Ретко добро инсајдерско пердашење на Британија, нејзината умисленост дека уште е голема сила или дека некого плаши со излегувањето од Унијата.

На прво прегледување изгледа како да не постои каква било космичка пречка зошто ние како нација не би можеле да успееме во спортов, ти даваат секира и кола, и лупаш се додека едно од тие две не се прекрши на пола (ако е секирата, веројатно ќе ти дадат нова). Како посебен метод за поттикнување на спортот, може да се дозволи вежбање на кола што ти се огрешила по твој избор.

Изградбата на Епл Кампус 2 треба да чини околу 5 милијарди долари, во него ќе бидат канцелариите на 13.000 вработени на Епл, сместен е на плац од 26 хектари, требаше да биде готов до средината на 2015, ама од тогаш рокот е поместен на 2017. Ова е статусот на градбата во јуни 2016.

Запознајте го Диме од Велес, придружете се на контрамерките кон Грција и слушнете ги советите на Зоран во Фенг ДУИ.

Вајс во претпоследната епизода го обработуваат прислушувањето, поточно целиот механизам што го има на располагање американската влада и алатките што може да ги купат "приватњаци" или други влади. Како показна вежба за еден од методите се зафаќаат со мобилниот на еден нивен репотер кој во моментот е на задача преку пола свет (во Пакистан). Ниту имаат физички контакт со телефонот, ниту се во негова близина, а зошто би биле кога тоа им е комплетно непотребно.

Како дел од сегментот за долговите во САД и што и како се прави со нив, Оливер основа компанија за купување на долгови и почнува да ја работи. Конкретната транша се однесува на долгови направени од болничко лекување, а компанијата за 60.000 долари купува долг од речиси 15 милиони долари.

Нормално дека јаболката кои денес ги купуваме по тезгите се мазни и совршени и немаат ниедна зуцка од црв. Црвот не е глуп, како инаку би преживеал илјадници години на планетава?

Дузина кучиња, чекаат мирно да бидат викнати по име за да тргнат на јадење.

Трамп за Американците не е ништо ново, ново е само што полека престанува да им е смешен и наместо тоа полека почнува да им станува страв од можниот исход на изборите во ноември. Џон Милејни има еден постар скеч со Трамп, кој на негова жалост никако да изгуби од актуелност и точност.

На потегот ДМ - Перо - Чамо (дебармаалскиот бермудски триаголник во кој потонале многу храбри олупини), овој клип се раскажува како доказ дека рајот е сепак можен на Земјава.

Статлер и Валдорф, или кај нас "оние старците од балконот на Мапетси," во нивните најдобри моменти.

Филип Пулман за правото на говор и твоето право да бидеш навреден и што можеш да направиш во врска со тоа, а можеш многу да направиш.

Краток филм од серијал поддржан од УНЕСКО а посветен на бабите од овој свет. Малку за фамозниот хрватски десерт од компири и сливи (ако се добро направени, да се удавиш во нив!), малку за судбината на една српско-хрватска фамилија расселена од војните во екс Југославија.

Многу забавна и досетлива точка од шоуто "Америка има талент." Дечкото има и талент и вештина и креативност... Да им се радуваш на вакви луѓе.

Ако сте со нежен стомак или образ, топло препорачуваме да го скокнете и заборавите ова видео. Оти вакво шакетање немате видено. Извесен Хулк од турската полиција приведува двајца лопови, им ја покажува техниката и ги тера да вежбаат еден на друг. Доколку е вистина дека криминалците имаат образ дебел како ѓон, овие двајца после видеово се исклучок од тоа правило.

Ќе го видите како изгледа Стив Карел откако Колбер го носи на пијачка, во истражувачки цели, за да покажат како влијае алкохолот на скоро па нормален човек. Па по ова имате една рецензија на сите негови грешки.

Опасно јака заебанција. Додека човек од Тбилиси, Грузија, со помош на апарат за виртеулна реалност ги разгледува убавините на Ирска, околу него луѓе му ја монтираат најреалната асоцијација на Ирска. Замислете го тој момент кога ги симнува наочарите!

Најава за хрватски документарец во 4 епизоди "околу модерната архитектура во Хрватска и регионот на поранешна Југославија, подрачје кое е единтсвено по бројот на напуштени и разрушени згради од 20-от век, со исклучителна архитектонска вредност. "

Човеков има исто понашање спрема катаклизмични природни ситуации, како што Стив имаше спрема докажано нечовекољубиви суштества од типот "пазете, она таму е најотровната змија на светот... и сега ќе одам да ја допрам!"

Планот е добар: детето да стави чаршаф на себе и да се преправи во дух и да го извади татко му од памет. Но, секој план има некоја мана.

Мотото на готвачов е "мојата храна нема да ја ставиш на Инстаграм, ама за тоа ќе ја јадеш." Видеото е одлична пародија, а за тие што не го знаат серијалот This is That "е програма која не само што зборува за актуелните проблеми туку и ги измислува."

Американскиот филозоф и автор на бестселерот "On Bullshit" Хери Франкфурт, и неговата теорија за срањата како алтернатива на вистината.

Два предуслови: мајката да не те знае што правиш и таткото да е невработен махер за компјутерски ефекти.

Опремен со виртуозна изведувачка техника и очигледно добро упатен во музичките структури, пијанистот Тони Ен во класични композиции умешно вметнува популарни рингтонови, како што е оној на Нокиа или Маримбата на Епл.