Човекот веќе со месеци го растура Фокс (и другите меинстрим мрежи) со гледаност и тоа од својата сметка на Икс (Твитер). Откако малку му пројде стравот од работење без Фокс да му чува грб, сега Карлсон најави дека влегува во нова фаза и отвора видео стриминг платформа. Ќе се вика ТЦН (Tucker Carlson Network) и ќе се наплаќа по 9 долари месечно.

Владимир Рижков е руски историчар и опозиционер. Рижков во 2004 на руска национална телевизија има ТВ дуел со еден друг Владимир, не Путин, туку Жириновски.

Полскиот радикал Гжегож Браун (политичар, академски предавач, публицист, новинар, режисер, сценарист) кој го предводи монархистичкото крило во Конфедерацијата на полската круна, со ПП апарат го изгаси парламентарниот еврејски свеќник (менора) кој е симбол на празникот Ханука. Вика, нема да дозволел католичка Полска да се претвори во еврејска држава.

Иако и во Монтреал снег паѓа главно во редовниот термин во зима, таму снегот не ги изненадува надлежните како овде. А не да паѓа, туку паѓа најмногу од цела Канада, во просек по 200 сантриметри снег во сезона. Ама, како што би гласела модификацијата на една стара поговорка: не паѓа снегот да го покрие брегот, туку секоја власт да ја покаже својата (не)способност.

На луцидниот Ал Јанковиќ мора лиги да му течеле кога одел кон банкомат да ги подигне парите кои Спотифај му ги уплатил за музиката која годинава била слушана на платформата. Тој одамна нема некој хит ама сепак во 2023 година, неговите песни имале 80 милиони стримови. Знаете колку му следува од Спотифај за 80 милиони стримови? 12 долари. Ќе се јаде сендвич!

Во декември 1994 Русија, САД и Британија, седнаа, ветија и потпишаа дека ќе ја гарантираат безбедноста и територијалниот интегритет на Украина доколку државата го предаде својот нуклеарен арсенал (еден дел да се уништи, еден дел да се испрати во Русија). На денот на потпишувањето Украина има над 2.300 нуклеарни глави. Речиси 30 години подоцна Украина е минус 20% од својата територија.

12-катна речиси нова зграда што настрадала за време на земјотресот во Турција дошло време да се срамнува со земја затоа што нема како да се спаси. Од градењето настрадале само тие што купиле стан во зградата, од рушењето и комшиите во околина.

Новинарот на Ал-Џезира начекува една баба од Газа да ја праша за ситуацијата таму и нешто околу хуманитарната помош што стига / не стига таму. Бабата има инсајдерско инфо што изгледа уште не е стигнато до Ал-Џезира.

Градот е Тел Авив, овие двајца се Израелци, ова се случува деновиве а тоа металното е чаура од некоја си од ракетите што периодов го надлетуваат главниот град на Израел.

Екс советникот на Зеленски, Олекси Ареостович: „Нашата најголема трагедија е што во конфликтот меѓу Глобалистите и Реалистите, се кладевме на погрешната страна“. Глобалистите бараа проширување на НАТО, другиве беа за украинска неутралност за да се избегне војна. „Пролеавме крв за да завршиме со страната која губи“ вика тој и додава „Кога ќе видам како во Катар го пречекаа Германецот а како Путин, се прашувам кој е изолиран“...

И маркетиншки и потрошувачки Бад лајт моментално е посакуван колку палета азбест. И покрај ова УФЦ и Дејна Вајт, кои отприлика ја држат истата публика што реши да го бојкотира Бад лјат, решаваат дека ќе работат со него и ќе го враќаат таму каде што беше. Освен парите, Вајт има прилично силни американски аргументи за ова.

Рибниците на отворено на полуостровот Вестфјордс на Исланд треба да убијат над 1 милиони лососи што ги одгледуваат откако целата популација била заразена со морски вошки, која до толку ги има разјадено рибите што им се гледа черепот.

Сите тие камиони со снег од улиците на Минск некаде треба да се истоварат, а зошто да не се истоварат во Свислоч, реката што минува низ Минск? Само пред да заврши таму, снегот треба да бидат прочистен за да не ја загади реката.

Убава е Алелуја на Леонард Коен, убава е и онаа на Џеф Бакли, но да споделиме една друга верзија на песната која пред доста години ја отпеа мало девојче од Ирска со нејзиниот школски хор. Се вика Кејли Роџерс, 10 годишна, девојче со аутизам и АДХД. Да ја слушнеме песната која потсетува дека „дурот те крева, а молот те спушта“, во време кога, заради ужасниот епилог на младата Вања, сме во тешки молови.  

Ненси Пелоси е американската политичарка која од праисторија е член на Конгресот од Демократите. Годишна плата за таа позиција е околу 250.000 долари. Во 2009 нејзиното богатство беше проценето на 58 милиони долари, за во 2018, да стигне до 115 милиони долари. И парите не се од рушвет или градежни дозволи, едноставно, сопругот на Ненси, Пол, има подобри резултати на берза од најдобрите американски инвестициски фондови, што веројатно и не е толку тешко кога жена ти ги носи законите за регулирање на цели индустрии.

Во веројатно една од најкоординираните операции барем на европско тло, пистата на аеродромот во Цирих беше целосно заменета без да се изгуби ни еден лет. Работите почнуваат секоја вечер, по слетувањето/заминувањето на последниот авион, и траат до сабајлето до првиот лет. Клучни за ова се два 90-тонски багери специјално направени за операцијата, и поделбата на пистата на 70 сегменти.

Се разбира дека и по последните избори на кој победи партијата на Герт Вилдерс, Холандија останува убава земја со убави обичаи на слободарство, лежерност и непикање нос во туѓи манџи. Меѓутоа, овој Вилдерс е толку заебан лик, што ти станува јасно дека под стакленото ѕвоно на Бореловата „градина“ веќе извесно време се крчкаат занимливи работи.

Илон Маск го даде најлегендарниот можен одговор кога го прашаа за „свилениот гајтан“ кој му го стегаат воук корпорациите како Дизни, откажувајќи го своето рекламирање на Икс. На човекот му е јасно дека можат да му го уништат бизнисот за кој даде 44 милијарди долари. Ама ако некој мисли да го уценува со пари и со реклами, тој на таквите има да им го каже ова: 

Кога иначе тие би се качиле на кров на Бакингемската палата за свирка, ако не се вмешаа големите ега на на два познати „сера“, во 2012-та, за дијамантскиот јубилеј на кралицата Елизабета Втора. Сер Елтон Џон и Сер Пол Макартни. Двајцата инсистирале да свират на свое пијано и никако поинаку. Меднес технички не можеле да бидат сместени меѓу нив па им направиле бина на кров. Ќеифи.

До сега историски незабележаните санкции против Русија не успеаа и тоа Западот треба да си го признае. Тие забранија сè да излегува и влегува во Русија, освен фосилни горива од таму и милијарди евра и долари во спротивен правец, порачува прогонетиот милијардер Јевгениј Чичваркин кој повеќе од една деценија е во егзил од Русија и е на руската листа на странски агенти.

На Путин му кажуваат дека ВИ на Гугл и неговата неврална мрежа за анализа на фотографии кажува дека сите објекти на фотографиите од американското слетување на Месечината се лажни. „Ова не е наша анализа туку анализа на Гугл,“ му објаснува водач на истражувачкиот оддел на Сбербанк. Путин не изгледа многу изненаден. Само вика: Баш интересно.  

Лесно е на Путин да му објасниш во кој правец има забегано американскиот филм и нивните непишани но железни рамковни „квоти“ со кои се жртвува самата кинематографија на олтарот на политичката коректност, фамозната инклузивност и родовите секаквости. Оди пробај на Бајден да му го објасниш тоа а Џо да те разбере пред да заспие.  

Кога Русија прв пат ја нападна Украина во 2014, Европа се собра и го реши проблемот за кратко врем. Кога Русија втор пат ја нападна Украина, Европа реши војната да ја претвори во глобален проблем и сега сите губиме.

Во целото видео се објаснува од каде доаѓа зборот томат / домат, а доаѓа од таму од каде што доаѓа и доматот, за на крај од спунт да го спомене асирискиот збор за црн патлиџан „бадимџан“ што звучи најблиску до патлиџан. За „френки“ уште нема абер.