Надлежното сириско минстерство направило видео спот за промоција на туризмот во земјата. Сини мориња, песочни плажи, свежо зеленило.... има сè што треба освен оној мал детал, граѓанската војна од која со помош на странските спонзори таму се гине на ангро. Заебавајте се вие, ама ако стварно било евтино ко што викаат.... 

Не знаеме колку шишенца од парфемот ќе им продаде (колку рекламата е sales driven, што би се рекло на старо-адвертајзерски) ама Спајк Џонз (Being John Malkovich) направил урнебесно добра работа за Кензо. Имате згодна девојка (ја гледавме неодамна во The Nice Guys), имате парфем, но понатаму ништо не е исто како кај другите реклами.

Олабавете се, порачува ИКЕА во луцидната реклама во која покажува како би изгледал еден средновековен ручек ако во тоа време би постоела денешната лакомост по лајкови и одобрувања.

По 112 години (прв пат од 1904) голфот повторно е прифатен како олимписки спорт, што заслужува дочек како што е редот, со бразилски фудбалски коментатор.

Обично сè е розево и завршува со сипање сина течност (???) врз влошката. Тука ништо не е розево, ниту пак ја има сината течност.

Човекот има нова вотка и ова е реклама за неа. И подобро да ви се свиѓа рекламава, исто како и вотката.

Прилично е грд, и не е нешто многу автомобил колку што е скелет на кој компјутерски ќе може да се надодаде маската од кој било автомобил, ама предвидувањата се дека ова е иднината на рекламите за автомобили.

Одличен пример како со маркетиншка луцидност се доловува посакуваната таргет група на производот, а притоа да се избегне баналноста и вулгарноста која, ете и ние, ја избегнавме во насловот.

Од кога нас некој кој ви е близок и драг не сте му го подариле она што во овие времиња можеби најмногу му треба? Видеото е со Ник Оферман и татко му ама важи и за другари.

Мажјаци, не бидете шконтари и циции, купете ѝ нешто кое ќе ѝ покаже дека длабоко и искрено ја цените. А метла може и сама да си купи. 

Иако ќе насетите за што се работи, ако не сте зоолог, нема шанси да ви текне за кои видови се работи. Но ќе видите на крајот на спотот и ќе си кажете: Да бе, фламингоси! Инаку, реклама за кондоми.

Како се прави кампања за опасностите од користење телефон додека се вози? Крв, летање преку шофершајбна, крв, каење, солзи, крв. А може и поинаку.

Љубов е кога другиот го ставаш на прво место, или на кое и да ти е место одговарањето на пораки додека возиш, епа едно пред тоа. Види како мило ве замолуваат.

Дилемата е ако имаш само една карта за Лига Шампиони и твојот клуб игра против Реал, дали ќе одиш сам на стадион или ќе останеш да гледаш со другарите. Дилема околу која навивачите на Милан нема да мора да се секираат во следни 5-6 сезони.

Алтернативен наслов: Мажи не е важно колкави ви се јајцата, важно е да ги почешате.

Таман ќе те потресе видеово, и на крај на одјавата ќе се појави нарачателот. Налет.

Трагедија до сега неопеана, најлошото нешто што може да му се случи на кој било вистински фудбалски навивач. Ни тоа што е реклама не ја намалува тагата.

Прво од најважното - годинава емитување од 30 секунди, чинеше над 5 милиони долари. И за овие пари, секој можен термин беше продаден. Ова е изборот на Ад Вик и Дејли Бист за тоа кои компании најдобро ги пополнија баснословните термини.

Според Микрософт, еден ден сите вака по дома ќе гледаат пренос од НФЛ. Ќе биде тоа милина, да се пљачкаат овие луѓе излудени од спектаклите кои им ги пружа тешката машинерија што ја носат на глава.

Мицубиши не прави само автомобили, имаат тие и фабрика за моливи (а очигледно немаат фабрика за острилки). Еве што смислил Јапонецот на тема моливи и тенкоминци. Ти го тупиш, тој се врти. Исто како со човек.

Глупоќа е, ама ај. Чергиче со аларм за будење. Не можеш да го снузнеш со палец од нога туку треба фино да го нагазиш за да прекине. А кога ќе го нагазиш, ти кажува мотивациски пароли, дека животот е убав, денот е прекрасен а пријателството ретко. Според приложеното, на типот во рекламата му требаа 6 ипол минути за да се убеди во тоа. 

Клип кој ќе ве натера да го засакате родениот брат, или барем на кратко да помислите на него. Реклама за Џони Вокер која е чисто студентски проект на двајца студенти од Филмската академија Баден-Вуртемберг, без никакво знаење или консултација од Џони Вокер. Живели брат!

Само овие десет клипа годинава имаат вкупно 470 милиони прегледи. Посебно важно за интернет историјата е што две третини од овие 470 милиони прегледи се од мобилен уред, во истата година кога Јутјуб за прв пат во свoето постоење има повеќе прегледи од мобилни уреди, отколку од десктоп / лаптоп компјутери.

Детска радост е кога од цела патека за возење ќе го слупаш камионот низ куќа, а кога ќе се свртиш никој од големите не ти вика ни збор. Да, девојчето го вози камионот преку далечинско. И овој пат како и со сите вакви успешни правења на мега мераци на деца, останува несоборливата дилема - оди после дома кажи и дека мора да го изеде целиот грашок или дека треба да си легне.