Се покажало тоа како потешка задача отколку што се мислело, бидејќи се работи за речиси безброј нестандардни облици на облека која треба да се натне на себе. Сепак, со помош на Deep Reinforcement Learning, после неброени часови обиди и грешки, вештачката интелигенција успеала во она во што ние успеваме и кога сме најглупи - сабајле. 

Иако шансите да налетате на овој збор се реално мали (ако сте нормален човек), сепак, можете да го начекате во некоја од оние уметничко - филозофски дискусии кои ги водат учени луѓе чија работа е толку досадна што мора да користат големи зборови за да ја направат поинтересна. Најјасно на свет, објаснува премудриот Хенри Јангмен.

Некој овде да отвори фурна со вакви, само од пензионери може да живее ко бог.

18-годишната девојка пред камерата на својата мајка покажува како за луѓе со нејзина дијагноза изгледа справувањето со јајца. Што се однесува на туретовиот синдром нејзиниот став е „со него се справувам фокусирајќи се на смешната и позитивната страна, а исто така и со споделување на моите искуства со другите“.

Интересен графички приказ на споредбеното движење на 10-те најголеми БДП-и во светот, од 1960 година до лани. Можеби следењето на првото место е досадно (Американците), ама затоа пазете ги она Кинезите како финишираат.

Болсонаро не е бразилскиот Трамп, како што тоа често прелесно се врзува. Не е тој од новиот алт-десен бран во САД и Европа. Тој е опасен старомоден екстремен десничар за кого гласаат обични Бразилци, сиромаштија, црнци па дури и ЛГБТ. Луѓе кои до вчера гласаа за левицата. Небањатите. Сите очајници кои сфаќаат дека стандардната политичка елита пет пари не дава за нивните проблеми.

Слободата и блискоста со Западот какви што во Југославија постоеја во 80-тите години на минатиот век остануваат недостижен идеал дури и кога се живее и работи во земја членка на ЕУ и НАТО. Според Миљенко Јерговиќ, овдешните елити знаат да започнат нови војни но не и да излезат од нив.

Кога „Барака“ би била составена исклучиво од насилни експлозии, уништувања и сечења, тогаш веројатно вака би изгледал документарецот.

Си биле две жени. Оделе по улица и си кажувале виц...

1. Треба да се изложени на реалниот свет и неговите предизвици, со сите присутни гадости. Кога се обидувате да ги заштите од непријатности, конфликти, навреди, задевања, истовремено спречувате тие да развијат механизам за справување со сето тоа. Стануваат слаби и кршливи 2. Тоа што некој ќе се смета за навреден и реагира емотивно, не значи дека е во право. 3. Постојаното барање „добри“ и „лоши“ луѓе е дел од истата тактика на црно-бело гледање на работите.

„Што ќе биде со Македонија е прашањето над сите прашања,“ тврди театарскиот режисер и контроверзен левичар Љубиша Ристиќ. Според него, сите други проблеми се локални, единственото големо европско прашање е Македонија. Чујте го, па по некој ден ќе читкаме „анализи“ како објавувањето на ова видео на Оффнет е суптилен потег на Кремљ во Македонија да се инсталираат агенти-спијачи кои уште ги контролира Мира Марковиќ. Или така нешто.

Жители (и туристи) на Венеција крајно не ги занима дали „иде Дунав“ или не. Имаат луѓето приоритети во живот. Исто, браво за кафанџијата што е отворен, ама според чизмите на персоналот и гостите, не му е ова прва поплава.

Вредноста на биткоинот обработена преку генератор на звук. Не се препорачува за луѓе што инвестираа во најскапото и на крај завршија со греалка на погон од графички карти.

1. Кинез купува куче.
2. Кучето му помага да почне бизнис и од бизнисот за неколку години заработува речиси 400.000 долари.
3. Во знак на благодарност на кучето му гради куќа од над 500.000 долари.
4. Профит???
5. Ќе почекаат.

Кај нас ова е каде-каде поинтересно. Шахтата се прави 5 дена. Во првите денови има знак дека се работи на патот ама потоа тој некако исчезнува па останува само празна канта пред дупката. Екипите работат по минимум два часа на ден. Двајца околу шахтата, тројца пушат на клупа, шефот им е во првиот кафич на кафе. И на крај, шахтата е направена, барем 10 сантима пониска од асфалтот, што е генијална иновација против случајно заспивање на возачите. Европо, дувај го!

За да не ве малтретира, човеков авансно ви ја кажува поентата на неговиот ТЕД говор: ако имате мали деца држете ги што подалеку од Јутјуб. Ако ве интересира поопширно Џејмс Бридл има многу што да ви каже околу содржините што вашето дете го гледа на Јутјуб.

Бил Тексашанин во Далмација и баш му се бендисало како тоа изгледа. Еве го резултатот.

Помири се дека од старт немаш шанси и дека никогаш не си ни имал, едноставно целиот систем е направен да ги исцеди сите пари од тебе. И многу се профи во тоа.

Иако нема ни М за Македонија, ни С за Северна, говорот на човекот од Г зборува за овдешните прилики, ментални матрици и малодушност. Од А до Ш.

Постојано преместување на производите (за човек да се помами и по други работи додека го бара она што му треба), членство, частенки, пакувања во големи количини (кому му требаат 5 кила морков?), се дел од триковите со кои американскиот Костко стана втор најголем трговски ланец на светот.

Словенечки хирурзи успеале на пациентка заболена од офанзивен рак на кожа, да ѝ одгледаат нов нос на нејзината подлактица а потоа да ѝ го пресадат на лице. За новиот дел користеле комплетно нејзин материјал и 3Д моделирање. Спојлер: во прилогот нема ништо за главната тема која нè тишти кога зборуваме за здравство: дали имаат ѓубре по клиниките.

Што да прави жена кога змија ќе ѝ се оптегне на врата? Како што? Става ракавиците од Хулк и трга во бој.

Иако имаат бушави капи, иако веќе се станати неизбежен дел од идентитетот на Лондон и Британија, иако изгледаат малку смешно, клучно што не треба да се заборави околу британската кралска гарда е дека тоа сепак е гарда и како таква е составена од активни војници на британската војска.

Острата и секогаш незгодна Џенис Фиаменго (професорка од Отава, прокламирана анти-феминистка) ја распретува фамата околу новиот Кристина Блази Форд, жената која сведочеше против трамповиот предлог за врховен судија Брет (и тебе сам сит) Кавано. Вели, за да се разбере новата хероина на Хилари Клинтон, треба да се разбере културното милје од кое доаѓа и универзитетот на кој предава: елитниот Пало Алто (23.000 долари годишно), на чија скала на вредности, социјалната правда доаѓа пред квалитетниот научен труд.