Рајан Рејнолдс (и агенцијата што му брка работа) за фирмите што ги поседува (Минт, Авиејшн џин...) има пракса да ги лови актуелните трендови и со нив да склопи некоја прилично допадлива реклама, за не многу пари. Трендот што сега го фати е вештачката интелигенција на ЧатГПТ, и ако ова стварно е точно време е копирајтери под итно да одат да упишат курс за бербери или да научат местење гипс картон.

Блејк Лајвли веројатно победи на последнава Мет Гала. Се мислиме и за Џиџи Хадид, со тоа што Џиџи само беше прејака - Лајвли има цел концепт околу нејзиниот изглед.

Фалон во Њујорк го чека Вил Фарел во емисија. Кимел во Лос Анџелес го чека Рајан Рејнолдс во емисија. Фарел живее во Лос Анџелес, Рејнолдс во Њујорк. И на едниот и на другиот не му се патува преку цела Америка за да биде на „најт шоу“, па секој си оди кај локалниот во емисија.

Пипл го прогласи Пол Рад за Најсекси жив маж за 2021, што, стварно фино, ама најсекси? Сепак, кога ќе земеш предвид кој сѐ им бил најсекси на Пипл (Блејк Шелтон?!), ако.