На руска телевизија од советско време (годината е 1972) на младината им се објаснува Ози Озборн и Блек Сабат. За таканаречениот рок колектив Чорни Шабаш се вели дека „проповедаат насилство и религиозно мракобесие“ (?!) а солистот Ози Озборн го залупаа како „класичен пример за нарушено психичко здравје“. 

Многу е лесно, не се што ќе видите спакувано како видео е точно, има и такви што лажат или па не се доволно информирани или па и двете. Нормално има поштени и објективни. Само треба да бидеш претпазлив во што веруваш и со какви линкови ги замараш блиските, вклучително и ова видео.

Американски сопственици на стан / куќа, влегуваат во својот објект некое време откако им го снемува кираџијата. Не е мртов, само не знаат дали е во болница или на некаков, каков било, вид лечење.

Нормално од Израел е, од меѓународниот аеродром во Тел Авив, и функционира на повисоко ниво од сè останато во светот. Освен технологија стандардно присутна во сите аеродроми, системот доминантно се базира на вонредно добро обучен кадар.

Длабочини, просторно мапирање, уфрлување виртуелни објекти во стварноста и интеракција со нив. Со други зборови, ќе одиш како будала и ќе ја шамараш рибата.

12 тона заплениле ама три тона веќе отишле на пазарот. Субстандардно кафе, кое, за да изгледа попривлечно, го потемнувале со црн прашок добиен од - стари батерии. Размислувајте позитивно. Или негативно.

Најчесто се чекаат пари за да се продолжи со градењето, ама од време на време мајсторите просто имаат попаметна работа.

Да се разбереме, во магија не веруваме, па ни во чуда, и тоа е многу проблем кога ќе ти се појави видео со ваква магија или чудо. Ама па барем цело жири им е извадено од памет, не сме само ние.

Амстердам имаше толку успех во префрлање на луѓето од четири на две тркала, што велосипедските патеки и премини речиси им се затнати, проблем што ги натера целото планирање околу патеките и проточноста да го кренат на сосема ново ниво.

За добар дел од сè што е вон САД е крајно иритантно што Американците некако се наместија да бидат глобалниот авторитет за кафе, посебно што нивниот придонес кон светската кафе гастрономија е налик измиеното кафе од филтер. Без да исправаме историски неправди, дај да го чуеме Американецов што има да каже за кафе.

Ако има нешто што авторов повеќе не го поднесува од Британија и нејзиното понашање низ свет, тогаш тоа е Белизе. Инаку, репортажата е британска, раситичка од запрепастувачки размери дури и за времето во кое е снимана (околу 1970-те), а тема е Белизе некаде во времето пред да се отараси од британска колонијална власт (што во реалност никогаш не се случува и Британија и ден денес има свои единици распоредени во земјата).

Да не биде дека сме бесчувствителни на твоите лични проблеми, ама прашањето е општо. Одговорот исто така е општ - уште не сме скроз сигурни.

Дури и во Скопје има луѓе кои се колнат дека на големите интернет платформи (Фејсбук, Јутјуб, Гугл), одеднаш почнале да им се прикажуваат реклами баш за оние работи за кои претходно само муабетеле со свои пријатели. Видео тест на таа тема. 

Сродството им е по кревање тешко, само додека Исланѓанецот тргна по натпревари и медали, Украинецот, Димитри Калаџи, повеќе е по циркуизи и слични претстави на снага.

Не му е важно од каде се картичките, важно му е да ги најде бројките, а дарк-веб е преполн со сечии бројки што се продаваат за пари, и почнува да штанца кредитни картички по дома. Пред ова работи со дрога, ама тоа многу напорно му се гледа, „треба да се видиш со неколку луѓе, па имаш трансакции... а тука, правиш по неколку илјади долари на ден, од ништо“.

Кристофер Вајли (дечкото од Кембриџ аналитика кој заедно со Гардијан ги воскресна сите проблеми за Закерберг и Фејсбук) на Си-ен-ен во врска со конгресните сослушувања:

- Да гледаш членови на Конгресот како го испрашуваат Марк Закерберг, е „нешто како да го гледаш дедо ти како се обидува да поправи видео-рекордер.

Еден од главните вградени човечки параметри е да се бега од секаков вид болка (што еволуциски се покажало како многу корисна работа). Исклучок од ова правило се луѓе што јадат луто и се упорни во тоа. Натпреваров се случува во Британија и почнува со лабаво лути пиперки па прогресира накај Каролина рипер.

Понудата што во 2014 беше дадена до корисниците на Фејсбук е „реши го психолошкиов тест и добиваш 5 долари“. Сето ова беше направено во име на академско истражување, и така остана барем додека податоците и резултатите од ова истражување не завршија кај Кембриџ аналитика.

Лево на сликата е јавната библиотека во Вордингборг, Данска. Десно на сликата е простор подготвен за рушење на силосот. На средина е силосот што треба да се руши. Три-четири, сега.

Кога водителот е од привилегираната бела раса а гостинот храбар и без влакна на јазикот припадник на црнечкото малцинство, веќе претпоставувате какви позиции имаат за прашањето на расната сегрегација. Но, пред сите претпоставки, треба да знаете дека вториот е Мохамед Али.

Годинава површината на фабриката на Тесла во Фремонт беше зголемена за речиси два пати и достигна речиси 92 хектари. Ова е само под кров, не целиот плац на кој се наоѓа фабриката. За споредба површината на целиот плац на поренешен Охис (колку што ние можеме да премериме) изнесува 102 хектари.

Да претпоставиме дека ете некако не постои опасност дека некоја штица ќе ги пробие шофершајбата и возачот како локум, и дека куќава некако го има заслужено ова што и се случува, а исто и џипот. Е, со ваков сетап ликов и понатаму е многу идиот.

Сакате да избришете свој профил на некоја платформа? Тука се дизајнерите на сајтовите кои имаат задача да ви помогнат да заборавите од каде трнавте и со која цел почнавте да буричкате по сајтот.

Пред да стане „платформа“ за креатори, брендови, влогови и што сè не, Јутјуб беше сајт за клипови, и тоа клипови какви што ги памтиме од стариот интернет. Не изгледа така ама никој нема загинато во клиповиве, а се здробиле за здробување.