Еден од најчудните аргументи во предизборна трка. Група еврејски баби и по некој дедо бараат од младите да не гласаат за Трамп со потсетување дека тие се стари луѓе и брзо ќе умрат. А кога ќе умре човек, дури тогаш тешко го контролираш.
Траудл Јунге влегува во најтесниот круг на Хитлер во 1942 кога има само 22 години и останува со него до последниот ден. Нејзе Хитлер ѝ го има диктирано својот тестамент и според нејзините сведоштва се реконструирани последните денови во бункерот во филмот Der Untergang. Пробува да објасни како е можно да си во центарот на збиднувањата а да си во слеп агол на она што се случува наоколу.
Видеото е снимено од еден Британец и посветено им е на британските парламентарци кои периодов треба да дебатираат за легализирање на марихуаната во медицински цели. Може да го гледаат и луѓе што не се британски парламентарци.
Ролинг Стоун магазинот проценува дека бумот кој моментално се случува во телевизиската продукција го започнуваат Сопранови на почетокот од овој век. Тие прават подолга и пообемна анализа на темава, рангирајќи ги и рецензирајќи ги 100-те најдобри телевизиски шоуа на сите времиња (серии, ток шоу, ноќни програми...).
Меѓу стандардно ужасните (одлични) фори, Галифинакис успева на Хилари да и прошверцува неколку тешки прашања и една реклама од Трамп (да го поздравиме спонзорот на емисијата).
Човекот што едно телевизиско шоу го заврши со "Фала му на Господ што ме направи атеист," одговара на најчесто поставуваните прашања што ги добива како атеист. Една од главните пораки му е до верските екстремисти: - Бог е семоќен, не му треба твојата помош!
17 годишниот Џо Буш добива задача за завршен испит по монтажа да направи 2 минутно филмче и да раскаже приказна. Симнува куп фотографии од интернет, ја зема музиката од филмот Инсепшн и остатокот е сув талент.
Видеото и податоците се американски но ситуацијата е практично иста: дечурланава наскоро нема да знаат сами улица да пројдат, не па копче да си сошијат.
Како и секој грубијан, Доналд Трамп со неверојатна леснотија ги расфрла своите навреди и омаловажувања на сите страни. За жал, секогаш ќе им публика за такви. За среќа, секогаш ќе има некој да им каже: Чекај бре, не оди тоа така.
Секој производ што се продава на Амазон подлежи на рецензии и оценки од купувачите. Некој што седнал да анализира 18 милиони оценки и рецензии, тврди дека бројките непогрешиво покажуваат дека секој оној што добил гратис производ во замена за рецензија, дал повисока позитивна оценка за истиот.
Пинг-понг е еден од оние спортови каде успехот е составен од 50% талент и 50% да си Кинез. Овие скроз ги имаат покриено двете ставки, плус имаат додадено неброени часови вежбање.
Избори завршени, гласачки ливчиња преброени, ХДЗ на власт. Екипа од хрватската Нова ТВ, оди на југ од земјата на две места каде ХДЗ освојува 85% од гласовите, и на север на место каде СДП има 65% од гласовите, и разговара со случајно избрани граѓани. Видеото посветено на сите (кои и да се) што некогаш за другите (кои и да се) помислиле "кој ви верува бе на лагите?"
Група весељаци од Сирија, вооружени до заби, удираат на песна, сè додека еден од нив не решава да направи селфи, со телефон очигледно поврзан со експлозив. Без гајле, видеото е со хепиенд, дечките се дигаат во воздух.
Низ цела кампања Трамп дели навреди на секој што ќе му се најде на мета или е следен за требење, и овие навреди најчесто се на ниво на второоделенец: "лажго," "крадец," "мали"... Во исто време, комичарите не можат да се сопрат да го пердашат Трамп. Ова се дел од нивните собрани дела.
Бидејќи следниот пат кога ќе се видат, Доналд Трамп може да биде претседател на САД, Џими Фалон ја искористи нивната последна средба како цивили за да го допре и размрда тоа чудо.
Ако ја изгледавте втората сезона од Наркос тогаш ви е позната стаменоста и сериозноста на Дон Берна (дебелиот од кај онаа кучка Џуди) и решителноста и посветеноста на агентот Пења. Ок, а сега малку да излеземе од кадар.
"Најреалното Реално" е филм на Кери Браунштајн, направен за модната куќа Кензо. Малку чудна сатира на тема нови социјални медиуми. Нема да нè чуди ако тоа црното девојче, по мрежите веќе добива еден тон понуди за посвојување.
Не е завера дека си слеп како лилјак и треба да носиш, тоа е реалност. Завера е што мислиш дека има десетици разни брендови и фабрики за наочари, кога над 80% од сите очила во светот ги произведува една компанија - Луксотика. Ова во исто време е и најдобро објаснување за тоа како може парче пластика да чини исто колку и добар смартфон.
Тони Базил е американска пејачка, музичарка, кореограф, денсер, режисер.... Тоа што во моментов треба да го знаете за неа е дека е родена во септември 1943 и дека денес има 72 години. Сè друго што треба да знаете за неа денес, го имате во следното видео.
Ете го тазе спотот за песната Рубин на Баклава, единствената и затоа драгоцена македонска група која го негува жанрот "народно, а забавно". И овојпат се љубовни и разиграни и преубави. Чујте, почујте.
