Нетфликс пред некое време објави кратко видео за тоа како се снимаше исклучителниот документарен серијал „Империјата на шимпанзото“, кој како речиси ниеден документарец до сега ги фати најкрвничките борби меѓу шимпанза. Тоа што се заборава во гледањето на серијата е дека на неколку метри од шимпанзата, кои можат да распарчат човек во рок од неколку минути, има луѓе со камери кои стојат и снимаат.

Жена осум години транзиционира во маж, и по толку време физичкиот дел главно го совладува со задоволителни резултати. Проблемот се јавува кога станува машко и светот, дури и добронамерниот дел од светот, почнува да го третира како што се третирани мажите.

Жителка на Минск се прави летва од алкохол и кој знае како пијанката ја завршува со заспивање на надворешниот праг од прозорците во станот... на 24 кат.

Блесавиот дел од еко-протестите со блокирање улици е што кога ќе се залепиш за асфалт твојата кожа стварно е залепена за асфалт, нема фејкање во тој дел, и тоа единствено се решава со чекан и со длето, по што те пуштаат дома да си одиш со грутка асфалт залепена на рака. Без да ја омаловажуваме нивната жртва, ама овие луѓе периодов нешто почнаа да избираат места под сенка за да се лепат.

Во комплекс базени во јужниот полски град Битом, мајка се жали на обезбедувањето дека група од четворица мажи непристојно се однесувале кон нејзините деца. Пред обезбедувањето и пред полицијата, први стигнуваат да реагираат останатите гости на комплексот, па целиот инцидент се завршува со специјалци, штитови и солзавец.

Традиционално спасот во трчањето со биковите е главниот стадион на кој пристигнуваат сите учесници, а по некое време и биковите. Годинава толпата направи до сега невидена блокада токму на влезот на стадионот. Тоа не им смени нешто многу на биковите.

Истата апликација ја користи и Такер Карлсон со истите идеи на ум кога во најголема тајност сака да договори интервју со Путин.  По некое време преписки, Карлсон добива повик од „човек од Вашингтон“ кој му кажува дека НСА му влегла во Сигнал апликацијата и знае дека договара интервју. Важно е и тоа што случката е од пред војната, 2021 година, и се работи за постара верзија на апликацијата.

Портпаролот на Пентагон, најискрено, со сето свое битие сака да каже дека „војната е стратешки неуспех за Русија“. Ама не е тоа тек така. Сигурно психолози имаат нешто да заклучат од клипот.

Кратко видео од два дипломатски настани. Во едниот руска функционерка се среќава со кинескиот владетел, во другата американската министерка за финансии, Јелен, се среќава со кинескиот колега Хе Лифен.

Ако Франција е растистичка, како што тврдат луѓето што деновиве ја палеа земјата, тогаш зошто уште луѓе емигрираат во Франција? Затоа што сега Франција е таа што треба да биде колонизирана, засекогаш.

Со буџет од само 14 милиони долари, филмот „Sound of Freedom“ на благајните го потепа долгоочекуваниот продолжеток на „Индијана Џонс“ на Дизни (со буџет од 295 милиони долари!). Приказната е шокантна и, за жал, вистинита. Ви предлагаме од 31-ва минута да погледнете две минути, па ако не ве заинтересира, баталете. 

Во три и нешто минути, Иан Плимер го демонтира оној напнат климатски алармизам и апокалиптичност поради кои треба наопачки да ја свртиме глобалната економија, начинот на кој живееме и секојдневните навики. Ама добро, човекот е само геолог. Кај може тој да со сето она знаење кое го поседува Грета Тунберг?

Како и со секоја слична дешавка, и нередите во Франција се супер прилика да се подметне нешто што нема врска со реалноста. Наспроти нашата пуста верба дека „на лагата ѝ се кратки нозете“, Џонатан Свифт на времето напиша „Лагата лета а Вистината доаѓа после неа и се тетерави“. Она што пред три века била само хипербола, денеска е прецизен опис на функционирањето на социјалните мрежи.

Додека возови им излетуваат од шини заради катастрофално запуштената инфраструктура, американските даночни обврзници се цедат за да му се пратат пари и оружје на Зеленски кој никогаш не е задоволен од темпото и обемот на помошта. Макс Блументал феноменално ја скицираше американската шема за Украина, една од најкорумпираните земји во Европа. 

Сме виделе далеку помалку преплашени новинарки како се јавуваат од далеку пострашни конфликтни зони отколку што е центарот на Париз. Или можеби само преку монитор изгледа дека Париз и не е нешто посебно страшно. Новинарката од финската телевизија YLE известува во живо од главниот град на Франција.

Дуќанџии од Марсеј стигнуваат до своето тобако по уште една ноќ немири, пожари и пљачкосување низ нивниот град кои се водат под етикета на терање некакви правдини врз кои реално тие немаат никакво ни влијание, ниту пак тобакото е некојси симбол на француските колонијални злостори.

Не е за  радување, нема тука многу нешто исто, освен начинот на кој нè работат (и нас и вас и нив) на иста фора - асфалт. На крај и они ништо не направиле, и ние ништо не сме добиле, а сите среќни, чиста магија.

Некаков настан во Норвешка на кој се делат некакви си дипломи за којзнае какво достигнување. Еден од луѓето што добиваат диплома е дечко од исламска вероисповест кој прилично доследно ги следи учењата на Исламот, вклучително и делот дека нема што да допира друга жена, па макар тоа да било и ракување. Па да видиш ти навредена Норвежанка, па предавања, па укори.

Сите што по интернет се јачаат те Путин да ја здроби Украина, те НАТО да ја здроби Украина (наместо човечки да им докурчи сето тоа па да кажат, дај бе нека седнат и нека се договорат), нека го погледнат ова кратко видео за најверојатното сценарио на ултимативната разрешница- да се спукаат со нуклеарки. Ама тоа не зависи од нас, обичните мали луѓе? Е па, ако не зависи, што онда толку навивање за здробување? 

Откако ја предизвикаа онаа глобална пиздарија со коронавирусот јадејќи сè и сешто (и ние некогаш да го браниме Фаучи), Кинезите се враќаат на некои побезбедни варијанти на исхрана. Сега јадат, поточно шмукаат камења. Зејтинче, лукче, пиперче, зачини по избор, сето тоа пропржено со „њоки“ од реката. Сега некои идиоти од Запад ќе помислат дека порцијата се јаде интегрално, па Кинезите пак криви.

Не знаеме кога и како, ама има да најдете два саата да изгледате нешто што ќе ве здрма, но можеби и опушти, како што може да се опушти некој кој знае дека битката е изгубена. Од врвните ешалони на Гугл Икс кадешто си играле со вештачка интелигенција, човекот кој (освен трагичните лични причини) дал отказ откако видел колку брзо се развива тоа чудо. И како веќе дава жмигавец за претицање.  

Новинарот: Умеете ли да простувате?
Владимир Путин: Да, но не сè.
Новинарот: Што не можете да простите?
Путин: Предавство.

Многу луѓе се чудат како оние пребогати јадници кои загинаа во бојлерот нагалено наречен подморница, мазно платиле по 250.000 долари секој, за онака рискантно патување до дното од океанот. Еден чичко ќе ви разложи проста математика, за да сфатите колку е тоа лесно. Во нивниот свет. Како вие да платите 150 денари за крукче на рингишпил. 

Ако бидеш фатен со кокаин макар колку едно париче, одиш во затвор 5 години. За тебе нема условна казна, нема ништо освен пет години зад решетки, судијата нема поинаква опција. И државата може да ти земе сè што имате, куќа, кола, банкарски сметки... може да ти земе сè! Јас не знам зошто имаш станато социопат, ама имаме обврска да те изолираме од општеството. Слушаш ли, сине Хантере?