Со капче, со гоат-ка, на дечкото нема нешто што му се бендисува во таа музика. Од текстот кој не го разбира, па до преголемата облека под која може да се скрие фрижидер. А симпа е, скроз.

Со повлекувањето на руската војска од околината на Киев ослободен беше и аеродромот во Гостомел, последното почивалиште на најголемиот авион на светот Мрија Ан-225. На аеродромот дојде и Дмитро Антонов, пилотот Мрија, која последен пат слета на 5 февруари и беше паркирана во хангарот на аеродромот Антонов во Гостомел.

Цели 60-ти, 70-ти, 80-ти, 90-ти години, нормалноста, либералноста и прогресивноста напредуваше под слоганот „Немој да ме етикетираш“ (врз основа на раса, пол, религија...). Денес прогресивноста е нешто обратно, да етикетираш, ама недајбоже да згрешиш. Пазете го вие ова упатство кој како треба да ја гледа персонава. Ако разберете, еве на.

Едната лекција е околу апсурдноста што луѓе и тука успеаа да најдат белечки расизам. Втората е за нешто многу поважно околу конкретниот инцидент и општо правило за во живот: ако можеш да зашамараш некого и да му свртиш грб и да си отидеш, тоа е сигурен знак дека од старт не си требал да го удриш тој човек.

Проблемот со клипот е што сме во момент кога човек на прва не може да биде сигурен дека ова е наместено, без разлика колку е тоа очигледно.

Како и многу други, Џим Кери се ужасна од стоечките овации за Вил Смит на доделувањето на Оскарите, и тоа откако стана и најсељачки го зашамара водителот. „Ако имаш право да викаш од публика ил ида мрчиш на Твитер, НЕМАШ право да се качиш на сцена и да зачукаш некого затоа што кажал збо-ро-ви.“

Синот на Џо Бајден (оној кого украинска Буризма го плаќаше 50К долари месечно) во декември 2019-та го носи на поправка својот лаптоп, им го кажува пасвордот (ХантерО2), а овие подоцна го предаваат на ФБИ. Каде е денес тој лаптоп? ФБИ појма нема! Пазете ја оваа лакрдија со нивниот прв човек за сајбер операции: ниту тој знае, ниту па знае кој би можел да знае.  

Во диктаторски земји, можеш да бидеш уапсен ако јадеш многу трици за главниот. Во слободни и демократски земји, можат да те уапсат ако носиш капут, а времето е топло. А некаде помага и ако си црнец. Лондон, Англија.

Шамарот на Вил Смит полета кон Крис Рок затоа што овој се зезаше со бричената глава на неговата сопруга. Па после солзи, па извинувања... На иста тема, ќелаица, се има јавно зезано самиот Смит, со еден од бендот во шоуто на Арсенио Хол, дека мора да си ја полира главата со восок секое сабајле... Зезнато со интернетот е што никогаш не заборава.

За време на концертот во преполната О2 арена, Ханс Зимер направи пауза за да му оддаде почит на украинскиот пијанист кој во Лвив под звукот на сирените за тревога за воздушен напад ја свири нумерата од „Инсепшн“ од 2010.

Кога ќе собереш два и два: знаеш дека денес во Европа украинските бегалци имаат подобар третман од другите и знаеш дека Запад денес има фетиш за идентитетски теми и никој не смее да ти се меша како се чувствуваш и изјаснуваш (ок, освен Македонците во Егејска, фала Преспа). Како тоа изгледа во Ирска, која порача дека ќе прими 200.000 бегалци од Украина.

Бидејќи дома ѕвездата не му сјае како некогаш, канадскиот премиер веројатно мислеше дека неговиот настап во Европскиот парламент ќе биде лабав излет на кој ќе може да си ги вежба омилените фрази и гестови. Но, таму наиде на „топол зајак“. А кога требаше да зборува, повеќето европратеници имаа попаметна работа отколку да го слушаат.

Правење фаци со парламент секогаш е лоша идеја а Борис Џонсон не можеше да избере попогрешен момент за тоа. Го фатија како се измотава додека пратеникот Риши Сунак зборуваше за луѓето и децата во Украина кои се кријат по скривници и подруми.

„Секој што мисли дека немаме олигархија во нашата држава е во длабока заблуда. Во нашата држава имале двајца луѓе кои поседуваат повеќе од најсиромашните 40% од населението,“ меѓу другото ќе порача Сандер на говорницата во Конгресот.

Дел од епизодата на Саутпарк од пред две години, кога се зезаат со транс-мажи кои влегуваат во женски конкренции. Тоа што некогаш беше сатира и пародија, денес е реалност 

За време на најофицијални преговори сред Вашингтон, во Белата куќа, за прекинување на НАТО бомбардирањето на Србија, Веља Илиќ се издвоил од преговарачкиот тим подготвен да ја положи својата жртва за доброто на земјата. Над ваквиот план натежнале и сериозни опасности во случај тој да не успее „па да ми опет добијемо по тамбури од стране НАТО-а“

Бил Мар е еден од оние кого знаат да го критикуваат дека ги сменил своите политички ставови, главно од луѓе кои се прават слепи па не гледаат колку во меѓувреме се испретумбаа кординатите за тоа што е лево, а што десно. „Слободата на говорот некогаш беше класична левичарска тема, сега токму таа е под напад“, вели тој. 

Драган Маринковиќ баш и не трза на актуелната фокусираност на војната во Украина при што се заборава на сè друго, како во времето на короната, кога не беше битно кој и колку умреле од срце, од рак...

Некои во Украина баш својски се трудат да ги потврдат сите точки на „руската пропаганда“. Новинар на украинска телевизија се повика на Адолф Ајхман и јавно побара да се сотрат руските деца.

Меѓу другото, Мајк Бејкер, објаснува дека Американците имаат проблем да најдат некој близок на Путин со кој можат да работат. А како ги наоѓаат такви? Па лесно, главно со добро, ќе гледаш да му помогнеш на некого „чие дете има здравствени проблеми, или ќе му го запишеш детето на факултет во странство...“. Исто така, нема поранешен агент на ЦИА.

Филмот е „Пијан змеј“ од 1985-та и е пикот на кое било филмско кунг-фу тепање во историјата на шкартот кинески кунг-фу филмови.

Бил Клинтон и Џорџ Дуплове Буш отидоа во црква. Не да се покајат или замонашат за сите сторени гревови, туку да изразат солидарност со украинскиот народ. Избави нè Боже од лоши мисли, пцости и мами мамини. 

„Нашата цена за во НАТО ќе биде голема војна со Русија“, одамна предвиде влијателниот советник на Зеленски за кого другата опција за Украина е за 10-12 години да биде апсорбирана од Русија. - И што е подобро? - го прашува новинарката. „Се разбира, голема војна со Русија која ќе резултира со наше членство во НАТО откако Русија ќе биде поразена“, ладнокрвно советува Олексеј Арестович.

Најголемите американски медиуми ревизирани не според идеологијата, туку според содржината на вестите, третманот на информацијата и односот кон публиката што одбрала нив да ги гледа. Нивната борба е на секој начин да го привлечат вашето внимание и да го задржат цело време, и во таа борба не се бира како. Затоа таков е исходот.