Менди Харви уште од мала имала проблеми со слухот за на 18 години комплетно да го изгуби и да биде прогласена за глува. За среќа, по неколкугодишна депресија решава сепак да му верува на својот талент за пеење и на мускулната меморија на своето грло. Еве ја на цел концерт, перфектно наштимана и боса, за да ги чувствува вибрациите од бендот.  

Бидејќи не се знае кому е продадена, можно е сликата на Леонардо за која беа дадени 450 милиони долари и следниве 500 години да ги помине како и последните 500, во приватни колекции, далеку од очите на јавноста. Аукциската куќа Кристи пушти интерсно филмче за тоа како му изгледа светот на Спасителот, од она што можел да го види во она кратко време додека беше јавно изложен.

Ни станува јасно зошто на Јапонците им требаа шест и пол години да го најдат стопениот ураниум од Фукушпима или зошто Кинезите им купија четири од шесте најголеми прозиводители на телевизори. Други вештини сега тие развиваат.

За во понеделник да може како за плескавици од Пивофест да се објават бројките за тоа колку е успешен Црн петок во заработување пари, треба народ на Црн петок да се потепа за да купи нешто. Според клиповиве, народот си ја заврши својата работа.

Како за луѓе со неколку децениски стаж во пешачење или возење на улиците на Скопје речиси и да нема некое поегзотично видео од местење на совршено рамна шахта.

„Немој ни да си помислил да паркираш овде“ е кратко и забавно филмче за тоа што мислат локалците за оваа заебанција во нивниот град. Еден паталец вика дека е скроз нормално човек кој успеал да стигне на забава, на забавата цело време да се одушевува какво добро паркинг место нашол.

Ако до сега сте верувале дека во светот нема никаква потреба од постоење на напалм дозволете да го приложиме клипов како контра-аргумент - осило, ужасно масовно.

Клиентот има просто барање, сака да му се нацртаат 7 црвени линии. Ама... некои да бидат зеленкасти, некои транспарентни и сите да бидат перпендикуларни меѓу себе. Посветено на сите дизајнери што треба да разговараат со клиент.

Не, Амазон нема да доминира со секоја можна индустрија. Да, Епл уште ќе вади Ајфони. 12 топ американски ЦЕО-а (Нетфликс, Дизни, ХБО, Инстаграм...) за Ванити феир предвидуваат како ќе изгледа светот. Според ЦЕО-то на Дизни, дури и за 50 години Дизни уште ќе прави филмови од Војна на ѕвездите серијалот.

Технички штракање на тастатура е мануелна работа, практично, да не се лажеме, не е, ама па за тоа знаеме да најдеме луѓе што стварно го вадат лебот со раце и се совршено вешти во тоа.

Сме виделе вакви сцени на апсење (хинт: Воденица, брат Љубе, откако „го наместија“ со помош на мистериозна сила која му ја мрдаше раката накај ковертот), но не и некој вака да го задржи својот заебантски дух додека го апсат. „Уууу, јак си“ му вика на пандурот и после го потсеќа дека и „најсилните имаат своја нежна страна“. Цар.

Наддавањето за сликата од Исус создадена во 1500-те години, започна на 70 милиони долари, заврши на 400 милиони, а разликата до 450 милиони е за најразлични давачки и бонуси што новиот сопственик треба да ги плати. Ова е една од помалку од 20-те уметнички фотографии кои денеска постојат, а за кои се верува дека се на Леонардо Да Винчи. Аукциската куќа Кристис вршеше пренос во живо од целиот настан, а подоцна и објави скратено видео од наддавањето.

Иако е крајно нефер да споредуваш електричен автомобил со автомобил со регуларен мотор (бензин / дизел), забрзувањето на Теслата секој пат до сега изгледа спектакуларно. Сега кога 0 до 100 од 2,5 го намалија на 1,9 ова веќе станува тешко за верување.

Видеото почнува со тоталка БМВ и човек со шмишајбна. Завршува со ганц ново БМВ пицнато за плац со спремна приказна „ абе професор го има возено во Германија, до факултет и назад“.

Марли ја има напишано песната како поддршка на марксистичко-ленинистичките и маостички борци за независност кои од некогашна Јужна Родезија го создадоа Зимбабве а Роберт Мугабе станува претседател. Речиси 40 години подоцна, Марли одамна го нема а Мугабе веројатно го има преспано воениот удар против него.

Прва лекција, немој да паркираш блиску до пруга. Прва лекција под Б, на тој што паркира блиску до пруга возот за ништо не му е крив.

Како да сипеш Кока кола а да не ти се направи цела чаша пена, па да чекаш пената да слегне за да ја дополниш чашата. Алатката која ќе ви помогне во тоа не е руска ама размислувањето е.

Сме виделе ранети предатори и деца во Африка како полесно доаѓаат до оброк од овој кутар дечко. Викаат, од тогаш само на стапче јаде.

Иако елените како вид имаат фатено глобално добар пи-ар, работите во Јелоустоун тргнуваат значително на подобро откако во паркот се ослободени 14 волци, кои се толку ефикасни во маскарирање елени што целата популација почнува да бега од дотогашните живеалишта и да се крие во понедостапните предели. Само по ова, започнува комплетната „ренесанса“ на паркот.

Или: зошто најнекомпетентните луѓе мислат дека се најдобри.

Странката: Дали вакцините предизвикуваат аутизам?
Гугл: Имам еден милион резултати кои викаат не, и еден резултат кој вика да.
Странката: Знаев!

Еден од непогрешивите начини е - дај му да нацрта нешто што ќе го истетовираш на себе. Што ќе речат некои искусни родители „оди па кажи му после дека мора да јаде боранија“.

Поентата на Шапел е дека за да успееш во Холивуд (шоубизнис општо), посебно за тоа да достигне глобални размери, мора, ама мора, да си ужасно силен како човек (како карактер). Прашањето на Шапел (11 години пред есенва да почнат да се редат секакви непријатности од Холивуд), е што тоа треба да му се случи на така силен човек за да доживее крах, како што се случува да видиме од некои од најпознатите ѕвезди.

Жената ја огласува својата стара Хонда за 499 долари. Маж ѝ, режисер, решава малку да ја подбутне работата и да му даде душа на огласот. Хондата (произведена во 1996-та, со поминати 230.000 километри) на крај постигнува цена од 100.000 долари.