Дечкото е од Бугарија и се занимава со правење визуелни ефекти за Видео Копилот. Кога ќе му се здосадат ефекти снима видеа и тоа одлично му оди.

Патријархот московски и серуски, неговото преосвештенство господин господин господин (ваљда имаат едно поише од кај нас) Кирил, лице кое има директна вифи врска со севишниот, во моменти кога е време да се спушти антената.

Една од најмоќните агенции во светот, ќе си речете имаат ресурси за секакви операции, професионалци од секоја можна структура. Доаѓа време за честитање Нова година и они мртви-ладни на Твитер го пуштаат следниов дизајн:

Кога конечно си нашол оправдање за тоа што си го посветил животот на собирање корици од шкарт екс-Ју албуми, па веќе другарите не те гледаат како фрик. Или на кратко - Југомеме на Тамблр.

„Автоматска машина за хидропоника“ е нешто што личи на мал фрижидер (дизајнерски одлично скоцкано) во кој може да одгледувате најразлични видови зачини (индика) и некои видови зеленчуци (сатива), сред дневна. Целиот систем работи комплетно автономно и комплетно паметно, а единствената ваша задача е да му ставите некаква семка.

Најверојатно е смислен во Америка, најверојатно се произведува во Кина, и е направен исклучиво за нам да ни скорева јадови - персонален мерач на отрови во воздухот. Го вклучуваш во штекер, почнува да го душка воздухот, го анализира и на мобилен ти прави попис на сите отрови и хемикалии што ги дишеш во моментот.

А на дечкото му текнало да ги најде сите места во Лондон на кои се направени омоти на реге плочи и од тие фотографии да направи книга. Погодете колку пари собра?

Да ти се смачи колку се неспособни Скандинавциве да се спукаат како луѓе. Колку се некадарни да распламтат еден поштен меѓунационален судир. Каде се тука мајките и сестрите? Каде е тука крвопроливање? Каде е господ и секогаш погрешната религија? Каде се народните херои? Каде е "не тој е наш херој"? Каде е "ние ве измисливме"? Како они само мислат дека со вакво однесување некогаш ќе се приклучат кон Балкан? Никад. Ќе скапат горе на тоа студот.

Они да си олеснат, а ти да се утешиш дека не си само ти на неразумни маки.

Актуелниот потпретседател на САД, за време на кампањата во еден момент порача и дека би сакал да се проба со Трамп, еден на еден. Ова уште го држи и кога завршија изборите, и никако не му оди да му ја даде Белата куќа на новиот претседател.

На станица во њујоршко метро, стотици луѓе на стикери си ги пишуваат маките или се куражат меѓу себе дека победата на Трамп (можеби ) и не е крај на светот. Стикери? Кај нас на 12-ти декември со фломастери и хамери ќе се оди на автобуска.

По победата на Доналд Трамп, се огласи и Јоко Оно која зборовите ги замени со неколку препознaтливи тонови од нејзиниот музички опус.