Двотретинското мнозинство во колата решило да слуша една песна (Come on Eileen, од Dexy's Mindnight Runners). Останатата третина, баш пред рефренот, пука и веќе не може да додржи.

Нема двајца луѓе кои во своите политички погледи се подалеку еден од друг од овие двајца. Па сепак, едниот вика непријателски политичар, другиот оди кај непријателски новинар. На Бенон му е криво што Сандерс немал доволно енергија и борбеност како Трамп за да победи кај Демократите па на сцената да се тепаат лев и десен популизам. Мар тврди дека Бенон намерно наоѓа идиоти како Сара Палин и Трамп, бидејќи се празни шасии кои тој ги полни со негови идеи.

Дечкото се намести, трпеливо  почека да му дојде текстот за пеење и - победа! Наравоучение: кога не те бива за нешто, најпаметно е да го избереш она што најмалку те резили. 

Легендата вели дека на денот кога испушташе душа (24 ноември 1991), Фреди Меркјури го има посетено небесен пратеник со непристоен предлог: ќе му го продолжи животот ако успее до крај да ислуша една негова песна. Фреди се израдувал. Фреди беше наивен.

Еве прво нека се произнесе компилацијава луѓе од видеово, а потоа збор ќе имаш ти со твојата неиздржлива компилација од меил што го игнорираш, 6-ти состанок во денот, пропуштен повик од клиент на кој не сакаш да му се јавиш и недовршениот ексел што ти ја црпи цела сила.

Човекот кој го прогласивме за наш Буда, господар на здравиот разум, шаолин мајстор на способноста ништо да не може да те одушеви, Карл Пилкингтон, има ново шоу и сега шета малку по телевизии да го рекламира. „Sales“ поентата му е генијално искрена: ако ви се свиѓаше она што досега го правев, ова новово нема да ви се свиѓа.

Задоцнета но праведна одмазда за сите истурени пијачки, флекосани алишта, недолжни камчиња и дебело превиткани картончиња. Ако за ова ни требаше толку време, колку ќе ни треба за ракот?

Ги има во сите големини, форми и лоши табиети, и тоа доволно лоши табиети за кинеската влада да се загрижи како тоа нејзините луѓе се однесуваат надвор од земјата. И овој пат кинеската влада не претерува.

Прво: бракот е како лотарија, па веројатно нема да добиеш. Ама ако добиеш тоа е толку добро што само за тоа вреди да се проба. Второ: 50% од браковите завршуваат со развод, ако ти кажам дека надвор има  50% шанси да паѓаат метални кугли, ти ќе останеш дома, нема да стапнеш надвор. Трето: да купиш куќа ќе ти дадат 50 формулари што треба да ги пополниш, што ти објаснуваат сè... кога влегуваш во брак не добиваш ни едно ливче, ни летка на која пишува „само што ја направи законски најважната работа во твојот живот.“ Има уште.

Група од 50 рандом луѓе испречени пред една од големите непознатици на „пакувано на парче“ културата: како да исечеш лубеница на триаголници. За исполнување на потфатот имаат отприлика доволно алат за од балван да направат кауч на отварање.

На ТЕД веќе може да се сретнат секакви будалаштини (пред извесно време една цура објаснуваше дека педофилијата е сосема легитимна сексуална ориентација), но на таа платформа уште може да се најдат драгоцени и инспиративни погледи. Овојпат, нобеловецот Даниел Кенеман, автор на книгата „Мислење, брзо и бавно“, за загатката меѓу искуството и сеќавањата. 

Ако нешто може да се научи од видеово тоа е дека под итно треба да се основа невладина организација, кризна група, советувалиште и засолниште за ранливата група на тинејџери криминалци претепани од 83-годишни пензионери. А ако не казна, пензионерот треба да мине барем темелна наобразба за маките на денешната младина соочена со вечната неправдина на пакосното зло познато како „животот не е како што ти си го замислуваш на 18 години“, по што како што е ред ќе следуваат семинари за градење доверба и разбирање меѓу двете страни.

Дечково си дава за задача да имитира 28 глобално познати комичари и на спектакуларен начин успева да ги утне сите до еден и притоа фантастично да ги скине.

Том Вејтс е во нова песна првпат после две години. Му гостува на својот дологодишен соработник, гитаристот Марк Рибо, кој неодамна имаше баш убав концерт во Скопје. Ја плетат старата добра химна на италијанските партизани „Бела чао“, онаа која малку ни ја огадија фејкерите кои со неа на своите медени усни го крчеа својот пат кон државното ухлебување. За среќа, можеме да бидеме сигурни дека Вејтс и Рибо не го прават ова за да бидат пиарџии во новиот состав на Белата куќа.

Се наоѓа во Тајланд a името го добива затоа што целиот пазар се собира како чадор во моментот кога низ него минува воз. Буквално низ него, на едвај 50-на сантиметри од тезгите минува воз. И така по осум пати на ден.

Многу е глупо кога не можеш нешто да провериш дали функционира затоа што на работа ја немаш потребната опрема. Па го објавуваш тоа на сајт, само за да се потсетиш на тоа кога ќе бидеш дома (иначе, ќе заборавиш). И сите да те видат што уствари те занима....

Или па сме ние побудалени па во сè го гледаме локалното лудило, збунетоста и бесмислата кои веќе не знаеме ни да ги опишеме (без пцовки). Инаку, се работи за “Nowhere Man“, ја знаете, само да ја чуете сосе текст.

Првата, професионална верзија ја имате тука а финтата е во тоа што публиката е инструирана да се преправа дека магионачарот стварно успеал да го снема човекот. Во домашна атмосфера тоа изгледа многу побрутално. Го збудалеа малиот.

Кај нас кучето прави „ав, ав“, мачето „мјау, мјау“, пајакот не прави никако... Во Јапонија некои животни им звучат сосема поинаку. Ковертирајте го однапред својот потег: Што мислите, како на Јапонец му звучи прасе?

Џон Луис е ланец на стоковни куќи во Британија кој надвор од островот е познат главно по своите реклами. Ова е уште една рецка во нивното резиме, овој пат со цела банда дечурлана и Боемска рапсодија.

Како што е неспорно дека Најк помогна во агендата и борбата на Колин Каперник, така е неспорно и дека хејтот што кампањата го доби во САД направи правичниот дел од јавноста инстантно да заборави дека станува збор компанија која им дава понижувачки плати на работниците во фабриките во југоисточна Азија и затајува милијарди долари данок низ цел свет, без да дискриминира дали тоа е Европа, Африка или Америка. Ова е првата видео реклама од соработката.

Ти ги мислиш убиј боже досадни, они да ти биле нација на каскадери. Ви претставуваме натпревар во фрлање во базен на стомак, или како што локално го викаат „смртен скок“.

Ако некогаш имало излишна кампања тогаш тоа веројатно е „Германија работи“,  совршено скоцкана кампања која како да има потреба те уверува дека Германија работи, функционира, истражува нови полиња, народот има долг животен век и што уште не. Генерално ти го кажува сето она што ти го мислиш за Германија.

Бродскиот превоз и понатаму останува најевтината форма на транспорт во светот, заради што на нејзе отпаѓа и најголемиот дел од транспортот на големи далечини. Она што изминативе деценија и кусур никако не останува евтино е горивото, што е и една од причините за неодоливоста на обновливата енергија (покрај тоа што за нејзе не мора да плаќаат).