„Вагината на Сабрина стануваше влажна и топла а пенисот на Марко стана многу тврд. Марко го стави пенисот во вагината на Сабрина и го движеше напред-назад, што им беше убаво и на двајцата“.  ОК. Сме читале ние и појаки порно сцени, не е тоа проблемот. Како што му објаснија и на Куомо, проблемот е што цитатот е од книга за деца од 4 до 8 години (!) и што масовно ја има по школите.

Порано некои наши кварни земјоделци од Грција купуваа некакви сомнителни прашоци кои се раствораа во вода па онда на патлиџани со сунѓерче им се накапуваше на петелката за тие преку ноќ да станат црвени и пожелни. Денес изгледа се префрлила работата на инекции. Добро, ако не е тоа што го сумњаме, што друго може да биде ова?  

Значи можело некој да прави со себе, својот аутфит и својот живот што сака (на што талибанци од секаков ков мора да навикнат) а притоа да не се шлакне и да упадне во онаа луда матрица за катаљарда идентитети која „ја измислија во пандемијата кога им беше досадно“. „Што им е тоа „тие“?, се чуди симпатијата. 

Еден од своите тенкови Русите го адаптираат во камиказа верзија, го полнат со 6 тони ТНТ и го праќаат кон украинските ровови. Украинците имаат среќа на време да го видат тенкот и да го запрат (или па само нагази на мина) пред да им припари посериозно. Експлозијата што следува е спектакуларна.

По нивно сопствено признание, сето знаење на античките Грци всушност е земено од древните Египќани. Питагора таму минал 15 години, убедувајќи ги дека е вреден да го споделат нивното знаење со него. Кога сето тоа им е препишано на Грците? Кога во расистичките 18 и 19 век е решено дека не е баш згодно фундаментите на западната цивилизација да доаѓаат од земја која е во Африка. 

Зависи од кога мерите. Ако сте почнале пред 38 години, тогаш нема промени. Ако стартот е во 1850-та, во меѓувреме сме се затоплиле за 0,7 степени. Од Средниот век се имаме изладено за 4 целзиуса. Од времето на Викинзите имаме загревање, а од времето на Исус, ладење. Циклуси. И парите имаат циклуси. Некогаш се заработуваше од страв од ново ледено доба, денес од страв од глобално затоплување.  

За разлика од други места тука шамарите ги дава полицијата излезена на улица баш заради протестите на кои се појавиле политичарите. Шлапаниот е Том Ван Грикен, лидерот на десничарската Вламс Беланг.

Од 15 древни јазици оживеани со помош на компјутерски марифети, само тоа латинскиот звучи очувано, пошто никој не го зборува. На пример, кажете му на Грк да ви го преведе она на што се разбирале Хомер, Платон... Додуша, и Кирил и Методиј денес да побараат чаша вода во Охрид или Несебар, домаќини би им рекле: Нема веќе соби дечки, сè е резервирано. 

Ако вашето дете на возраст за градинка ја вади корката од лебот и ја сака само средината, тоа може да изгледа како банален детал, небитен за неговото добро. Чекајте да чуете каква верижна реакција предизвикува: од растот на вилицата, положбата на јазикот, циркулацијата на воздухот, место за забите, лачењето на плунката, имунитетот до - сколиоза!. Тоа се сепак само млечни заби? Ќе чуете и за тоа.

Лондон деновиве се кити се ЛГБТ знамиња кои треба да дојдат на место на речиси постојано присутните британски знамиња. На дел од минувачите не им е сеедно, а изгледа ниту на тие што ги местат. Во некои други времиња, остранување и фрлање нечие државно знаме се толкуваше како прогласување војна.

Од „не носете маска“ до „носете маска и глејте како се става“. Од „со вакцината сте заштитени од зараза“ до „со вакцината не сте заштитени баш скроз“, од „јас не предложив затворање на школите“ до „денес му предложив на претседателот да се затворат школите.“ Овој да беше наш, ќе се презиваше Заев или Пендаровски.

Алди, глобалниот ланец супермаркети, во Лондон отвора дуќан кој личи на најпријатниот обид на Западот да се воведе драконски систем за социјални оценки и ограничувања до кој моментално не е стигната ни Кина. Сето тоа е спакувано во уште една технолошка новина која безазлено нуди влез во маркетот само за оние што ја имаат симнато Алди апликацијата и ја скенирале на влез, што е одлична основа на која потоа може сериозно да се надградуваат секакви функционалности.

Фрапантно изгледа графичкиот приказ на американските воени бази по светов. Ги имаат погусто отколку што ние во Македонија имаме амбуланти. Нач'чкани дури и покрај самиот кинески брег. Но и заклучокот на еден од присутните не е за фрлање: „Баш на овој начин пропаѓаат сите империи. Наместо да ја зајакнуваме сопствената држава, ние праќаме пари во Украина“. 

Ричард Докинс наоѓа интересна паралела меѓу транс-идеологијата (ја вика транс-бизнисот) и христијанската доктрина по која лебот и виното, за време на причестувањето, стануваат Исусово тело и крв. Како што едните веруваат дека виното може да биде само навидум вино а во суштина да е крв, така другиве веруваат дека некој што има пенис, само ефемерно е маж а во суштина е жена. Боже ме опрости.

Едно-две, ќе се потсетиме колку ни фали човекот кој во 2016-та замина за да стане ѕвездена прашина. Главно кога ќе ја рокнеме онаа париска изведба на Heroes или некоја друга, но овој пат на Боуви нè потсети неговата ќерка Лекси, вадејќи старо домашно видео од неа кога била пинцур и ѝграла со татко ѝ во дневна.

Целиот напредок што се случува во вештачката интелигенција помогна Фотошоп во својата најнова верзија пак да извади функција што изгледа како чиста магија. Ти му даваш слика, па потоа бираш дали ќе му кажеш што да додаде на сликата, или сам да пополни тоа што мисли дека недостасува. Нормално дека опцијата ја пробаа за порно.

Во источниот дел од Канада се случуваат масовни, ама масовни пожари кои опфаќаат илјадници хектари. Пожарите периодов почнаа да се симнуваат на југ, а и понатаму се доволно обемни за чадот од нив да стига до Њујорк и целосно да го покрие „главниот град“ на светот.

Кратка снимка од Сан Франциско деновиве, град во кој даскали и професори во средно живеат по шелтери или хостели затоа што не можат да ги платат високите кирии (види: Сан Франциско ја покажува иднината на капитализмот). Цепки е што сето ова е баш како некогаш ние, за првомајските празници. Горе оди државното знаме, веднаш под него партиското. 

Најгледан филм денес не е новиот Спајдермен, новиот Fast and Furious или Малата Сирена. Најгледан е оној што го најавивме уште лани во мај, па пуштавме исечоци, a пред некој ден можевте да го видите бесплатно на Твитер, со препорака од Илон Маск. Е, тој филм, за само пет дена го имаат видено преку 170 милиони луѓе. Партали! Авторот, Мет Волш, го има Пирс Морган. 

Цела Сахара може да се покрие со соларни панели (и онака кмиши, пустата) и така да се добијат 2,5 милиони терават-часови, доволно струја за 96 планети Земји. Ама после Сахара ќе почне да се лади, ќе фатат огромни океански циклони и пошто нема вода за секаде, дождовните шуми на Амазон ќе се претворат во пустина. Никако човек не е...

„Колку повеќе ја „обојувате“ ЕУ во црно, толку повеќе ќе расте популарноста на личности како Путин“, нè опомена холандскиот амбасадор. Кабаетлии биле политичарите, дел од медиумите и невладиниот сектор „кои ја обвинуваат ЕУ за долгото чекање на земјава пред вратите на Унијата“ (а нема врска, нели?). Ај важи, светилник за европските вредности отсега ќе ни биде твојот премиер.

Ако мислите дека во Европа ве угнетуваат заради бојата на кожата, дојдете во Нигерија, и тука исто ќе ви се случи, ама барем може да бидете сигурни дека тоа нема да има врска со бојата на вашата кожа.

На прво гледање ликов закача / малтретира недолжно девојче што се качило во метро. На второ гледање, ликот е професионалец што не е прв пат во Барселона и само што спаси една жена да не биде ограбена.

На новинарот од BBC не му е проблем што САД не го признаваат Меѓународниот суд во Хаг. Проблем му е ако Јужна Африка не го почитува. „Знаете ли дека ако Путин дојде кај вас во август, мора да го уапсите?“ Од Фикиле Мбалула, генсек на Афиканскиот национален конгрес, добива одговор: „Што е до мене, не во август, уште утре е добредојден да дојде“. А потоа му го трие Ирак од нос. Кoга веќе сака „Hard Talk.“