Звучи како еден од оние совети кои кај нас обично завршуваат на дното ( за да те прати среќа, љубов и пари или пак да се излечиш од рак и слични баналности), ама не е. Многу евтина (железна паричка) и рационална финта.

Ауди го ангажира фотографот Феликс Родригез да фотографира Ауди Р8, автомобил од околу 160.000 долари. Ги добиваат фотките, сè е во ред, ама пак нешто не им штима. Излегува дека Родригез за целата фотосесија користи пластична количка, реплика Р8 од 40 долари.

Не зборуваме за нашата, чисто од страв да не се урочиме. Зборуваме за средбата меѓу Норвешка и Сан Марино, кои играа квалификации за Светско. Сето ова заврши со убедлива победа на Норвешка, меѓутоа се случи нешто крајно неочекувано за сите, Сан Марино даде гол. И тоа не каков било гол, туку гол на гости, на квалификации за светско, што за нив е прв ваков гол од 2001-ва. По голот, на твитер профилот @soccersanmarino се случуваше делириум.

Многу лесно се игра: 1. ги ставаш сите мобилни на куп; 2. кого прв го побара жена му / девојка му, ја плаќа сметката; 3. тензија.

Таа: Готово е со нас.
Тој: ОК.
Таа:

Њујоршкиот Музеј за модерна уметност заврши со дигитализацијата на сите трудови од изложбите што се одржани во него од 1929 до 1989, и заедно со 33 илјади фотографии, 800 изложбени каталози и околу 1.000 документи поврзани со 3.500 изложби ги објави на интернет. Бесплатно. За некое време ќе има и апдејт за периодот од 1989 до денес.

Иако тесен избор, нас некако нè ќари: „Со маж ми зборувавме за развод, ама ниеден од нас не сака да ги земе децата.“

Го водат како хотел ама не само што нема рецепција, фоаје или тоалет, туку собите немаат ниту ѕидови. Се работи за швајцарски хотел, чии сопственици размислувале во правец - зошто да ги затвораме гостите меѓу гипс картон, кога можеме сред планина да им поставиме крвет и наткасни. Ноќевањето под отворено небо чини околу 250 долари од вечер.

Зашто да се ограничуваш и да чекаш на Космосот да му текне дека ти треба да си светска мега-ѕвезда каква што отсекогаш знаеш дека треба и можеш да бидеш. За да ја истераш сопствената космичка правдина, на своја страна ја имаш Flippy, апликацијата за Ајфон што го монтира твојот лик на спотови од најразлични музички хитови, мада фаќа и на други видеа. И ова стварно функционира.

Извадоци вон контекст од синоќешното појавување на Хилари на демократската конвенција. Исклучиво од делот со балоните, соодветно спакувани во гифови.

Француски цртач на графити се одметнува од секој можен канон на шкртање графити, и почнува да шара во печатен фонт. Целиот проект има просветителска жичка, па тој постојните ишкртани ѕидови ги префарбува во бело, по што ги враќа графитите транскрибирани во печатна форма. Ако сте се мислеле што кажуваат, ништо не кажуваат.

Изјава на републиканскиот кандидат за прв човек на САД од далечната 1998 година. Уште тогаш вика дека ако некогаш се кандидира за претседател, ќе се кандидира како Републиканец. Зошто?

Профилот е Average Parent Problems (@averageparentproblems) и во зависност до кај сте на тема деца може да ви изгледа како "Денот на мрморецот," "Пророштво кое неизбежно ќе се оствари" и "Цела среќа што во мое време немаше Инстаграм".

И покрај тоа што хемикалијата докажано е доволно силна за да предизвикува ерозија на природниот пејзаж, и неповратно успева да кородира голем број метали, таа упорно без никакви предупредувања се користи во секојдневната исхрана и општо во животот. Прво треба да си признаеме дека проблемот е далеку од решавање, меѓутоа тоа не значи дека не можеме да преземеме чекори за превенција и информирање.

Во југоисточниот град Џингоу е подигнат споменик на легендарниот кинескиот воин Гуан Ју. Споменик од типот висок 58 метри (Воин на коњ сосе столбот е околу 25 метри), тежок 1320 тони, составен од 4.000 бронзени плочи, а во него има и музеј од 8.000 метри квадратни.

Тазе брачен пар договараат и уплаќаат меден месец во Грција. Затоа што се од Пакистан, им треба виза. Од непознати причини, таа добива виза, тој не добива виза. Од причини чисто несебични тој ја тера сама да оди на одмор, да се прошета и да ја види Грција. Тоа што е сама во Грција не ја спречува да го вклучи и сопругот во своите фотографии... некако...

Разгледниците се некаде од почетокот на 20-от век и периодот кога во САД во најголем ек е борбата на поборничките за право на глас на жените (сифражетки). Нормално, не биле баш сите со симпатии кон каузата.

Прилично бесмислена механичка справа за свирење гитарски акорди. Нема да го извадите G7sus4 но со помош на тие стапчињата за сладолед ќе може да ги произведете G, D, C, A мол и E мол, кои ви се доволни за илјадници песни, меѓу кои и најглупата на сите времиња ,"Криво је море".