По два примерока на три типа на апликации за Андроид. Сите се бесплатни и сите добро функционираат. Некои ги имало наоколу, некои се скроз нови. Сите заслужуваат инсталирање.

Една лименка Кока-кола има 139 калории. За да ги потрошите овие треба играте 17 минути баскет или 22 минути аеробик или 32 минути пилатес. Калкулаторот ги има (речиси) сите пијалоци на Кока-кола, а има и посебна опција да ви пресмета колку актвиност ви е потребна да симнете 50, 100, 150 или 200 калории (па после удрете математика).

Неколку дена откако му помогнаа на човек да скокне со падобран од многу високо, Ред Бул монтираше панорамска камера од 360 степени на нивниот Формула 1 болид. Еве како изгледа трката кога би му биле качени на ушка на болидот.

Постојат три вида кодоши.

Дечко ја утнал фотографијата и бара помош од луѓе на интернет некој да ја поправи во Фотошоп. Сакал да направи фора со сонцето ама не му успеало. Секако, добил помош.

Неколку гиф реакции на секојдневни ситуации.

Колку порано го фатите ова, толку поголем дел од работниот ден ќе изгубите. Во основа имате 6 бои и три начини да ги искористите. Целото е толку добро направено и толку лесно, што после некое време ќе помислите дека стварно ве бива за овие работи.

Дитер Рамс повеќе од 30 години е главниот дизајнер на Браун, одговорен за иконските производи кои излегоа од оваа компанија. Токму тој е човекот во кој се крстат сите дизајнери на Епл, а сите феноменално скроени производи што Епл ги вади во последните 10-на година се инспирирани токму од неговата работа. Според Рамс, единствено Епл ги следи неговите 10 принципи на добриот дизајн.

Тие што ги излгедале овие филмови, знаат дека во сите нив клучен беше само еден момент. Една поинаква одлука и се ќе се беше поинаку.

Целна група: жени
Јазик: чисто Струшки
Времетраење на проектот: 7 дена
Напомена: Проектот се учит теоретски, сама че се праксираш.

Анатомија на нож, поделба на кујнски ножеви, неколку финти за поефикасно користење и како да се разберете со луѓе на тема ножеви.

Во секое време кога ќе ви фали некој убав збор а немате некој во близина (или воопшто) да ви даде кураж, отворете го линков. Знае он што да каже.

Целна група: мажи
1.1 Женети мажи
1.2 Мажи кои се спремаат за женење
Јазик на кој ќе се одвива обуката: Македонски, кумановски дијалект

Фала, фала, можете да престанете да ни го праќате Митар Мириќ во огромни количини! Збуделавме колку е добар! Се испостави дека албумот постои ама насловите на песните се производ на нечија дополнителна креативност. Невердлес, Митар си е Мириќ па сакаме да го споделиме и озглогласениот албум и нашиот најјак хит од него (песна која ако јси ја пуштите рано насабајле, денот може да ви тргне само во вистински правец, бидејќи веќе сте го допреле дното). И стварно фала за соработката, супер се овие "колаборации".

Во основа човековиот род не може да изгледа поглупо отколку на реклама за телешоп. Еден непрекинлив след на неспособност и немање координација на рацете и очите. Посебно проблематичен момент за човештвото - наливање (вода, кола, млеко). Еве како луѓето во телешоп индустријата го замислуваат вашиот просечен ден.

Диего Фазио е 22-годишен самоук уметник кој живее во Италија. Во цртањето влегува со правење тетоважи за подоцна да се префрли на фотореализам. И тоа го прави одлично.

Како што чешит битолчанец знае да ти пренесе атмосфера на фудбалски наптпревар - никој! Драгоцен извештај на Чкембар од UK за дуелот Шкотска - Македонија.

АМОР СРА? – Охридска божица на вистината.
ТАШ МАРУН и ШТА – Охридски божества на провинцијата.
СЕЈСИМАД РО – Богот на Разумниот Компромис
МУМРЕ – Охридски бог на смеењето.

Прашувајте по пријатели, досаѓајте им на роднини, копајте по подруми, одете кај гатачки.... Како знаете и умеете, да ни ги најдете овие "11 величенствени" песни и да ги доставите до нашата редакција. За возврат, нудиме нивно преслушување во весела и пријатна атмосфера (превод: пијачка и мезе) во наш аранжман. Погледнете добро и нека овој омот и секоја песна одделно засекогаш се врежат во вашето истражувачко битие.

Некои луѓе среќата ја бараат во љубовта, други во парите. Имаме фото галерија од луѓе кои имаат полно право да ве убедуваат дека за среќа некогаш се доволни само неколку сантиметри. Не, не е порно.