Дури и само правењето на филмот да се земе како критериум „Isle of Dogs“ е неверојатен подвиг од филм. Што е толку подвиг? Целиот филм е изработен во „стоп-моушн“, па на пример само на сцената со сушито која трае минута и пол, се работи цели 32 дена. Мрдни, сликни, стоп, мрдни, сликни, стоп, мрдни, сликни и така 32 дена. Ова е тајмлапсот од составувањето на таа сцена.

За што служат клик-фарми? За кликање на што и да посакаш и платиш. Од лајкови на ФБ и Инстаграм, до следбеници на некоја од социјалните мрежи или прегледи на видеа и страници, и работи на кои не ни ни текнува дека би можеле да се направат. И Кинезите ова го имаат издигнато на индустриско ниво.

Уште не ни помрдната од кабинет, Меркел веќе почнува да зафалува, за сега само на тв спикери кои не мораа да прават јазични акробации секој пат кога го изговораат името на германската канцеларка. Сега со Анегрет Крамп-Каренбауер сè се менува.

Дури и да тргнеме на страна колку е феил на комичар да му се фаќаш за вицовите, како за луѓе што застапуваат најширок можен спектар на промени што може да ги направи некој човек, правдољубивите багри кои му ја скинаа оскаровската тезга на Кевин Харт баш и немаат некоја верба во лично созревање, напредок и промена кај комичарите.

Стефан Фостер 8 години патува низ Грендланд, и осум години нема една причина за радост. Меракот е што гледа величествена природа недопрена од човек. Проблемот е што гледа како истата оваа природа се топи и ја снемува пред негови очи заради зла направени на сосема други краишта од планетава.

Не мора сите да ги гледате, не мора сите да ги знаете, не мора ни сите да ви се допаѓаат. Кога сме веќе тука, не мора ни видео обројувањево да го изгледате. Ама па би било штета да го пропуштите. Традиционално од Дејвид Ерлик.

Состојки: стара Лада; запален багажник; брзина од 60 км/ч; едно 40 метри летање од рид; замрзнато езеро; бројни другари и познаници кои грижливо ти фаќаат сеир и те снимаат што правиш.

На толку корисни работи што се изнакажа човеков, веројатно најдолго ќе ни држи тоа дека само што дознавме дека постои професија „експерт за сланина“, и тоа многу ни менува во животот. Исто и сланина од мисирка не е сланина!

Точно дека носењето кацига го прави возењето точак побезбедно, ама има многу ама околу темата, па целата работа не е ни приближно црно-бело. Во основа решението е со две точки: 1. велосипедисти треба да носат кацига; и 2. никој не треба да тера велосипедисти да носат кацига ако не им се сака.

Дечко неколку месеци пушта брада и уредно секој ден (или скоро секој) се фотографира за да го забележи напредокот. И после зборете за упорност...

Традиционално и годинава Блек фрајдеј не разочара сликовито да претстави дека човек е подготвен да убие, или барем да спружи некого на патос, за добар попуст.

Пред една деценија, Кина имала една брза пруга долга 30 килметри. Десет години подоцна има повеќе од САД, Јапонија, Франција, Велика Британија и остатокот од светот - заедно! И тоа не е најфасцинантниот податок во прилогот кој следува. Чудесии! Додека наш човек се реши меѓу Европа и Русија, Боргиве ќе го освојат светот.

Ајнштајн викаше дека ако не можеш некому едноставно да му објасниш некоја работа, тогаш и ти не ја разбираш баш најдобро. Ова е интересен концепт: како една иста идеја да се објасни на пет нивоа на комплицираност. Од петгодишно дете па нагоре.

Улан Батор дели ист проблем со неколку македонски градови. Не бре, Мирко Субвенција не пушта и кај нив музика. За воздухот се работи. Нас нè дотепа фактот што откако го изгледавме ова драматично видео (дечиња по болници, градите им свират како дупнати хармоники), ѓаволот нè натера да провериме како тоа стоиме споредбено со Улан Батор. Тетовчани, запејте: „Во гради имаме ПМ за три светови“.

„Туркменстанскиот претседател дига златен стап а објективната публика (членови на неговиот кабинет) знаат тоа да го поздрават со искрен и срдечен аплауз“. Секое дополнително инфо само ќе ја уништи магијата на вој видео клип.

Не беше интернетот замислен за бизнис и правење блесави милијарди долари, или поврзување на човештвото и унапредување на квалитетот на животот. Интернетот е само за вакви клипови.

Поедноставени и стилизирани мапи за подземните метро системи се прифатени во многу светски градови. Но, кога Њујорк решава да го следи тој пример, наидува на отпор од своите луѓе. Њујорчани инсистираат да ја користат „најлошата“, наместо онаа која се сметала за „перфектно“ дизајнирана.

Метју Амроливала е спикер на Би Би Си. Од јазици зборува само англиски. Ама додајте му малку софтвер и ете го Метју как течно зборува шпански, мандариснки или хинду.

Неколку директори од Марвел со по неколку реченици за човекот што успеа да создаде американска митологија, и неколку реченици од самиот Стен Ли.

Двајца цртачи на стрипови, баеги помлади, добиваат задача од Стен Ли во живо да создадат и нацртаат супер-херој за 20-на минути, и по пат да го објаснат својот процес. Во реалност добиваат серија мрчење од мајсторот.

Мајмуни и луѓе пред иста задача: како да се извади бадемче од една долга пластична цевка. Луѓе пробуваат со прст, со дување, со корнење. Практично се неупотребливи додека не им дадеш да видат на Јутјуб како тоа го прави мајмунот. Експериментот завршува со генијална порака: „Ајде да зборуваме за образованието“

Питерсон седнал и напишал концепт за излез од кризата во која се заглавени Демократите. Не за дневно-политички смисалици туку за сериозни вредносни поместувања. Граѓанинот повторно да биде суверена индивидуа а не припадник на идентитетски множества што опшптеството го води кон трибализам, да се рехабилитира слободата на говорот, да се обноват врските со работничката класа. Но, како прво, да се извинат. Затоа што наместо да преземат одговорност за заслужениот пораз, ги демонизираа оние кои поштено и демократски ги победија. 

Додека кај нас се редат благоглаголиви вуцибатини кои заради полесно голтање на капитулацијата со Грција објаснуваат дека промените на уставот се козметички, небитни, само допрецизираат некои работи и слично, постојат цивилизирани држави во кои овие текстови се сметаат за врвни филиграни. На пример, клучната реченица во американската Декларација за независност, била отпечатена во две верзии. Еднаш со точка, другпат со цртичка/тире. Огромна разлика. 

Нема тука многу за кого да навиваш. Вообичаено секојдневно шакетање во Белата куќа, во случајов во врска со мигрантскиот карван од централна Америка. Боите на телевизијата ги брани Џим Акоста, а за Трамп игра Доналд. Од политичка тема брзо се доаѓа до: „Вие сте груб, ужасен човек.“