Едниот е син на поранешeн канадски премиер, а моментално и самиот премиер на Канада. Вториот е син на поранешен американски богаташ, а и самиот стана богаташ, кој моментално е претседател на САД. Разликата меѓу стариот и новиот модел е во тоа што на новиот барем засега му е битно да изгледа дека знаењето е важно и не е сè во парите, стариот одамна се има откажано од тоа.

Од старт може да прешкртаме дека годинава ќе имаме барем приближно спектакуларни Оскари како минатата година, па во живо да гледаме човечка драма како некој прогласува погрешен победник за најдобар филм на годината. Во главната категорија повторно ќе треба да се избере еден од 9-те филмови, ако не сте ги гледале видеово сите ќе ви ги објасни на кратко.

Во април 2013, на тогаш 16 годишната Шарлот Идс и дијагностицираат редок случај на тумор на мозок од 3-то ниво. Во 2014 започнува сопствен Јутјуб канал на тема мода, шминка, убавина и слично. Во 2015 и откриваат нов тумор. Во септември 2017 на каналот е обајвено видеото под наслов „Brain cancer: Dying to Live, Living to Die in 4:42 minutes“ кое го документира напредувањето на болеста и живот на Шарлот во последните 4 години.

По повод 10 години од првиот Марвел филм (по ново броење), на едно место беа собрани сите можни глумци кои играле Марвел лик за да направат една заедничка мега-фотка. Целиот сетап изгледаше како да си сред забавен парк полн со Марвел оригинали.

Можеш да го чистиш снегот колку да пројдеш некоја улица и можеш да го чистиш како стварно да сакаш да им помогнеш на луѓето кои живеат таму.

Џејк Коди е професионален играч на покер. Само што победува на еден покер турнир ја зема целата добивка од 50 илјади долари оди на масата на рулет и целата ја става на црно. Пуштај топчето.

Годинава фондацијата на Гејтс наполни 15 години постоење и работа. Што направија, направија за овие 15 години, за следните 15 тие избраа четири главни теми за работа: здравје, образование, земјоделство и банкарство. Неговиот став е дека во следните 15 години животот на најсиромашните ќе се подобри повеќе отколку кога и да е претходно. Бонус препорака од Гејтс за сиромашните: не се крстете во биткоин.

Не е сè во скапа технологија, често пати и рачен алат знае да заврши работа (ако си видел доволно мака пред тоа). Има неколку различни школи, зависи на кого што му успеало.

Нијансите во „кој работи, тој греши“ е што еден дел од тие што работат имаат CTRL+S, CTRL+Z или „edit“ па можат да замачкаат или поправат секакви трагови од грешење. Кај други грешките завршуваат со клипови што прават да си благодарен на сè можно што си завршил во првата група, без разлика дали било до човекот или до опремата.

Мрачната вистина е дека е станато многу тешко да најдеме некого или нешто што ќе ни биде поинтересно од нашиот смартфон, е воведот на морничаво прецизниот клип околу твојата врска со смартфонот. Не знаат што зборат? Пробај една недела да го користиш само за телефонирање и СМС пораки, па види како ќе ти оди.

Нам што светот ни се состои главно од читање пишување, убаво ни е да мислиме дека „на почетокот беше зборот“. Но слушнете колку поуверливо звучи оваа алтернативна идеја за почетокот. И тоа од нашата прамајка, Африка.

Во една тексашка недојдија започна изградбата на часовникот на Џеф Безос (Амазон) кој е замислен да нè служи 10.000 години тоест десет милениуми (може и подолго, живи били па видели). Висок 152 метра, механички нормално, ќе се напојува со термалните циклуси на деноноќието, ќе се курдисува според сончевото пладне а при конструкцијата биле земени предвид и очекуваните девијации на орбитата на Земјата во наредните 10К години. И ќе чини 42 милиона долари. Поентата му е човештвото да почнува да размислува долгорочно.

Федекс има повеќе повеќе авиони од Емирати, Етихад и Катар ервејс заедно. ДХЛ испорачува до сите држави во светот, вклучително и Северна Кореја. УПС лета до два пати повеќе дестинации од најголемата патничка авио-компанија во светот.

Рио да Прата е главниот центар за екотуризам во Бразил кој меѓу другото нуди пешачење низ шума, нуркање, јавање коњи и слично потрошено време. Патеките за пешачење кои се како од разгледница, пред некое време се погодени од обилни дождови кои предизвикуваат поплави и нивно комплетно потопување под вода. Откако се поплавија, патеките под кристално бистра вода изгледаат уште помагично, како компјутерски генерирана филмска сценографија од друга планета или планетава откако глобалното затоплување ќе ја заврши својата работа со Јужниот и Северниот пол.

Реалноста е дека на човек ова и да му малку сомнително на почеток, за некое време ќе препознае дека станува збор за монтажа. Реалноста исто така е и дека, апликациите за дипфејк монтажи и нивната верност со оригиналот само ќе напредуваат како што минува времето.

Најголемиот мајндфак околу месото од лабораторија е што тоа на големо се слави и се исчекува токму од луѓето кои не јадат месо и што уште не, под алиби дека не е здраво затоа што којзнае какви хемикалии и ГМО има во него. Како и да е, изгледа неизбежно дека еден ден месото од епрувета ќе стане стандарден дел од секојдневната истрага.

Во „режими“ имаш пропаганда, во демократии имаш „слобода на говор и печат“. Без разлика дали кај првите или вторите, целото дејствие се врши преку масовните медиуми. Ноам Чомски заедно со Едвард Херман во 1988-ма ја објавуваат книгата „Произведување согласност“ во која го демолираат тврдењето дека медиумите служат за контрола на политичката моќ и ја информираат и и служат на јавноста. Напротив, тие тврдат дека медиумите создаваат согласност од наша страна.

По сите оние доктори, студии, мета-студии, мета-мета-студии, статистики, детална анализа на секоја поединечна состојка и сè што е човечки возможно да се направи, се добива впечаток дека на противниците на вакцини, поважно и од самото недавање вакцини на своите деца, им е да не бидат разубедени. Ама, ај уште еднаш да пробаме.

Човекот шпарта низ Јакутск (еден од најстудените градови во Русија) и лето и зима, и во вреќи собира ѓубре расфрлано по улиците и парковите низ градот. И така повеќе од 10 години. Парите што ќе успее да ги собере од ова, дал преку продаден отпад, дал преку донации, Антон Василев ги конвертира во помош за најсиромашните во градот. Насловот е едно од прашања што редовно му ги поставуваат на Антон.

Бројката убиени во средното училиште во Паркленд за сега изнесува 17 луѓе, а ужасот од масакрот е само надополнет со болната подлост на планот на убиецот. Според полицијата, убиецот влегол во училиштето за време на часовите, го активирал противпожарниот аларм за учениците да излетаат од училниците и да го наполнат ходникот, по што почнал да пука. Убиецот е вооружен со полуавтоматска пушка АР-15, димни бомби и гас маска.

До сега ги имавме роботите на Бостон динамикс како одат стабилно и демонстрираат рамнотежа (како ниту еден робот пред нив) дури и кога ќе бидат шутнати. По ново, овие четвороножни машини научија да употребуваат квака.

Семејни парови од типот баба + зет, невеста + свекор/свекрва, седнуваат со неколку шишиња алкохол и почнуваат да си поставуваат прашања еден на друг (која по ред ти е ќерка ми, што мислиш за мене, каде прв пат сте имале секс со син ми...). Врват прашања, врви и алкохол. Ако ви држи, слободно пробајте ги прашањава.

Во 1960-те би било далеку поевтино да се испрати вселенско летало и да да се слета на Месечината, отколку целата работа да се лажира.

Не дека хакери можат да пројдат преку изолирбанот што го ставаш, ама во моментов имаат толку многу начини да те прислушуваат и снимаат што правиш, што лепенката единствено може да ги ти помогне да се чувствуваш подобро, и ништо повеќе од тоа.