Го седнале пред камера со една цел, да ја промовира неговата книга за патувањата низ светот. Ама тој и кога има само една цел, на памет му доаѓаат секакви работи.

Видео кое потсетува на легендарната приказна од Босна, кога криејќи се во подземен бункер од бомбардирања, група мангупи ѝ даваат џоинт на баба која им побарала цигара. А таа, по некое време извикува: "Отварајте прозоре да баба полети!" Оваа баба е на колачиња.

Ги видовме нивните урнебесни реакции на вокменот, сега е на ред да се соочат со прастар компјутер.

Малиот го јаде една мака заради која ќе му завидат многумина големи мажи.

Многумина сметаат дека ако некогаш ни се јават вонземјани и побараат муабет со некоj од овде, единствен глас кој може да им остави впечаток е оној на Морган Фриман. Додека не му испаднала таква задача, 76 годишниот актер фино се зеза со инструментот кој може да ја спаси планетава.

Сите знаеме дека основачот на Мајкрософт е богат, пребогат, пребогат у пичку матер. Но, што тоа навистина значи, дозволете да ви долови астрофизичарот Нил ДеГрас. И бидете спремни за евентуален удар на депресија.

Вториот начин сме го пробале и функционира. Третиот ќе го пробаме кај и да е.

Африкански егзорцизам со пресврт.

Шест и нешто минути некои Руси си играат на огромна ледина за да видат како човек пробува да оди право со врзани очи. Многу лошо сме баждарени.

Америка, земја во која младите се радуваат кога ќе им стигне одговор дека успеале да се запишат на факултет. Ете, до толку се тие чудни :)

Не мора да имате објаснување па да сфатите дека се работи за маж кој везден е по риба со својот чамец. И ете го, решава да ѝ помогне на жена му околу некои домашни работи.

"Не ти треба мислењето на луѓето во врска со факти. Тоа ти е како да правиш анкета 'Кој број е поголем 5 или 15?' или 'Дали бувовите постојат?' или 'Дали има капи?' Дебатата за климатски промени не треба да биде дали постои или не, туку што можеме да направиме во врска со тоа." П.С. Истиот овој формат важи и за секоја дебата што ви изгледа сулуда, како вакцинирање и слично.

Сите ја чуле таа фамозна дневна доза од препорачани 2.000 калории ама како тие изгледаат во реалност? Хеј, можеме да изедеме 67 моркови во ист ден? Па што не кажете така!

За разлика од Кончита, кој е скроз згодна (граматико, како е?), ова видео е правено од сосема поинакви мотиви, за сите оние жени кои мора да ги трпат своите неизбричени мажи.

Уште од легендарниот "Ај оф д тајгер", немаме сретнато ваков бисер на некој од многуте избори за таленти. Вин Буи има 19 години, одбира да се претстави со позната песна од Џон Ленон на која ѝ додава (тоест одзема) комплетно авторство. И глас и топење гитара. Не пројде пошто го мразат од жирито.

Никој не сака да мие чинии ама изгледа тие сепак се измислени со некоја причина. Девојкава се снимала како дошла до тоа големо откритие.

Кога медиум ќе спомне некој бренд по лошо, најредовната закана е - никогаш веќе нема да видите реклама од нас и слично (ова веќе ниту е интересно, ниту пак некој ќе се изненади со вакво однесување). Во вака задушена (и досадна) околина ви го пуштаме одговорот што Џон Оливер го доби од производителот на сокови од калинка POM Wonderful откако ги ругаше на телевизија.

Лоша вест е што нема шанси од неа да добиеш хендџоб. Добра вест е што ништо не те кошта да ја замараш со тоа јер нема шанси ни шамар да попиеш. Озбилно, чујте колку е тоа една неподнослива жена.

Четири случаи на случајно патување низ времето. Ќе чекавме некој мртов озбилен да го објави и да изведува мудри заклучоци ова па да го сместиме на дното, кога оно, и ние имаме претставник таму! Човекот кој за жал во последно време никаде не може да патува.

Тој е гневен на светот само затоа што е правдољубив. Тој го мрази лицемерието на околината затоа што тој е искрен и доследен на себе. Околу него се калкуланти и фејкери, тој е прав и бескомпромисен.
- Хеј!
- Хеeј...
Тој е гневен на светот само затоа што е правдољубив.....

Окулус Рифт е компанијата што произведува очила за виртуелна реалност. За компанијата (и производот што го има) Фејсбук плати 2 милијарди долари. Русинов е најдобра потврда за тоа колку добро функционира и колку е уверлива технологијата што ја купи Фејсбук.

Ако некој ден нè посетат вонземјани и од нас побараат да им објасниме некоја клучна разлика меѓу женскиот и машкиот мозок, ќе им ги пуштиме овие два клипа.

Девојката (12 години) која некако успеа да го отвори, гордо рече: Се чувствувам како Индијана Џонс! Ама, имаат едно скроз легитимна забелешка: ако сакаш да ја слушнеш 6-тата песна, треба да ги измоташ сите 5?

Луи Ц.К. пред некое време заклучи дека статистички мажот е најголемата закана по животот и здравјето на жената (глобално и историски) "ако си машко, пробај да замислиш дека можеш да одиш на состаноци само со пола-мечка пола лав." Ако ви беше нејасно, еве како им изгледаме на жените кога им се сукаме.