Досега неслушната преработка на "And I Love Her" од Битлси. Курт Кобеин, гитара и ништо друго. Стиховите "Bright are the stars that shine/ Dark is the sky," ... "A love like ours/ Will never die/ As long as I hold you near me." никогаш досега не можеле повеќе да ве сјебат.

Шведски кунг фу филм. Шведски кунг фу филм инспириран од мајагери и полициските филмови од 80-тите години. Може ли полошо? И тоа како. Носечката нумера од филмот е во рацете и грлото на колективната ноќна мора од тоа време, Давид Хаселхоф. Песната се вика True Survivor. Ваистина воскресе.

Повторно одсвирена една од најубавите песни на Стоунси. Скроз акустична верзија која досега не е слушната и на која Кит Ричардс ги пресвирува и оригиналните делови на Мик Тејлор. Во мај излегува реиздание на култниот aлбум од 71-ва, Стики фингерс, а спотот на Wild Horses е визуелен омаж на оригиналниот омот на Енди Ворхол.

Две домашни, две странски изданија. Ферски.

Не работеле на иста ствар уште од 1996-та, ви се верува ли? Ама, еве ги! Двајцата наши драги луѓе повторно пичат заедно, за сецковиот Mooger Fooger, во песната "Продолжи да сонуваш" која го најавува новиот албум на бендот. Енко со вокал а неуморниот Сецко со неговите цврсти гитарски паравани. Ајмо браќа!

Она што деновиве си го правиме меѓусебе не е ништо во споредба со омразата и масакрите кои со децении си ги правеа Ирците. Ваљда и овде ќе дојде ден кога ќе нарачаш пиво и ќе чуеш некој ваков шанкер кој никој не ни помислува да го прекине. Пссст, тој ја пее Bright Blue Rose.

"Драги Грци, се предаваме, земете ни ги сите пари!" Тоа е поентата на оваа одлична германска заебанција на "своја сметка" во која ги опеваат сите  стеротипи кои за нив кои ги имаат Грците.

.mp3 беше револуционерна компресија и њојзи хвала. Ама во таа компресија изгубивме детали кои најчесто не ги ни забележувавме а кои ни ја осиромашија калоричната вредност на она што го слушаме. Студент од Харвард покажува што испуштаме кога слушаме една позната песна во емпетри фајл. 

Ја земаш "I Heard It Through The Grapevine," вадиш цела музика и инструменти, а го оставаш гласот на Геј. Паузите се морничави, се друго мерак.

Пејач на сцена вади пријател што треба да му се приклучи во свирката, и објаснува како наместо да вежбаат си правеле мераци со АЦ/ДЦ. Сакаше да им пушти само еден риф, публиката сака цела песна.

Да почнеме од крајот: Џен Тери е толку најјака што Мерилин Менсон редовно ја вика да настапи со своја точка на неговите приватни забави. Аве Џен Тери, кралице наша што си на небесата!

Ја гледаш Бијонсе, ја слушаш Адријана Кеш, нормално со - Кеш. Човекот што ни го прати видеово, вика ние сме го инспирирале. Не ни е јасно како, ама нема да му се противиме.

Кај некои ќе се изненадите, кај некои тоа е. Како и да е некој смогнал сили да ги собере сликите од сите оние листи на најлоши корици на албуми и да побара што музика има на нив.

Да беше ова спот на некоја наша, или Бугарка, или Србинка, ќе ја искиневме од ругање и ќе ѝ се изнасеревме за сите пари. Ама, ете, Бијонсе. 122 милиони прегледи на Јутјуб. Ставете преку спотот некоја овдешна треш песна и ќе видите како пасува.

Сестра Кристина е победничка на "Гласот на Италија" 2014-та. Да види нешто вакво кај нас, владиката Петар има да издејствува синодска забрана за пеење, ќе фрли анатема на микрофоните и после ќе ја тужи Кристина до Судниот ден.

Дали сте автор или само потпевнувате некоја песна, ла-ла-ла е универзална замена во моментите кога текстот ќе се умори. Колку и да е тоа будалесто решение, има песни кои се памтат токму поради тоа ла-ла-ла.

Повторувајте ја во себе или пејте ја гласно, во секоја можна прилика: кога читате медиуми, кога седите во кафана, кога размислувате политички или дејствувате сосема приватно.

Замисли место во кое под палката на сеприсутниот фанк владетел, цела држава е присилена сите свои локални и национални празници и успеси да ги прославува со фанк музика. За дополнителена реалност, замисли да постои држава која по иста основа наместо фанк пушта друга музика.

Моментално најсилната тупаница на скопската рок сцена, Темпера, имаат нова ствар. Се вика Коњаници и е преработка на Падот на Византија. Ќе чуете, пуцачина! Музичката артилерија на Архангел (Гино, Џоле, Мите) плус Тања на фронтот и ете ви еден добар, стегнат пичвајз!

Го имате ритамот во вас ама немате просторни услови за да распалите по вистински бубњеви? Дечково има Ајпад и тоа му е сосема доволно да ве остави без зборови.

Германскиот родоначалник на тн "среќна музика" Џејмс Ласт, на Дњепар во Киев, 1972 година. Натурална, безгрижна наива; жени бутаат на екс, мажи со фасцинантен дезен на купаќа. Песната е "Here somes the sun", спотот е "Here comes the pig."

Што друго да прават Швеѓани во случај на руска воена инвазија, освен да се свртат кон античкиот шведски борбен крик - Мама миа. Барем Русите така замислуваат.