Многу неочекувано, последното Греми за најдобра песна во годината го однесе ветеранката Бони Реит со песната „Just Like That“. Видно збунета, рече дека моментот ѝ е многу надреален. Збунетоста не ќе да е фејк, особено што таа лани доби награда за животно остварување, нешто што се добива на крајот од патот. Но, патот за неа, ете, продолжува.  

На 61 година ненадејно почина бравурозниот македонски хармоникаш Милан Завков. Има направено многу за македонската музика, компонирано преку 150 песни и ора и го водеше оркестарот на Танец. Исклучително ведар, питом и позитивен лик. Зад себе ја остави сопругата Славица и ќерките Марта и Бојана. Растегни ја горе, мајсторе, нека пука!    

После кратко боледување, на 73 години почина пејачот и гитарист на панк легендите Television ( кои имаа само два албума.
Препорака за слушање: првиот од 1977, Marquee Moon.

Од бактериски менингитис почина еден од највлијателните гитаристи на сите времиња. Свиреше во Јардбирдс па направи група со Род Стјуарт. Нејќеше да влезе во Стоунси како замена за Брајан Џонс а во свои редови го сакале Пинк Флојд ама им фуфкало да го прашаат. „Ако не ги прекршам правилата барем 10 пати во една песна, тогаш нешто не правам како што треба,“ имаше кажано Бек.

На ист ден како и неговиот најчест соработник Тарковски (29 декември), на крајот на 2022 година замина Едуард Артемиев, легендарен руски композитор на филмска и електронска музика. Ја потпишува музиката за Соларис, Изгорени од сонцето, Сталкер, Сибиријада....

Вокалистот на Спешлс и Фан Бој Три, Тери Хол, почина на 63 години.