Британска новинарка начекува група млади бегалци од Украина и со загрижност ги прашува како е ситуацијата таму, што се случува на теренот. Ама, наидува на соговорник кој има друго да праша: Канабисот овде легализиран ви е?

Двеминутна кавга за ситуацијата во Украина на индиска телевизија. Водител и двајца гости. Водителот и еден од гостите фаќаат да се надвикуваат, третиот трпеливо молчи. Сè додека не му прекипе и реши да ги стави работите на свое место. Значи, мора да го видите крајот.

Многу спореден, а денес многу надреален, исечок од некоја си од емисиите на Бранко Коцкица. Матичниот педагог на милиони југословенски деца ги кани дечурланата на маса „да цепнемо нешто жестоко“.

Елате да видите како за две минути можете да ја разберете светската должничка криза. Кој колку и кому должи и како тоа секој на секого му должи? На почетокот сте концентрирани и следите со разбирање, после работите почнуваат малку да се комплицираат и го губите есапот, ама, крајот е најјак.

Злобници велат дека советник за безбедност му го покажал видеово на Путин па овој рекол: "Ок, упаѓајте". Али стварно, замислете да сте Украинец, руски тенкови баботат по вашата земја и некој добронамерник од Запад ви го праќа ова видео како мотив да издржите. Диверзитетот само што не стигнал за да ве спаси.

Алал вера она западнине служби како перфектно профилираат политичари сојузници во трети земји. Кај нас знаете кого го црпнаа да ја одработи задачата, во оваа прилика да ги запознаеме талентите на Зеленски, човек кој ја води Украина нападната од Русија.

Во некоја поетаблирана средина како Гранд и слични кога не те бива ќе ти го галат егото со детали од типот гласот горе, па долу, па оди повежбај, па имаш / немаш трилер и сè што треба само за да не те обескуражат во кариерата што сакаш да ја тераш. Кај баба дома нема вакво тинтрање.

Технички, не се тоа напрефинетите имитатори кои сте ги виделе, ама овие двајца дебили генијално ги кинат манирите на Питерсон и доловуваат како изгледа муабет на луѓе кои малку претерале со гледање клипови од канадскиот клинички психолог кој им е ноќна мора на разбудените.

Тинејџер нашол песна која татко му ја напишал и снимил пред 43 години, но никогаш не ја објавил. Ја пушта во кола, снима видео и го закачува на ТикТок. Бам - милионски прегледи! Ене ги сега кај Кимел и други медиуми -ѕвезди и двајцата! А опако добро фанкче. 

Изгледа има луѓе кои не сакаат да излезат и тоа да помине туку-така, без спомени. Па по секоја цена смислуваат нешто по кое ќе го паметат тоа искачање. На пример:

Ан Катрин од Хамбург си купила нов електричен автомобил. Ископувачите на кобалт потребен за батерии од Конго, не може да се изнарадуваат. Опасно добра сатира за опачината на прогресот.

Почнува со „Мамо, мамо, учителката не ме сака.“ Завршува така што ќе биде во публика на стенд-ап комедија, ќе стане и ќе му каже на комичарот што не е за смеење. Одлична опсервација на дечкото.

Видовме како е тоа на филм кога комета ќе тргне накај нашата планета. Но како е тоа да се доживее „во живо“? Сериозно организиран и одлично изведен пренк во кој жртвите одеднаш се наоѓаат во исто таква ситуација.

Им кажал на родителите дека во последно време по малку е романтично заинтересиран за девојки. Овие се шокирале од тоа пошто во последните години тој бил геј, па нон-бајнари, па транс... Спомнале затруднување ама тек тука се закомплицирале работите (ќе чуете!), за на крај старите да се помират со онаа најбејзик желба: „Абе сине, да имаш еден кров над глава...“  

Превозбуден Мексиканец го начекува Мел Гибсон како си пумпа гума на бензиска. „Зошто си сам?“ Гибсон му вика: „Не знам, зошто си ти сам?“ “Затоа што не сум познат“, одговара глупиот па вика дека има среќа што налетал на таков човек. „Не знам баш тоа, што ако те опљачкам?“ Нормално, клипанот се смее и на тоа.  Фанови се глупи луѓе, генерално.

Каналот Дизни јуниор има нова серија кратки анимирани филмчиња "Rise Up, Sing Out" со која „се праќаат оптимистички и позитивни пораки за расите, културата и славењето различности“. Во оваа епизода, Дизни се зафаќа со детската тема - микро-агресијата.

За светот да те гледа како што ти сакаш да те гледа, треба да ја проектираш таа слика од себе. Првиот чекор е да имаш самодоверба. Ако сакаш да те гледаат како секси, тогаш прво треба да веруваш дека си секси. Оваа девојка нема проблем со тоа. Таа си има проблем со друго.

Не знаеме дали во случајов круша под круша паднала, ама јасно е дека едната круша паднала веднаш до другата. Можат да се сретнат по мрежи како либерални активистки полни со прогресивни хаштагови, а во реалноста тоа изгледа вака.

Геј двојка решава да ја апгрејдира својата врска на традиционален начин, со клекнување и нудење прстен. Видеото може да се гледа како а) мотивационо (штом него има кој да го го запроси, ќе се најде и за мене) или б) демотивационо (еј, него го запросија, ја уште ништо). За да знаете што е спорно со запросениот, пуштете звук.

Треј Гауди објаснува дека ја изгубил вербата во математиката кога му рекле дека три по нула е - нула. „Како може да имаш нешто трипати а на крај да немаш ништо? Кај се изгуби тоа три? Тоа никако не ми влегуваше во глава“ се исповеда Гауди кој не треба многу да го мислите- подоцна стана федерален јавен обвинител и политичар.

За разликите меѓу генерациите можат да се пишуваат долги есеи и томови анализи и истражувања. А може да се скоцка и едно луцидно видео од дваесетина секунди и некои работи да станат многу појасни.

Еден од најголемите порази што модерниот живот го нанесе општо на животот е што почна да се закажува шишање во берберница. Навидум целосно неважна работа, меѓутоа седењето во берберница и чекањето ред, е суштински столб на чакалење на секој маж (веројатно исто е и за жени во фризерница) и на квалитетен и содржински маалски живот.

Лекцијава е од далечната 1937 година и е анимирана, за да можат наравоучението да го разберат и деца и наивни Снежани.

Без разлика на целиот туѓ срам што ќе го видите во видеото, тоа не е причината за скандалот што Борис Џонсон го јаде деновиве. Клипот е од некоја божиќна забава од пред десетина години, а се појави деновиве откако британскиот премиер беше фатен како ги прекршува анти-ковид правилата заради новогодишна забава.