Индепендиенте - Расинг важи за едно од најголемите дербија во Аргентина, кое ни донесе скроз апсурдна и глупава сцена. Некој торко од трибина погоди фудбалер со риба. Што не извади и ориз и салата?

По финансиски кризи, испаѓања од лига и насилство на трибините, Расинг Клуб конечно стигна до целта и прв пат по 2001. година, предводен од повратникот Диего Милито стана шампион на Аргентина.

Расинг Клуб ја победи Ривер Плата со 1:0 и ја тргна од првото место на аргентинската Апертура. Во моментов Расинг е прв со 35, Ривер има 33, колку што има и Ланус на третата позиција. Расинг 13 години чека на каков било трофеј, а претходно 35 години им требаа да ја освојат првата титула.

Диего Милито даде гол за водство на неговиот Расинг во дербито против Индепендиенте, па реши да се закача со домашната публика на која толку ѝ требаше да се распали. На крајот за две минути домашните дадоа два гола па Милито остана со празни раце.