Семафорите се урбани симболи прилично инертни на дизајнерски промени. Она со бројките не е лошо, ама ова е уште подобро. Нормално, додека нема гола женска на нив, пак ќе има абдали кои забораваат на тргнат на време.

После онакви балкански војни кои ги преживеавме, картографијата не ни е баш омилената дисциплина. Сепак, ова може да е прилично интересно. Стари карти, од пусто античко, пусто турско па до пусто југословенско.

Блазе тие што нема да ја сфатат фората, уште ќе имаат убави сеќавања за детството.

Постојат 2.598.960 можни комбинации во покер со 5 карти.

Во 1970-та маратонот во Њујорк имал 127 учесници. Во 1998-ма, имал 32.000.

Овие се времиња на брза храна и споро варење,

големи луѓе и слаби карактери, длабок профит и плитки односи.

* Кога настанува проблем, секогaш се појавува човек кој го гледа решението и е подготвен да ја презеде командата. Најчесто, тој човек е луд. * Постои време кога треба да престанеш да се надеваш дека луѓето се возбудуваат околу твојот роденден. Тоа време е кога имаш 11 години. * Главното постигнување на речиси сите организирани протести е нервирањето на луѓето кои не се дел од нив. * Човек кој е фин со тебе ама е груб со келнерот, не е фин човек.

Кога на еден стар Индијанец му ја објасниле шемата со зимско/летно сметање на времето, рекол: "Само Влада може да верува дека ако исече едно парче од горниот дел на ќебето и го сошие на долниот дел на ќебето - ќе добие подолго ќебе". Во продолжение, пар досетки од Твитер.

Сит човек на гладен не верува. А гладен на табели уште помалку. Сепак, еве една научна табела на видови храна, подредени по тоа колку ви даваат чувство на ситост (по изедени 240 калории од секоја). Дилемата е: колачи или банана? Нашиот одговор е: да, може.

Добро изгледаа сликите од пробиениот пат кон Галичник на кој имало паднато 4 метри снег. Е сега, во Хокаидо, Јапонија паднале 17.

Едно (урбано) прашање кое ретко кој не си го поставил: Доколку се најдам во лифт кој се откачил и почнал слободно да паѓа, која позиција најмногу ми ги зголемува шансите за преживување? Одговара професор од МИТ.

Њузвик им го посвети своето последно издание на Mad Men и на почетокот на 5-та сезона. На страна што Mad Men ја доби насловната и интервју на неколку страни, туку и рекламите во списанието се адаптирани во стил од 60-те.

По подолги анализи, Министерството за шумарство на РМ пронајде лого, преку кое на секој човек треба да му стане совршено јасно дека главната дејност на институцијата и' се - дрвата.

Републиканците бираат човек кој на следните избори ќе му се спротивстави на Барак Обама. Еден од главните јастреби во таа арена е Рик Санторум. Еве што треба да знаете за неговата политика.

Старата добра "да му умре козата..." адаптирана за систем за одбрана од крадци во "комшијата има подобра коза."

И суперхеројот на Словачка прави се што може да им помогне на своите сограѓани. Исто како и вистинскиот Бетмен, и тој изгледа опасно кога ќе ја стави својата маска и ќе се шмугне во темнината на ноќта. Да ве запознаеме подетално.