Црна ТикТокерка прегледува песни од учеснички на Евровизија и одеднаш се стаписува кога доаѓа до Црна Гора.

Како се појави со обработка на I Walk the Line, многумина вреснаа дека во младиот Ендрју Логан Хенсли се има префрлено духот на Џони Кеш! Малиот е скроз добар (особено што е ладен-шприцер и што трепка бавно), ама ај да не претеруваме. А и да е вистина, треба да е среќен што во него се префрлил духот, а не јетрата на Кеш.

На 59 години, од рак на коски почина Ник Кејмен, едно време пулен на Мадона но најпознат по една фамозна реклама за Левис која ја дигна продажбата на тие фармерките перени со камења во џебовите за неверојатни 800%. 

Од својот замок во Кањонот Бел (еве баш тука), оваа, некогаш поднослива актерка. ја задржува својата присутност во јавноста глумејќи загрижен прогресивец. „Во името на сите нас кои не сме црни, замислете да гледате вести...“ порача таа во својата последна проповед која наиде на маестрална контра од извесна Савана Едвардс од Њу Орлеанс

Стандардна вежба за пронаоѓање на внатрешното око на еден иден џедај и изострување на неговата вештина да избегнува удари со врзани очи. На тие џедаји на кои нема да им текне дека клатното оди натаму ама оди и наваму, тие џедаји подоцна се познаваат по сплескани носеви.

Замисли до половина да си соблечен гол во кафана и да го смараш пејачот кој не може да те поднесе, а и покрај тоа да не си ни приближно најпроблематичниот лик во локалот.

Замислете го вие тој муабет кога ќе се вратат кај претпоставениот после вака обавената работа. - Шефе, оној контејнерот, не успеавме да го префрлиме. - А ја вративте дигалката? - Не, ни тоа, не. - Ама, бродот е барем ок, така? - Шефе, еве сам види го насловот на оффнет. 

Хепиенд за оние кои се снимаат и хепиенд за оние кои гледаат не секогаш е иста работа. На пример, како заврши овој врескав инфлуенсер - пренемагач, кој реши со нас да го сподели своето искуство со пијалокот кој штотуку го открил (обичен чај со млеко, патем), нам ни е дефиниција за хепиенд. Дабогда стално ново пробувал. 

Во некоја припиздина во рурално Кентаки, имало крстопат на кој се случувале бааги сообраќајни незгоди. За да го решат тоа, ставиле кружен тек. Ене ги, уште вртат.

Како изгледа американски Тиенанмен: наместо пред тенк, нивната демонстрантка застанува пред кола, а за комплетирање на американското видување на ситуацијата, снимка и коментар како од НФЛ.

Кога Лудвиг Ван Бетовен имал онострано провидение, го има напишано моќното дело Миса Солемнис. Во слична ситуација, некој наш дошол до просветление дека велигденската миса на Џина Папас Џокси лежи на речиси секоја песна на Нели Фуртадо. Тоа е таа генијалност, не знаеш во која форма ќе се појави. 

Ќе ставевме наслов дека го најдовме најглупиот другар, пошто откако другар му со мотор се урниса во огромна провалија, дибекот реши да го праша: Скот, добар ли си? Само што, секунда подоцна, Скот извика: Добар сум! Па како бе Скот си добар?

Еве ја сцената кога еден од говедата кои ни го сменија името, откако ќе му заврши имунитетот на власта, ќе се почувствува малку нелагодно меѓу своите, па ќе помисли, да пробам кај Грците и Бугарите, со нив направив ептен големи пријателства? Чул те Господ, оффнет., чул те Господ.

Синот решава да го изненади татка си носејќи му дома две млади стриптизетки. За сè друго погрижува мајката и нејзината мирна но оди-па-промаши-ја присутност.

Толку се направени гипс што победникот ќе верува дека го нокаутирал противникот со прецизна клоца во газ а поразениот нема ни да се сеќава на некој пораз. Авенџери полни со промили. Битно, нервозите да поминат.

Ок, класика, на пијано ѝ пишува пораки на бившата. Не ја знаеме ама сме сигурни дека нема да му врати.

Многу излудевме со пандемијава, многу. Ова е само оној видливиот дел од нашето забегување.

Човекот решава да удри втора дестилација на евтино виски од супермаркет. Не само за да види дали препекот ќе личи на порафинирано виски или пак ќе мава накај некој прочистен алкохол како вотка, туку после ги меша остатоците од дестилацијата (боја, карамелизација, вкусови) со обична вотка. Значи, дупло занимливо.

За среќа, кај нас за Филипче сè остана на стикери и аплаузи од балкони. Чујте го овој мал жбитак (кај нас ваквите ги очекува убава партиска кариера) и нека ве облее туѓа срамота, тоест секонд хенд резил.

20 години да ти поминале од Weapon Of Choice на Фетбој Слим (издадена е 21 април 2001 година), песна со еден од најфраерските спотови евер. Режијата е на Спајк Џонз а фраерот Кристофер Вокен. Знаете ли дека пред да стане глумец, Вокен бил денсер во музички театар? Јубилејно, во 4К.

Единствена причина зошто храната кај тебе во тањир не излгеда како храната на телевизија е затоа што оваа втората во најдобар дел не е храна и не е за ставање во уста.

Деца задеваат бик, бикот подбира едно од нив, прилично брутално го дига на рогови, детето му се извинува, бикот го прифаќа извинувањето и заминува.

Еве, со вакви ни се полни институциите, од смешни подрачни единици па до влада и собрание. Со луѓе кои ем ќе се искилават, ем ќе направат белја, само затоа што кога шефот ќe им даде некоја сулуда задача, не знаат да му кажат: Шефе, не бива таа работа така.

Американскиот секретар за транспорт Пит Бутиџеџ, многу држи до својот имиџ на еко--освестен политичар. Интернет вади снимка како тоа може да изгледа: со службен блиндиран џип му го носат точакот, му го вадат од гепек и после тој гордо ги одпедалува последните неколку стотини метри до дестинацијата.