Дрмај ја акустичната гитара во ист ритам, пеј меко па пеј гласно, кукај по жена на најнесекси можен начин и одеднаш развикај се. Така на црнец му звучи блуграс штимот на Мамфорд.
Не, нема да ви пуштиме три видеа, туку едно единствено. Сите овие тројца, еден до друг, на иста бина. Да застанат денес така заедно, со своите гравитации ќе направат таква црна дупка која има да ја проголта сета денешна музичка сцена.
Денешната армија трудбеници можеби веќе не се "презрени и гладни" ама затоа се сè почесто "осамени и јадни". Ова е химна на сите оние кои работниот живот го минува во безлични 2 на 2 метра преградени коцки кои треба да глумат кул простори за работа.
Покрај социјалните мрежи и глупоштините кои таму се истураат, луѓето кои се јавуваат во живи емисии знаат да бидат причина за неверитис со кого све ја делиме планетава. Женава се јавува во радио емисија откако приметила нешто нелогично во врска со знаците дека на патот знаат да поминуваат елени.
Да не го упуцаше Марк Чепмен на време, кутар Ленон ќе требаше ова да го трпи. Никогаш не била талентирана, ама една упорност, па тоа е страшно. Јоко Оно на Гластонбери, 2014.
Капитен е на американската фудбалска репрезентација, со Гана играше 60 минути со скршен нос, на Португалија и го збрчи вториот гол. Инаку игра во Сиетл. Уште поинаку, го занима риболов и хип хоп. Видеото продуцирано од Најк ѝ е посветено на неговата сестра Џенифер која на 16 годишна возраст неочекувано умира од мозочен удар.,
Ако има нешто за што се добри двајцата тоа е за слушање, за гледање никако. Ако има некаде каде што двајцата заедно се добри за слушање тоа е Dancing In The Street. Наспроти се, еве ви го спотот, со нив двајца и ниту еден единствен збор или музика.
Од Бинг Крозби до Прл Џем, Сиетл отсекогаш бил урбан расадник на добра музика. Тамошниот симфониски оркестар го знае тоа па паметно пробува да се очеша од брендот правејќи споеви на класична и модерна музика. Не оди виолина и рап? Кој вика?
Се што имаме ние да го кажеме за ова видео, Бијонсе ќе ви го каже многу подобро. Секоја чест за тој што открил како ќе и легне српско на Бијонсе, нас само нè интересира кој е процесот на размислување за да се стигне до ова.
Се викаат Руска православна армија и се некаква про-руска милиција во Доњецк. За да придобијат нови регрути, снимиле православна рап песна. Ај песната ама да видите каква рап атмосфера има спотот!Грендмастер ортодокс флеш! Еден куп рамнодушни православни рап фаци седнати на рамнодушна православна рап маса. Тој со грмушката - најјак. Можда е металец.
Пази молим те, некои ги викаат супер група. И види чудо, има тоа логика, јер се супер дечки и јер се супер музичари. Темпера се Тања, Гино, Џоле и Мите и за наше добро ни ја пуштаат "Пластични кули". Се слуша гласно и разиграно.
Мала историја: Ферел (глумецот) и Смит (тапанарот на Ред Хот Чили Пеперс) не се во никакво сродство, ама изгледаат како да се правени со копи/пејст. Со години двајцата ги мешаат на интернет, сè до еден момент кога им пука филмот и решаваат да се пресметаат еден со друг - ферка во лупање тапани. Еве ја ферката од синоќа вечер кај Џими Фалон.
Првпат свиреа вака 1998-ма на MTV Unplugged. А ова е од пред некој ден во Л.А. кога наместо својата јеах дискографија, понудија акустични преработки на Битлси, Ози Озборн и Дип Парпл.
Откако згрна милиони додека јавно ја брукаше својата мајка Деби Матерс (се сеќавате на Cleanin' Out My Closet?), Еминем изгледа го стигнаа "трубите на совеста" па реши преку песна да ѝ се извини за сите срања кои ѝ ги приредил. Ако може тој, може секој. Јавете ѝ се на мама.
Џек Вајт најави дека албумот Lazaretto ќе оди и на винил. Ама ова ќе биде возбудлив, 2.0 винил кој има скриени песни, свири на три брзини, која верзија на песна слушате зависи од тоа каде сте ја ставиле иглата, а иглата некогаш оди и нанадвор. Чудесии!
И денес да беше калеш Анѓа жива, ќе кукаше дека "турски не разбирам". А како да разбира, кога од оние синхронизации, човек не може веќе да чуе ништо на тој убав јазик. Затоа ве носиме во една катедрала во Копенхаген, да си ја наполниме душата со мелодија која лесно ќе ја препознаете.
Видео снимка од 1975-та година, кога Боб Дилан првпат во живо ја изведува протестната "Hurricane', песна инспирирана од неправдата кон боксерот Рубин Ураганот Картер, човекот кој деновиве почина на 76 годишна возраст.
Рон Џереми држи неколку интересни рекорди. Освен шампионатот во својот основен занает (најмногу улоги во порно филмови), тој е рекордер и по бројот на музички видео спотови во кои учествувал (вкупно 48, втор е Мет ЛеБланк од Френдс со само 7). И тука не престануваат чудата.
"Гласот на Ела Фитцџералд беше сатен за шмирглата од глас на Луј Армстронг, но кога ќе се споеа во песна, нивната хемија беше совршена. Не беа многу-многу во хармонија (гласот на Армстронг не беше создаден за хармонија), но достоинствениот свинг на Ела и нејзините задевања со грубото, добродушно р'жење на Сачмо беа во неповторлива симбиозa".
За Антонио Ристески и неговите таленти навиваме одамна. А неговата приказна фино се развива: По претставувањето на интернет јавноста, го дознаават и дечките од Дубиоза Колектив и посакуваат заедно да снимаат. Доаѓаат во Скопје и цепаат една акустична верзија на нивна песна. Да ве потсетиме како можат да изгледаат и да звучат два бенда заедно.
