Буквално од никаде, Вејд ван Никерк кој тргна од осмата патека на финалната трка мажи на 400 метри не само што стигна до златото туку го сруши и светскиот рекорд стар 17 години.

Додека Болт направи хет-трик во златни медали на 100 метри, ноќ за паметење во атлетиката се случи и на 400 метри. Вејд ван Никерк од Јужна Африка победи со време од 43,03 секунди и со тоа му го сруши светскиот рекорд на легендарниот Мајкл Џонсон кој 17 години го држеше приматот со време од 43,18.