Во четвртата вечер од пред-сезонските натпревари во НБА лигата, најголемо внимание предизвика дебито на првиот пик на овогодинешниот драфт, Ендрју Вигинс во дресот на Минесота Тимбервулфс. Младиот плејмејкер постигна 18 коша (2/2 за три и 8/10 слободни фрлања), 4 скока и 3 асистенции во дуелот против Индијана кој „волците“ ги заврши 103:90. Вигинс немаше атрактивни забивања и потези, играше во служба на екипата.
„Не е само атлета, туку има раскошен талент. Може да шутне кога сака и од каде сака. Колку повеќе ќе игра против искусни ривали, толку побрзо ќе напредува“, изјави Флип Саундерс, тренерот на Минесота после мечот со Индијана.
Задоволен од подготвителниот натпревар вчера вечер излезе и Лионел Холинс, тренерот на Бруклин, кој повторно ги има во форма Дерон Вилијамс (17 коша и 7 асистенции) и пред сè Брук Лопез кој уфрли 20 поени (8 од 12 за два) и 5 скока во победата на Бруклин над европскиот противник, Макаби Тел Авив 111:94.
НБА, пoдготвителни средби:
Индијана - Минесота 103:90
Бруклин - Макаби Тел Авив 111:94
Мајами - Орландо 101:108
Детроит - Чикаго 111:109
Далас – Хјустон 108:111
Јута – Портланд 92:73
Сакраменто - Торонто 113:106
Л.А. Клиперс – Голден Стејт 94:112
