Што прават луѓе како нас? Пишуваат и зборуваат на мобилен додека возат кола. Да, ама тоа другите, не ние. Документарецот „It's People Like Us“ на оскаровката Ева Орнер покажува дека тоа "другите" не постои, туку дека сите го прават тоа, и претежно без да знаат.

Двете компании се во судска битка вредна дестици милиони долари, додека истовремено имаат бизнис исто вреден десетици милиони долари, ама и покрај тоа не станува збор за некоја Бетмен и Џокер филозофска испреплетеност на постоењето, туку за меѓусебен интерес.

Додека мноштвото кафанџии во градот се натпреваруваат кој ќе биде богот на сушито и општо морската храна, човеков работи на скара на ќумур. Има секакви меса од овие регуларниве и тоа по распоред што он ќе ти го каже. Уште една фина фора од газдата: не дозволува деца во кафаната (ни со родители).

Пред некоја година Србинката имаше перформанс во њујоршкиот МОМА, „Уметникот е присутен“ кој вон уметничкиот еснаф остана запаметен по појавувањето на Улај, поранешната љубов и партнер на Марина. Овие на видеово не се ни уметници, ниту пак се на перформанс, ама за тоа се бивши, кои од едната страна имаат куп алкохол, а од другата куп прашања.

Временската рамка во која е закажан почетокот на втората сезона од Гранд тур е "последните месеци на годинава". Требаше октомври, па излезе дека е веројатно ноември, а притоа никој не дематираше дека сепак би можело да се случи во октомври. За постепено загревање на работата, тројцата отидоа на фотосесија во Џикју, а таму зборуваат и за Гранд тур, за Бибиси, и колку многу сакаат кога некој ги прекинува сред јадење во ресторан за да направи селфи со нив.

Дечково има многу основни и разумни барања: разберете луѓе сме нè стига умор; како што може во пицерија да почекате за да ви донесат пица, така може и мене да ме почекате без да ме брзате; и бидете фини бе!

Два месеца по самоубиството на Честер Бенингтон, вдовицата на фронтменот на Линкин парк објавува приватно семејно видео од својот сопруг снимено 36 часа пред тој да си го одземе животот. Видеото го објавува со следната порака: "Ви го покажувам ова за да знаете дека депресијата нема ниту лик ниту расположение".

Главни двигатели во една компанија се луѓето од продажба и маркетинг. А тие забораваат дека Богот што ги довел на тие места е производот кој го продаваат и рекламираат. Па со тек на време, луѓето кои мозгаат производи биваат истиснати од ланецот на одлучување. Некако појасно станува зошто Епла вади сè побледи продукти, нели?

Една од ретките прилики кога странец добил дозвола да снима од авион додека го прелетува главниот град на Северна Кореја. Убаво и мирно, некако ко Скопје во 70-тите. Оно, Скопје секогаш било убаво, ако го гледаш од високо. Проблем е кога зумираш во деталите.

Видеово трае 19 минути а човек не може да му се изнагледа. Ваков народ имаме, ама имаме ли вака луто машинче? Или ние имаме купено од оние фините, направени да соберат по некое ретко ливче по скандинавски ивичници?

Се враќаме во 1994 година, кога на американските пазари за првпат стигна модифицираниот „флејвр-сејвр“ патлиџан, супериорен во изгледот (црвен, тркалезен и мазен) и неговите транспортни перформанси (не скапува па тоа ти е). Процес кој доведе до тоа да денес, во 2017 година, во земја како Македонија, и во август тешко да најдеш патлиџан од кој нема бар пола да фрлиш, пошто е тиква. Нормално, компанијата која го започна тоа подоцна заврши во Монсанто.

Да знаевме да ги монтираме видеава немаше да се објаснуваме, ама што е тука е. Три работи. Прво, копнежот е за првото божество од сендвич. Второ, без тоа џемот (мада може и со тоа да е вкусно). Трето, ако веќе пребираме и лепчињата треба да ги потпече.

Минатиот месец Елон Маск објави дека монтира видео со блупери од сите неуспешни слетувања на ракетите на Спејсикс. Деновиве заврши со монтажа и го пушти видеото под наслов "Како НЕ се слетува ракета". Штетата направена во тестовите се движи во рангот од стотици милиони долари.

Предизвикот е камион со приколка товарена со балвани да се збута преку едно мовче. Неименуваниот херој е француски камионџија.

Истите ликови, сосема други реплики и содржина. Сега се вика "Сој Пабло" и се работи за двојник на Ескобар кој се инфилтрира во неговата организацијата, и е дело на Bad Lip Reading.

Без да го омаловажуваме трудот на тој што го направил и острел ножот, да бидеме искрени и да си признаеме пред сами себе дека типов би можел истово ова да го постигне и со супена лажица.

Како што е ред, да ја завршиме патерицата од Ајфон денот со трето видео на темата - најава и презентација на емоџи машината од 1.000 долари.

Со целата можност нешто да не сме разбрале, ама да аплаудираш на презентација за нов производ на Епл во суштина е исто како да ѝ аплаудираш на девојката на разглас во Веро.

На вчерашниот Епл настан одржан во новото седиште на компанијата беа потврдени најраспространеите гласини што се вртеа периодов. Епл извади два телефон 8-ца (и 8-ца плус) и Х, кој службено ќе се чита 10. Изгледот е идентичен како од протечените фотографии, а цената на Х е нешто пониска од очекуваната, 999 долари, наместо шпекулираните 1.200 долари. (За овој и за другите уреди што излегоа сменете го знакот долари во евра, додајте ДДВ и ќе ја добиете отприлика нивната цена кај нас.)

Мултиплекс од 6 големи телевизии (NBC, CBS, BBC, CNN, FОX и ABC) и нивните програми во живо кога оние мамлази од Ал Каеда удрија во кулите близначки. Си Ен Ен први, Би Би Си последни, со едно 8 минути разлика. Да се однесуваше ова за наши телевизии, на некои на календар ќе требаше да им гледаме.

Симултана снимка од програмата на 6-те најголеми телевизиски мрежи (Ен-би-си, Си-би-ес, Би-би-си, Си-ен-ен, Фокс и Еј-би-си) на неколку моменти пред дознавање на информацијата за нападите на Светскиот трговски центар и префрлањето на маратонот од вонредни вести.

Се вика Оливер Струмпфел и минатата недела го сруши рекорд во носење кригли, што сам го постави во 2014. По ново, рекордот е 29 полни кригли со вкупна тежина - 69 килограми.

Возрасен, здрав и физички доминатен примерок на мажјак, искален низ стотици секојдневни битки се соочува со двајца претставници на своето потомство од родот мала ќерка и уште помал син, кои треба да бидат убедени да јадат зеленчук.

Човеков се обраќа на секој што е лично и длабоко запознаен со постапката на одложување на секоја можна задача до крајни можни рокови, и пробува да им (ни) помогне, пред стварно да снема време. Од кај знае што треба да се направи? И он е ист таков.