Им кажал на родителите дека во последно време по малку е романтично заинтересиран за девојки. Овие се шокирале од тоа пошто во последните години тој бил геј, па нон-бајнари, па транс... Спомнале затруднување ама тек тука се закомплицирале работите (ќе чуете!), за на крај старите да се помират со онаа најбејзик желба: „Абе сине, да имаш еден кров над глава...“  

Превозбуден Мексиканец го начекува Мел Гибсон како си пумпа гума на бензиска. „Зошто си сам?“ Гибсон му вика: „Не знам, зошто си ти сам?“ “Затоа што не сум познат“, одговара глупиот па вика дека има среќа што налетал на таков човек. „Не знам баш тоа, што ако те опљачкам?“ Нормално, клипанот се смее и на тоа.  Фанови се глупи луѓе, генерално.

Каналот Дизни јуниор има нова серија кратки анимирани филмчиња "Rise Up, Sing Out" со која „се праќаат оптимистички и позитивни пораки за расите, културата и славењето различности“. Во оваа епизода, Дизни се зафаќа со детската тема - микро-агресијата.

За светот да те гледа како што ти сакаш да те гледа, треба да ја проектираш таа слика од себе. Првиот чекор е да имаш самодоверба. Ако сакаш да те гледаат како секси, тогаш прво треба да веруваш дека си секси. Оваа девојка нема проблем со тоа. Таа си има проблем со друго.

Не знаеме дали во случајов круша под круша паднала, ама јасно е дека едната круша паднала веднаш до другата. Можат да се сретнат по мрежи како либерални активистки полни со прогресивни хаштагови, а во реалноста тоа изгледа вака.

Геј двојка решава да ја апгрејдира својата врска на традиционален начин, со клекнување и нудење прстен. Видеото може да се гледа како а) мотивационо (штом него има кој да го го запроси, ќе се најде и за мене) или б) демотивационо (еј, него го запросија, ја уште ништо). За да знаете што е спорно со запросениот, пуштете звук.

Треј Гауди објаснува дека ја изгубил вербата во математиката кога му рекле дека три по нула е - нула. „Како може да имаш нешто трипати а на крај да немаш ништо? Кај се изгуби тоа три? Тоа никако не ми влегуваше во глава“ се исповеда Гауди кој не треба многу да го мислите- подоцна стана федерален јавен обвинител и политичар.

За разликите меѓу генерациите можат да се пишуваат долги есеи и томови анализи и истражувања. А може да се скоцка и едно луцидно видео од дваесетина секунди и некои работи да станат многу појасни.

Еден од најголемите порази што модерниот живот го нанесе општо на животот е што почна да се закажува шишање во берберница. Навидум целосно неважна работа, меѓутоа седењето во берберница и чекањето ред, е суштински столб на чакалење на секој маж (веројатно исто е и за жени во фризерница) и на квалитетен и содржински маалски живот.

Лекцијава е од далечната 1937 година и е анимирана, за да можат наравоучението да го разберат и деца и наивни Снежани.

Без разлика на целиот туѓ срам што ќе го видите во видеото, тоа не е причината за скандалот што Борис Џонсон го јаде деновиве. Клипот е од некоја божиќна забава од пред десетина години, а се појави деновиве откако британскиот премиер беше фатен како ги прекршува анти-ковид правилата заради новогодишна забава.

Наше е да кажеме дека до сега веројатно и немало вака прецизно сумирање на пандемијата. Нивно е да си признаат дека баш вака еволуираше држењето на секаквите власти овие две години.

Браќата уште на времето си ги познавале своите поштари: а) дека се апаши и б) дека не знаат да читаат англиски. Па онда знаеле да пратат флопи диск во кој биле пикнати пари за нарачката која ја сакаат. Ете што ти запамтил Безос. Денес им е полесно, денес нарачките преку Бучко ги праќаат.

Човекот се јавува во првите моменти од новата 2022 година, само за да ни каже и покаже дека во неговиот Неапол, петарди, огномет и пиротехника годинава биле стриктно забранети.

На Двајт Шрут му прават ремет со Матрикс. Црни мачки, луѓе близнаци,пораки на компјутер,  агенти... Доаѓа до Дорфеус, брат на Морфеус (Део и Дринити фаќаат сеир) но само за да се открие природниот баг кој го има во Двајт (и во многу од нас): склоноста да се одбере другото апче.  

Она слатко пупаче не е истурено напред затоа што таа била рамнодушна кон храната. Не, не, таа има јасни и гласни ставови: кокошка не се јаде само со два-три зачина. Не можеш ти неа да ја прелажеш.

Една (прекрасна) руска лујка кој очигледно има две главни љубови: Мајкл Џексон и Џеки Чен. Во следниот настап ги спојува двата лика во една точка. Точка од која некогаш боли глава. А некогаш рамо.

Некаков руски пренос од хокеј и тројца водители, двајца мажи и една Ана Семеновја, поранешна Мисс Татарстан. Секој со свој дел од стручната анализа.

Бидете сигурни дека сите ваши родители се правилно нумерирани, наместо Снешко направете Снешка, или уште подобро, оставете снежното лице само да одлучи за себе, од сликовници се препорачува Петар Пансексуал и Алиса во Џендерленд, имајте на ум дека некои од вашите украси се навредливи за заедницата на елени а Дедо мраз мораше да биде канселиран од еден куп причини.

За очекување е на Џејсон Момоа да му приоѓаат девојки и да бараат да се сликаат со него. Ама тоа после некое време станува досадно. Поинтересно е кога и дечко им е ставен во контекст.

Педантно планирање и нула простор за грешки: троминутно видео во еден кадар, снимено од дрон. Каде сè не се пикна. Кај нас ќе ти го оборат со шамар на првата прилика.

Шуќур дочекавме преработка на легендарно виралната сцена од Der Untergang, онааа со Хитлер во бункерот, која не е поврзана со дневнополитички настани или ликови. Во оваа верзија, Хитлер пизди затоа што не може да ја убоде бојата на тонот кој го вади Стиви Реј Вон. Па браос.

Водителот Стив Харли разбрал дека новата Мис Универзум, 21 годишната Индијка Харназ Санду, била вешта во имитирање животни, па на сцена ѝ предложи да слушнат нешто од тоа. И онда оваа фати да мјаука (сосе шепите, боже ме прости).

5.000 спонзорски долари во новчаници од по еден долар, фрлени на хокеарски терен за десет наставника кои ентузијастички ги трпаат под маица, па кој повеќе собере за својот клас. Зошто просто да не им ги дадат на сметка коа може да биде тоа  гладијаторски организирано? Затоа што има луѓе без памет.