Одговараат 100 сосема различни луѓе, на возраст од 0 до 100 години, со тоа што немаат никој на 100 години, туку имаат еден дедо на 105 години. Заклучокот од 100-те одговори? Секој со својата љубов.

Алан Бентон од 1973-та е сопственик на Benton's Smoky Mountain Country Hams, компанијата која од 1947-ма ја прави најдобрата сланина во САД. Ако ви требаат уште референции за да го изгледате видеово, воопшто немој ни да се мачите да го гледате.

Дамир Никшиќ за тоа што се случи на годишницата во Сребреница:
- затуцана земја
- планета мајмуна
- корида направија од Поточари
- мајмуне!
- кардашиш, кардашиш, кардашиш... прекардашиш

Директно од Пирава, валандовско, стигнува идеја која треба да го продолжи сонот на Александар Македонски, да го обедини светот (јер ние Македонците одамна сме обединети уздуж и попреко па ќе го учиме светот на таа вредност). Енивеј, фина, приватна идеја на луѓе кои уште мозгаат и се надеваат.

Сцената е и онака вознемирувачка заради насилната пресметка меѓу двајцата возачи, меѓутоа достигнува нови нивоа на бруталност во моментот кога полицијата се вмешува за да го реши конфликтот.

Во најтешките моменти од поновата финансиска историја на Фифти сентс, малку да го развеселиме со потсетување на едно видео во кое тој детално објаснува и покажува како се пакуваат 2 милиона долари во багажникот од неговото Ламборџини Мурселаго.

Новозеланѓанец што изгледа како да влегол на саем за стероиди и го затворил, после плодна кариера како сопственик на барови и дискотеки во Австралија, се сели во Тајланд. Таму се зафаќа со поперсонализиран бизнис, базиран на претплата (15 долари неделно).

Во чест на 25 години од Фотошоп, еве како се работела графика пред да постои Фотошоп. Ако заради некаков невиден космички внатрешен мир до сега не ти дошло да им удриш глава на денешниве мрзи од дизајнери што под око те гледаат што си им рекол да пробаат нов фонт, после видеово на памет ќе ти дојдат збирка дела од Црвени Кмери, мексикански нарко босови и африкански диктатори.

Фино објаснето видео упатство од еден сајт кој верува дека мажественоста е изгубена особина на чие враќање човек вредеи да поработи.

Митот е - ти што сакаш прави околу него, ама припадник на кралската гарда на служба пред Бакингемската палата нема да трепне, а не па да мрдне. Обично проблемот со митовите е што се митови.

Некогаш сè што сакаш е само да се вклопиш со другите... без разлика колку се глупи.

Заштитен знак на шоуто се 15-минутните сегменти во кои обработуваат 1 тема. Сега празнично, за 4-ти јули, имаат 15 теми за минута и нешто.

Како никогаш до сега Мексиканците се претерано запознаени и апдејтувани на тема временска прогноза. Не е дека одеднаш цело Мексико почна да го врти колено, туку повеќе е до Инет Гарсија. Ќе ви пуштиме еден Австралијанец да ви објасни која е Инет Гарсија.

Кина изгледа забезекнувачки страшно како и да ја свртиш. После ова што ќе го видите (степен на дисциплина и исполнителност до кој можат да доведат едно човечко суштество) почнува да изгледа - само навака да не тргнат.

Промотивно видео за Шри Ланка. Сечено, лепено и монтирано. Особено монтирано! Така се тоа прави.

Тројца четворица (возрасни) другари сте и ви доаѓа идеја. Ние ќе ви го кажеме сетапот, ви како колектив бирајте дали ќе продолжите: железен меч, лубеница, стаклена маса.

Прашањето е подеднакво филозофско како и во која кафана јаде главниот готвач од твојата кафана, со чии текстови се релаксира човекот што ти го читаш, што пиво пие газдата на пиварата што го прави твоето омилено пиво. Единствена разлика, кај претходниве примери немаш ситуација од типот - малку глупо ми е кога гледам порно, пошто сите лично ги знам.

Целата кривица паѓа на Питер Џексон и неговиот успех да ги крене компјутерските ефекти на сосема ново ниво. Од тогаш секое студио се бори да постигне што е можно поперфектни ефекти, и проблемот е што толку се добри што ова и им успева. На крај, баш оваа перфекција ги издава, и прави да не му веруваме на тоа што го гледаме.

Се што треба да знаете е дека малиот (Кевин) има 8 години, а малата (Беберли) има 6. Слободно расрфрлајте се со очекувањата.

Бидејќи седењето убива а стоењето не се издржува, столица на која практично стоите, навалени назад под агол кој на нозете им ослободува 25 проценти од вашата тежина.

84 секунди видео снимка од преполн базен, тек да видите колку таа работа не е Бејвоч, само да се мачкаш со фактори и да изгледаш згодно и небитно.   

После првите 20-тина секунди од видетото ќе ви стане зошто овој робот е финалист на еден меѓународен натпревар за роботи од цел свет. Хубор подобро паркира од жена и подобро коленичи од маж! Останатите способности му се бонус.

Ти си спремен за животот, се што треба си научил, се што треба си прочитал, се што треба си слушнал. Ја зграпчуваш сета оваа теорија и ја ставаш на тест да се соочи со животот, да види колку ти си отпорен и спремен на него. Така и ова.

Видеово започнува со комплетно незанимлив кадар од чистинка сред шума, завршува со колипка изградена на таа чистинка. Ја гради еден човек, и притоа се користи само и само со тоа што го има во природа и околу него, без ниту траг од каков било алат. Не е некое режисерско ремек дело, ниту пак се пртгнале од монтажа, ама пак те остава подзинат заради тоа што му успева на човеков да направи со голи раце.