Холандскиот ветеран, голманот Тим Крул е специјалист за пенали. Тој е оној голман кој еднаш Луј Ван Гал на Светско го стави наместо првиот голман во продолженија, за да може да брани пенали. Тогаш стана херој на Холандија, а синоќа јунак на Норич кој на пенали го тепаше Тотенхем среде Лондон.

Седиш 120’ минути на клупа за резерви и гледаш како твоите гинат во четвртфинале на Светско против Костарика. Ти се брани ти се плаче. Се повредува првиот голман и селекторот те става во игра пред пеналите. А таму... Тим Крул.

Херојот на Холандија кој 120 минути дремеше на клупа, а потоа незагреан влезе на терен и го реши четвртфиналето, успеа да ги прочита сите пет пенали од кои одбрани два. Но ритуалот му почнува пред да почне да се фрла.