Идеја што може да дојде само од некој што не собирал пари за лифтот, пари за поправање на пумпата за парно, пари за домофон, се нема расправано со тие од први дека и они треба да плаќаат за лифт, ги нема пцуено комшиите дека оставале ѓубре пред врата или нема фрлање овошје од балкон опремен со вечната мудрост "органско е ќе се распадне".

Бројката е концептот - 1000 музичари, една песна. Почна со Фу Фајтерс, па ги имаа Вајт Страјпс и Дејвид Боуви, сега ја рокаат Нирвана, и пак звучи боговски моќно.

Затоа што тероризам, немаштија, корупција, санкции, расправање со секој можен што не пишува кирилица им е малку, сега Русите треба да се справуваат и со тигри во купатило.

Кога веќе го спомнавме мобилниот на американскиот претседател, не треба да се пропушти да се каже дека Конан О'Браен веќе неколку месеци редовно објавува снимки од разговори меѓу Обама и Трамп, што тој ги има добиено од свои извори.

Веројатно единствената замисла што звучи по излудено од "Претседателот Трамп" е идејата за изградба на ѕид меѓу САД и Мексико. Првата работа се случи, втората е ставена во забрзана постапка да се случи. Мексикански архитекти направија компјутерски модел на ѕидот која комплетно ја доловува неговата бесмисленост.

Не е ова наш муабет, него на Метју Меконахи. За неговиот лик во "Злато" Меконахи се здебелил 21 кило. Како? Од пица еднаш неделно на скоро па секојдневно, плус многу десанти на фриждерот на полноќ. И така 6 месеци.

Ова никогаш нема да биде досадно. Што зборуваа Трамп и Обама на скалите, Хилари и Буш на трибините, Трамп и Меланија за време на првиот танц.

Една од причините е тоа што компаниите кои произведуваат храна сами решаваат за која употребена состојка ќе побараат одобрение од регулаторот. Ако не побараат, никому ништо, таа оди директно на рафтовите.

Многу - ама многу! - корисна апликација за луѓе кои имаат проблеми со видот. Телефонот ги препознава работите во околината и ги кажува. И не само што ќе ви каже дека имате куче пред себе, туку и кој модел е и колкаво е отприлика. Во следната верзија можеби ќе каже и дали кучето ве гледа попреку. Браво, за сите пари.

НБА натпревар Рапторс - Санс, доаѓа полувреме, тоа напнатите мажи се повлекуваат од терен, а ти чекаш да се појават девојките што веќе ги сметаш за загарантирано уставно право што доаѓа секое полувреме, кога тоа ти истрчуваат чирлидерки во чоја и опинци.

Стариот добар Џеј Лено пред многу години насети дека ќе се разгори војна меѓу реалноста и реалните ТВ шоуа. И уште тогаш беше јасно дека во таа војна повеќе ќе крвари првата страна. 

Прво, ова не е порака од холандската влада. Второ, бисери како: „...изградивме цел океан меѓу нас и Мексико... никој не гради океани подобро од нас... и океанов е толку голем, што можеш да го видиш дури и од Месечината... и ги натеравме Мексиканците да платат за него“.

Ова е можеби најлудата скриена камера на сите времиња од која коса побелува а животот се крати. Нема крвови, нема зомбија, нема моторни пили и сечења глави. Поентата е што и вас ве нема, во огледало! Можете ли да замислите што сè ќе ви мине низ глава кога го сфаќате тоа?

Воведната шпица од Отпишани во филхармониско пакување. Нема многу што да се каже, има многу што да се чуе.

За оваа дебата ќе ви кажеме само две работи: кои се учесниците и колку трае. Тука се: Оливер Стон, Дензел Вашингтон, Мел Гибсон, Бери Џенкинс (Moonlight), Демиен Шазел (Whiplash, La La Land) и Мира Наир (Queen of Katwe, The Namesake). Муабетот трае еден час и седум минути. А сега вие слободно кажете: Саат време? Многу е.

Рускиот претседател и неговото видување за светогледните разлики меѓу Американците и Русите, за вредните страни на американската дипломатија и нејзината опачина. Можете да му наоѓате мани на историчарот Путин сè додека не помислите како ли историјата му изгледа на неговиот колега Трамп: "На почетокот беше ништо. И после победив јас".  

Бајден за време на една од потпретседателските дебати пред 4 и кусур години, ставен меѓу неговиот избор на црква и ставот на истата оваа црква во однос на абортусот.

Нешто како Карл Пилкингтон само овој сосема свесно патува низ свет, на убави места и убаво си поминува. Концептот на емисијата на Ричард Ајоади е одење по најразлични метрополи, низ кои 48 часа шета со познати ликови, што ни најмалку не се локалци. Она што е заедничко за него и за Пилкингтон, е што и он не сака да шета низ свет.

Сложно, масовно и организирано, така се настапува кога се оди на улица! Останува само навивачките медиуми да излицитираат околу бројката.

Личи на идеална алатка со чија помош јајцата секогаш ќе бидат сварени токму онака како што ги сакате. Го варите со другите јајца и на свој личен пример ви покажува во која фаза се другите. Накратко да ја видиме неговата перспектива кај нас: стигнува, брзо станува популарно, навасува фалц-роба која покажува погрешно, се разочаруваме, го пцуеме трулиот Запад и си се враќаме на старото добро баење.

Има една анегдота од тоа работните акции по Југославија дека Македонците редовно заебувале една тогаш стандардна парола. На прашањето поставено на српски („За кога?“) наместо исправното „За Тито!“, одговорале по нашки, па здружено извикувале „За сега!“

Кога вашите ви зборат дека оделе во Трст на шопинг, оделе на Пјаца Понтересо. Од 70-те до почетокот на војните низ Југославија, аџилакот се случувал еднаш до два пати годишно. Трст, Југославија е документарец за ова искуство.

Условите се: не бираш ти, те бираат тебе. Не те бира само идниот зет, туку цело негово семејство. Ти поставуваат најинтимни прашања и најдлабоко се потресуваат ако имаш пластична операција, претходен брак, студени раце или не дај боже над 40 години. И сето ова на телевизија, пред цел народ. Ако толку многу сакаш, тогаш има ТВ шоу и за тебе (без притоа никој да не те тупи за трилери, украси и терца).

Спојлер: ништо занимљиво. Освен можда банана, ама јебеш банана ако не ја запознаеш со голема лажица нутела. Плус предлагаат ориз. Ај важи.