Два мајмуни во оделни кафези, треба да завршат некоја работа за која добиваат надомест во форма на сецкана краставица. Одеднаш работите се менуваат и едниот за награда добива зрна грозје, кои се далеку повредни во нивниот систем на вредности.

Еден водител, еден или двајца гости. Зборуваат за што и да е темата, ама има само 5 или 6 прашања. Пред секое прашање сите јадат по едно пилешко крилце. Секој пат со повеќекратно полут сос од претходно. До крај, на никој не му е ни паметот во лажење, само гледа да преживее.

Се потепавме од прскање и потурање, а толку било лесно! Прескокнете го делот со бебешките цуцли, одма на 2:10.

Грегори Портер можеби го знаете, беше во Скопје на ланскиот џез. Принц го знаете, никогаш нема да дојде во Скопје. Е па, Purple Rain.

Жан Мишел Жар и Едвард Сноуден? Да, Жан Мишел Жар и Едвард Сноуден.

Група навивачи од најразлични спортови собрани да им читаат навредливи твитови на две американски спортски коментаторки. Навивачите не се автори на твитовите, само ги читаат. Коментаторките веќе ги имаат прочитано твитовите за себе, навивачите не.

Вајс њуз добива снимка од монтираната камера на еден од борците на ИСИС кој во март 2016-та загинува во борба со Пешмерга силите во северен Ирак. Битката е на околу 50 километри северно од Мосул. За разлика од ИСИС пропагандата кој се труди борците да ги претстави како копија на германската дисциплина, снимката ги покажува нередот и забуната карактеристични за вакви организации. Видеото вчера е објавено.

Потеклото на конфликтот е тоа што татко ѝ и мајка ѝ цело време ја ругаат дека била не умна, по што оваа неодоливост од девојче е спремно во име на својот бунт од Русија да се отсели во Африка, мада ако треба ќе оди и во Лапонија (има некои дилеми околу кои татко ѝ ни најмалку не и помага). Од татко ѝ бара само да ја однесе до Африка, он и вика дека навечер нема намера никаде да ја вози.

Според ова видео на Базфид испаѓа дека не само дека мапата на светот која ја знаеме не е прецизна, туку и дека  - следува шок - Земјата не е рамна како што изгледа на мапата.

Дечко кој на гитара вежба да ја свири "Imagine" od Ленон, наидува на ѕверот над ѕверовите, Томи Емануел, кој стоечки му покажува пар цаки. Треба секој млад гитарист навреме да сретне некој како Томи Емануел; или за доживотно да се навлече или на време да ја батали гитарата и да си земе шупелка.

Њујорчани од различни возрасти одговараат на ова едноставно и вековно прашање. Кога ваква анкета би се правела кај нас, најчестиот одговор би бил: А вие од кој медиум сте, од режимски или од соросоиден?

Гас (od Gus Guitars) ја изработил специјалната виолетова пред 9 години но таа во рацете на Принц дошла неколку недели пред да почине. Но и во тоа кратко време во кое ја имал, на Принц очигледно му било мерак што ја има.

Ова важи за првиот јавен настап на Rage Against the Machine. 1991, со Know Your Enemy, нешто поинаква од верзијата која ќе се најде на нивниот прв албум следната година. Снимката лоша, нормално, сè друго луто и скоцкано пасент. Дури и на вакви снимки, ќе се најде коментатор (на Јутјуб) кој ќе каже: "Зак е мексички шупак". Тоа е.

Прекрасно анимирано старо (1990) интервју со легендарниот филмаџија Мартин Скорсезе.

Некои од делата на Принц што цело време ни се пред очи, без поим да имаме дека се негови или дека он некако бил вмешан во целата работа.

Видео снимка од протести. Локација: Словенија. Цел: стопирање на муслиманската миграција. Што сакандираат анти-муслимански протестанти во Словенија? Доналд Трамп! Доналд Трамп!

Онаа епска сцена од "Apocalypse now" не би била ни напола ефектна без музиката на Вагнер. Истото важи и за ова видео.

Хеликоптерот е британски (Lynx), пилотот Дански а местото на кое треба да слетаат е такво за кое и орел двапати би се премислил

"Само сакам да сум свој, одбивам да бидам број" пее Бени во спотот кој го ц'цкаа бааги време но, ќе видите - вредеше. Бени самоуверено ја предводи својата Нон Стоп банда додека Бобан ја камшикува гитарата, Црни ја држи песната под конец, клавијатурите на Душко ја покриваат секоја пукнатина а зад бубњевите се и Хистер и Бумбар. Режисер на видео записот е видео маестро Чедо Поповски а снимано е по град -  тротоари и покриви, споменици и гулаби, луѓе и бројки и еден тон решителност и одважност.

Без разлика колку ве занима таа приказна и колку пати сте го гледале филмот или пак документарци на темата, ова нема шанси да го изгледате поштено. А се работи за најреалниот приказ на несреќата на тој брод. Тоа е и проблемот. Видеото трае 2 ЧАСА и 40 МИНУТИ. Ќе пробате?

Дивизија постојат бааги време а последниве години се дополнително запнати и влезени во работна кондиција. Со спотот на својата најнова песна го најавуваат својот втор албум, а од насловот ви е јасно дека зборуваат за она во што со години се давиме. Ѕирнете како ним им изгледа атмосферата во која тие ја создаваат својата музика.

Трибјут на фотографијата, која не се мери во лајкови пер селфи, туку колку историја има собрано во еден кадар.

Како систем на верување губењето време / одлагањето се сведува на ставот дека сè може да се заврши попосле, и дека попосле е магичниот дел од временскиот континум во кој има време за сè што останало.

Брилијантноста на Бил Нај околу различни научни теми не е ни тема на муабет, таму сè му е оверено. Меѓутоа воодушевува леснотијата со која човекот се справува со неписмени дрва кои го прозиваат (инаку многу спремниот научник) обидувајќи се да се огребат од неговото име за малку слава. Еве еден пак му мрчи за глобалното затоплување.