Пред некој ден Зеленски (оној за кого Трамп рече дека не си отишол од Америка без 60 милијарди долари) ги посетуваше главните добитници од руско-украинската војна, фабриките за оружје во САД. Во таа прилика, еден американски гувернер (од редовите на прогресивните и либералните) мртов- ладен, лично потпишуваше ракети/гранати/бомби кои треба да завршат и на руска територија. Е, до толку се за мир.

За Диjана Панченко - како и за сè друго - на интернет ќе најдете спротивставени мислења и оценки. За едни, таа е една од најхрабрите украински новинарски гласови против актуелниот корумпиран режим во државата, за други е обичен предавник кој ја продал својата душа на ѓаволот (Путин). Решете сами. Овде зборува за дезертерите, за тоа колку се плаќа за да се избегне војска и колкав бизнис е тоа.

Првиот човек на Ел Салвадор кој постигна фасцинантни резултати во борбата со криминалот во својата земја имаше впечатлив говор во ОН: „Ние не ја затвораме опозицијата, не цензурираме мислења, не конфискуваме имот на оние кои размислуваат поинаку. Но, истовремено, ние ја претпочитаме безбедноста на нашите граѓани пред комфорот за криминалците.“

Иако оддалеченоста меѓу двата континента кај Гибралтар е многу помала отколку меѓу Франција и Англија, причина што нема мост или тунел е длабочината на морето меѓу Шпанија и Мароко. Дури 900 метри а подводните струи се пресилни за нешто да се гради. За споредба, длабочината на Суецкиот канал е само 75 метри. Плус, сеизмички живо подрачје е Гибралтар.

За да нема никакви двоумења, британските власти отворено порачуваат дека имаат дедицирани полицајци чија задача е да следат што твитате и ретвитате, и дека по ново дури и да ретвитнете нешто што не е по нивен мерак, ќе има последици по вас.

Хезболах цели 18 години се спремаше за војна (по Втората либанска војна во 2006) а Израел деновиве за пар дена им ја ликвидира целата командна структура и најмалку 50% од големата огнена сила. Видео од израелска амбасада објаснува како се прави тоа: целиот регион е 3Д мапиран до сантиметар, со људство и ВИ е скенирана и тагирана секоја сомнителна куќичка, дрво, нов камион...

Доктор Џеј К. Варма беше прв човек на Њујорк за ковид мерки во првата година од пандемијата. Се памети по својата строгост, бескомпромисност во однос на карантините и заклучувањата, непопустливост за „социјалната дистанца“. Само што му извадија компилација што ТОЈ има правено додека другите беа заклучени: секс журки со многу дрога во хотели, денс забави под банка на Вол Стрит... Големи овци испаднавме.

Во последниот баг во матриксот делови од Јужна Африка се под сериозен снег, кој, што сакаш збори за нив, ама оправдано ги фати неподготвени. И власти и народ и лавови и жирафи.

Германец знае за култура, воспитување, процедура и општо ред се до првиот час од првиот ден на Октоберфест, и тогаш настапува општ хаос и анархија во име на фатена клупа под шатор. Одговорот на тоа што најмногу ве интересира е 15 евра за кригла од 1 литар. Во 2014, истото количество пиво чини 5,5 евра.

Феноменално објаснување на карактеристичниот релјеф на една песочна пустина. Од оние препознатливи височинки кои личат на заоблени карпи (а не се карпи) па до огромните кањони издлабени од нигде никаде. Бескрајни километри пејсаж, разбирливо обаснети на 20 сантиметри песок и шише вода.

Уште одбиваме да поверуваме дека ова не е пародија. А не е. Членови на градскиот совет на Лос Анџелес отстраниле сообраќаен знак за забрането полукружно вртење (U-turn) бидејќи сметале дека овој знак е навредлив, хомофобичен и насочен против ЛГБТ заедницата. Да. Тек знак за ќорсокак да имаа во маало, ќе штрајкуваа со глад.

Не е поентата што Украина ќе користи западно оружје против Русија на нејзина територија. Тоа и сега го прави. Проблем е ако користи прецизни западни ракети со висок дострел. За нивно навигирање, неопходно е да се користат сателитските мрежи на НАТО и тоа не може да ги прави украински туку само НАТО персонал. А на тој начин запад и Алијансата влегува во директна војна со Русија.

Кај на сè уште не дошло стандардно кремирање (тоа поповите кочат поради неможност за „customer retention“ јер кај ќе наплатат за пеење ако се расфрла пепелта) а во светот да ти постоело и кремирање со вода, легално во 25 држави. Процесот се вика аквамација, односно алкална хидролиза. И пазете ова, давало 20% повеќе пепел во крајниот „производ“. 1.400 долари. Да повториме, „само је смрт сигуран посао“.

Тоа  стана една од главните меме инспирации од првиот дуел Трамп - Камала. Краток увод: во малиот (60.000 души) Спрингфилд, Охајо има 20.000 мигранти од Хаити. Трамп се повика на сведоштва на локалци дека им снемува кучиња, мачиња бидејќи овие ги јадат. АБЦ го факт-чекираа Трамп, ама на кварен начин: го прашале менаџерот на градот и овој рекол дека нема докази за тоа. Ко да ја прашаш Данела дали е ок хигиената во Скопје.

Капитал создаваат бизнисмени / претприемачи, а не политичари. Политичари не знаат како да создадат капитал, ниту пак имаат поттик тоа да го направат, а и кога ќе се обидат да го направат единствено нешто што создаваат е корупција.

Кога не е на плажа, Бајден во јавност главно добива лесни задачи, пример, оди види се со ветерани пожарникари во Пенсилванија. Од настан од кој речиси секогаш се излегува со позитивни поени и фотографии во јавност, Бајден овој пат излезе со сеир и со слика со капа Трамп 2024.

Соединетите држави плаќаат 1.000 милијарди долари годишно само за камати на долгот што го имаат, а на секои три месеци нивниот долг се зголемува за нови 1.000 милијарди долари. Со вакво однесување, неизбежно е тоа да биде на секои 2 месеца, барем според математиката на Маск.

Ова е Нина Јенсен, еден од врвните европски сомелиери, на нивното минатогодишно натпреварување. Жената има софистицирано врвно непце. Погаѓа од која сорта е виното, од кој регион и од која берба. Нашите рецептори, изгорени од лоши алкохоли, би погодиле дека виното е бело и дека (ваљда) не е WD-40.

Има една математика што сериозно ги убива шансите за восреснување на диносауруси која вели дека животниот век на ДНК е максимум некои си 20.000 години, а диносаорусите се исчезнати пред некои си 65.000.000 години. Не, ни килибарот од Паркот Јура не успева.

Во последно време ултра популарните зелени прашоци се обично прескапи и изгледаат како вода во која нозе измил Шрек, ама затоа доаѓаат со супериорни ветувања за составoт и својствата, бомбастично нудејќи се како „супер- храна.“ Некои потенцираат дека имаат и по 75 драгоцени минерали, витамини, пробиотици, ензими.... Само што, кога нешто содржи дури 75 елементи, јасно е дека ништо од тоа го нема во доволни количини.  

Среќата е како дупната чаша, постојано треба да ја полниш а таа постојано се празни. Но, ако научиш да си задоволен со она што го имаш, тогаш веќе ништо не ти треба, вели овој човек кој некогаш имал добра работа, добра кола, голем телевизор, сараунд... и нула време да ужива во сето тоа. Сега е „клошар“, сè што има може да го носи на грб и е раат.

Еве ви шанса да пробате. Нов Тикток тренд, стругање заби со турпија за нокти, заради која и да е причина. Ништо полесно од ова за да почнете да кажувате „не“ на се што ќе видите на интернет. Овие од клипот нема да се спасат, ама за вас уште има надеж.

Кинеска фабрика за 26 работни денови месечно (само четири слободни дена), по 11 часа на ден, дава плата од 1.200 долари на месец, што би му дошло 4,2 долари од час (26 денови х 11 часа = 286 часови, поделено со 1200 долари = 4,2 долари).

10-километарска делница од Фунан Техо каналот во Камбоџа, што го копаат Кинезите. Овие 10 километри ги завршуваат за 17 дена, со помош на 2.500 парчиња тешка механизација која работи 24 часа.