Имаш врвни уметници и врвни дизајнери, и џабе ти се они ако не се жените и мажите во бекстејџ на музеите и галериите, задолжени со пакување, распакување, пазење, чистење, средување, редење, и што уште не, на уметничките дела пред тие да ти се појават пред очи.

Компилацијава најдобри пинг-понг потези од годинава е толку добра што сме на раб да почнеме да размислуваме да не случајно ни се игра. П.С. Кој да знае дека пинг-понг има вака возбудени коментари.

Се вика Кулубусе Зума, внук е на јужноафриканскиот претседател Џејкоб Зума, се бави со бизнис, можете да го најдете во Документите од Панама и слично. Но, за ова видео е доволно да сфатите дека кога одбирал што кола да купи, Кулубусе покажал дека е глуп колку што е тежок.

Нема тука ништо нејасно. Се работи за автентична уметничка интерпретација на една од најпознатите песни на Пинк Флојд во која артистот успева да утиња на сите полиња, и со текстот и со гласот и со тоа безвезното набадање по клавијатурата. Но, како и секоја друга вистинска уметност, доживувањето е неповторливо. 

Ниту ќе ослабеш годинава, ниту ќе почнеш да вежбаш, ниту па помалку ќе пушиш или пиеш, ама па за тоа ова ти е добар почеток ако си решил дека дошло време да почнеш да чистиш и средуваш по дома. Основите се крајно лесни: ако е бигор, лупај алкохолен оцет; ако се садови, никогаш не ги оставај суви; ако е огледало / стакло чисти со весник; ако се валкани патики или чевли вади влажните марамици.

И првата и втората тројка филмови на Џорџ Лукас за Ѕвездени војни се вртат околу млади момчиња и нивниот пат кон станување мажи. И во двата случаја оваа еволуција требаше да се направи по основа на правилата на џедаите. И тоа е проблем.

Ако не се држите до панкерската максима на Жељко Самарџиќ („не суди по амбалажи“), оваа сцена може да ви изгледа вака: Влегува баба во продавница за гитари. Добро, можеби не е баба - баба ама тазе пензионерка штотуку вратена од прослава на 8-ми март на жени од Охис. И, што прави таа во продавница за гитари? Па сигурно бара нешто за внучето....

Доаѓате во хотел од 5 ѕвездички, ја разгледувате собата што сте ја платиле изгор скапо и си викате „вредеше“! Но што ако знаете дека освежувачките убруси за раце се навлажнети во тоалетот а чашите се испрани со истата четка со која се чистела веце шољата? Скриена камера од кинески Кемпински хотел.

Откако им завршува употребливоста, градските власти на Сеул решаваат дека речиси еден километар поранешни улици (дигнати, на столбови), ќе бидат претворени во шеталиште - градина. Мандатот да им се позлати.

Групно ловење риба на едно замрзнато езеро. За такво рибарење е потребна стандардна опрема (трска, мамци) и сврдло за да го пробиеш ледот. Овие двајцава го земале сето тоа, ама и плус шише.

Сме виделе ние рокање, ама ова Јапонциве како ја подбраа „Брала мома капини“ ко преку Јутјуб да ќе им лепиме пари. И сред спот ги гледаш токискиве убер-хипстери (нема друго штом песнава и неколку слични ти се дел од репертоарот) како се нацртале на свадба сред Прилеп. Ова не се измислува.

Ова веројатно никогаш нема да ти затреба, ниту на тебе, ниту на кого било што го познаваш. Ама пак не можеш а да не му се воодушевиш на тој што го смислил.

Освен банкари, Срби со ќебапчилници и Турци со донери, Швајцарија да ти имала и дрвосечачи, и тоа швајцарски (горе-доле). Видеово е за нив.

Не постои поомразен дел од нашето тело од салото. Луѓето го сметаат за грдо, непотребно и нездраво. А се работи за за еден комплексен орган, есенцијален за човечкиот живот исто како што е тоа срцето или дробовите. Краток документарец (20 мин) кој ќе ве натера да размислите дали одамна лустрираното сало не заслужува рехабилитација.

Малку од малку да ни беше јасно нешто околу клипов па да имаме од каде да почнеме, вака сме само на: концерт, публика, најверојатно „играње“ и Тајланд.

Додека подзинати го гледате клипов многу е важно цело време да ви е во памет дека Џими Кимел и да сака не би му текнале овие работи, и дека сè ова се производи кои регуларно се продаваат (и некој ги купува).

Што сериозни, што од онакви ранобудни програми, што вклучувања во живо од терен, па до ТВ вести од типот дај да видиме што има на интернет и да коментираме. И ништо важно од сè ова, само киксовите наталожени од цела година.

Монтажава освен што е мајсторски составена речиси до граници на перфекција, има и една повеличенствена улога во животот - да служи како список на филмови што сте ги пропуштиле годинава.

Бидејќи одеднаш затребаа идеи (кои не требаа кога беше време за ветувања), еве ја приказната за Шенжен, кинески град со 11 милиони жители и 3 милиони автомобили во кој за 4 години успеале да го намалат загадувањето за 50%. Нема тука волшебни кули и други магли. Има желба, упорност, памет, посветеност и искористување на енергијата на приватните иницијативи. 

Од 80-тите години, со послаба резолуција, но помалку напнати, некако почовечки....

Девојчето сериозно пробува да испее една песна, проаѓа мајка ѝ, и сфаќа дека е греота песната да пројде без неа.

За следната година само со Марвел херои нè чекаат 6 филмови, плус има роботи, има диносаоруси, Лара Крофт и уште една од новите приказни од Ѕвездени војни.

Никој не вика дека е лесно и дека е ефтино, ама од организација главно не им е јасно зошто мора да се трошат толку пари на летање со авиони од една арена до друга, наместо едноставно сите да се борат на едно место. И зошто бе на секоја трета борба да се крши по еден нов Мерцедес, наместо некоја половњача? И што е Кен поразличен од Рај?

Само затоа што сме недоволно амбициозни во нашите намери за затнување на артериите, досегашните наши идеи беа: јајце или карамелизиран кромид или зелка од подварок или пржени везанки или сушен патлиџан или наместо регулар лепче да се ставан пржени лепчиња во јајца. Ама затоа има луѓе што размислуваат повеќедимензионално и вон сите рамки па доаѓаат до решенија за додатоци како - тегла топен кашкавал.