенство за непризнати земји. Од вкупно 35 членки, 12 се појавија на Купот во Абхазија, непризнат реон меѓу Русија и Грузија. На овој турнир меѓу другите настапија Северен Кипар, Панџаб, Кореанците од Јапонија, Паданија и други. Најголемо внимание предизвика репрезентацијата на непризнатиот Курдистан.