Идејата за една ваква местенка звучи прилично тенко ама добиените снимки се пишурија.

На тотално уврнат начин, Монтипајтоновци уште во првата година од своето емитување (октомври 1969-та!) гротескно предвидоа тема што е многу актуелна по масакрот во Парис. Je suis?

Ако овој не зема плата за четворица, тогаш работи џабе.

Во новогодишната 24 минути (по формат нешто како Дејли шоу), требаше да гостува Алексендар Вучиќ. Наместо него во емисија се појави албанскиот премиер, а подоцна и неговиот брат.

Саша Барон Коен и неговиот Борат се луѓето кои на екраните совршено споија два принципа: гандиевство (користење на својата немоќ) и аикидо (користење на силата на противникот). Неколку сцени кои не влегле во финалната верзија на филмот, а исто феноменални.

"Види ги сите овие луѓе кои ја изгубија својата работа." Блупери од годинешната работата во живо на телевизиските вести.

Ако првите асоцијации на Холандија ви се Робен, Штулиќ, Силвија Кристел, Ана Франк, Доуцен Крос, Ван Гог, Ван Бастен или Ван Хален, дозволете да ви уфрлиме двајца ликови кои доживотно ќе ви ја пореметат сликата за убавата земја на лалињата во која живеат фини луѓе што возат точаци. Уте, уте, уте, скуте.... Џизс.

Ако сакате да уживате во филмовите во кои се патува низ времето, не треба многу да чешате глава со сите наративни парадокси од ваквото поигрување. Просто, нема тука лесно решение. Подобро е на филмот да сте дојдени главно за тепачки. Фина заебанција на оваа тема: 

30 годишен маж оди наоколу и ги снима разговорите меѓу мајка му и тетка му. По ова наоѓа уште еден 30 годишен маж (брат му) и заедно со него ги имитираат двете сестри. Сега муабетот е за Бил Мареј.

Вилман (еден магионичар со смисла за хумор) му го покажал најглупиот трик што овој во живот го видел па сака да го сподели.

По 10 сезони како водител на сопствено шоу на Комеди Централ, Колбер од април ја продолжува кариерата како следниот водител на Лејт Шоу (на Летерман). 18 декември беше последното изадение на Колбер репорт.

Дека ќе победи љубовта и храброста. Дека витези се уште постојат. И дека женскиот лик нема време за многу тејкови бидејќи тоа маската брзо се суши.

Права девојка не ти раскинува за тоа што си ја наместил, него ти го собира неколку месеци и те чека кога ќе бидеш најранлив да те изрезили пред цел народ. И да е наместено, греота е.

Американскиот претседател се појави како водител / гостин во едно од последните изданија во историјата на Колбер репорт, и читаше што сеир му подготвиле на негова сметка. Без бунење. Последната епизода на шоуто е закажана за 18-ти декември.

Маестрално парче комедија со Лиам во кое седиш и ќутиш и не му враќаш на Лиам Нисон, без разлика што си Рики Џервејс и он е дојден кај тебе во канцеларија за да те праша за совет околу комедија. Не му враќаш.

Видео анатомија на една вратоломна журка, особено вратоломна за оној во белото.

Имаме прекрасен и дирљив видео доказ за оваа дефиниција. Ќе видите едно младо момче. На прагот на својот дом. Додека е надвор, го лулаат страшни ветришта во разни правци. Но, стоички ги издржува тие налети затоа што некаде длабоко во својот жироскоп.... знае.... дека дома.... е онаму каде што го влече.

Топ-шоп и сличните формати се потпираат на реклами со едноставна структура која содржи два дела. Во првиот дел (црно-бел и ужасен) ви прикажуваат каков ви е животот без нивниот производ а во вториот дел (шарен и среќен) каков ќе биде откако ќе го завртите бројот и ќе ја направите нарачката. Е па, овие првиве делови, собрани на едно место, кога со сила се прават глупи и несреќни.

Официјално: "Сите ве сакам и сè е прекрасно." Неофицијално: "Не знам како можете сами себе да се поднесете." Дечково би требало да е од One Direction.

Четири - пет мажи чии жени им рекле дека вечерта сакаат да излезат, ете така, само другарки.

Снимката беше пуштена на интернет од непознат извор, а е направена од претставникот на ЕУ за време на состанокот со власта и опозицијата за кризата со пратеничките мандати. Видеото веројатно е снимено без знаење на двете домашни страни. Како што ќе видите разговорите се минати во прилично мирна атмосфера со јасни знаци на каење, меѓутоа веројатно нема да бидат последни. Според луѓето од ЕУ запознаени со целиот процес, не постои конкретна пречка, туку едноставно се чека да пројде време и двете страни да пораснат.

Прво Стујарт си оди, па седна Оливер, па седнаа репортерите на Дејли Шоу што беа во Иран и го предизвикаа апсењето на новинарот Мазир Бахари, па по нив седна Мазир Бахари чие затворање го предизвика Џон Стујарт да го сними филмот Роузвотер. И.тн.

Се што ќе видите тука се базира на доживеани настани:
- не знае што и се јаде
- а тоа е затоа што не сака баш да јаде, јаде
- ама тоа не и смета што и да одбереш ти, баш од тоа ќе и се јаде
(а ти не ја прашуваш што сака да јаде само затоа што ти стало до нејзе, него знаеш дека нема да дојаде до крај и ќе остане за тебе, уште колку таман да ти биде)
- и сега ти не само што остануваш без она таман, туку и твоето го нема
Затоа мора да се избориш и да ти каже - што сака да јаде.