Една од легендарните изјави на Тајсон која непогрешиво важи во секоја дебата меѓу науката и како и да се вика другата страна е "науката е во право, без разлика дали ти веруваш во неа или не". Ова е неговата порака по повод глобалниот протест против мешањето (на политиката) во науката. Тајсон = Нил Деграс Тајсон.

"Кога луѓето гласаат како што ние сакаме тогаш е демократија, кога не тогаш е популизам" гласи апдејтот на дефиницијата за популизам од Џонатан Пај, па после продолжува околу изборите во Франција и популизмот и светот и луѓето и...

Генерално затоа што ништо не правиш (освен тоа што безволно цело време го правиш) и не пиеш вода, мада има и подлабоки проблеми што те упропастуваат.

"Идејата дека политиката е спорт не може да се негира, и ние го сфативме тоа и така ѝ пристапивме," објаснува пред неколку дена Џеф Закер во интервју за Њујорк Тајмс. Кој е Џеф Закер? Директорот на Сиенен кој дојде на позицијата во 2013 од Енбиси, каде што исто така беше ЦЕО.

Повикувајќи на француското чувство на супериорност над Англичаните и Американците, Џон Оливер ги преколнува Французите да не заебат работа како со Брегзит и Доналд Трамп. Но, против кандидатите на Марин Ле Пен се кој од кој.

Кинез со армија роботи. И за идни референци, вака изгледа крајот на човечката работна сила. Таман мислиш ќе се уморат, они сами одат да се закачат на полнач.

Така е, креветче за бебиња со потпис на американскиот производител на автомобили. За среќа, статично е. Главна цака му е што симулира движења на колата па бебето полесно ќе се навикне да заспива кога го возите. Само, кога ќе порасне едно вакво бебе, родителите да не се чудат ако турира додека зборува.

И тоа не ти е само оправдание пред самиот себе (и другите што се засегнати).

"Мерак видеа" се посебна подкатегорија на клипови кои се некако чудно релаксирачки и нејасно исполнувачки парчиња видео што прават да се чувствуваш како се да е во ред во светот. Е овие се скроз спротивни.

Модерно општество, родител, работа, обврски и дете. Само последново не се вклопува во правилата и навиките на останатие.

Цврстината и издржливоста на вселенските ракети денес се тестираат со скапа и софистицирана опрема. За издржливоста на конструкцијата, на пример, се користи 7 метарска вибрирачка платформа тешка 25.000 килограми во која треба да покаже како леталото ќе ги поднесе тресењата при лансирањето и летот. Назад во 60-тите години, тоа се правело малку поинаку.

Колку што ние следиме наука, ова е најголемото научно откритие во 21-от век. После три години експериментирање, човек од манчестерски универзитет го дизајнирал првото шише за вино кое ви заштедува сол. Пошто, нели, кога ќе ви капне црвено вино на чаршаф...

Сите трупови како нас (на кои составување на играчка од киндер јајце им е фрустрирачки конструкциски проблем), ларпурлартистички се фасцинираат како на некои луѓе им текнуваат мали генијални финти околу поправки по дома. Бидејќи знаеме дека нема да запамтиме, го објавуваме на сајт да ни се најде некогаш при рака. А тогаш нема да знаеме по кој клучен збор да пребаруваме по сајтот. Фак.

Јазот меѓу храната што секојдневно се фрла во еден град и храната што некои луѓе ја немаат доволно за да се прехранат е една од најнеодбранливите обележја на капитализмот. Во Лондон тие два света се среќаваат на суво и ладно место. 

Сте виделе идиот во вежбална, ама Александер Хохлов не сте го виделе. Ако некогаш ве интересирало кои сè вежби треба да ги правите за да останете без еден здрав пршлен и/или зглоб, тогаш тука е крајот на вашата дилема.

Откако видел колку брутално ја хејтаат, дечкото решил да направи видео во кое ќе покаже дека Јоко Оно не е толку лоша. Неколку дена истражување, читање и гледање видео материјали, паднал во депресија.

Што е најголемото зло што Трамп може да им го направи на Индијците? Да им ги врати назад сите иселеници што се преселиле од Индија во САД, "тоа роднините со надуено его, погрешно чувство за успех и лажен акцент, па тие не се трпат кога ќе се вратат за одмор на неколку недели, а не па за трајно..."

Од локално тролање и интернет спрдачина, Љубиша Прелетачевиќ - Бели одеднаш на дел од анкетите во Србија почна да се појавува како еден од можните кандидати кои би влегле во втор круг на избори. Колку што нам сето ова ни станува посмешно, толку на сите оние карши него ова не им е смешно. Едно објаснување на појавата Бели, од локален српски експерт / аналитичар.

Лидс: А да не се правиме до толку мутави?

Пред повеќе од десет години, сред невиден подем и кариера што блика на сите страни, Дејв Шапел одеднаш прекина сè што правеше (стендап, ситком, шоу на Комеди централ) и му ја дувна од Америка. Сега се враќа со два стендапа на Нетлфикс, од вкупно трите договорени. Ексклузивитетот за восреснатиот Шапел Нетфликс го плати 60 милиони долари. Ова е негов разговор околу минатите 10 години.

Да немаш ни прочитано за опсесивна компулсивност, уште во први 30 секунди клипов ќе те направи хроничен пациент и ќе почне да ти жуборка нервозата. Оригинален наслов: најнезадоволувачкото видео во светот што некогаш е направено.

Тоа што Борат и Али Џи му беа на Саша Барон Коен, Љубиша Прелетачевиќ - Бели му е на Лука Максимовиќ. Еве ги двајцата на едно крајно серизоно интервју за Н1, како дел од претседателските избори во Србија.

Уште од првиот кадар јасен е исходот од видеово, на сите освен на овие на перонот.

Имаат два проблема: одамна не палеле оган и уште поодамна не биле во школо.