Ако ФИФА или УЕФА планира да воведе и „одбрана на сезоната“ нека почне со Гуљиелмо Викарио од Емполи. Ова што го изрежира против Рома е за медал.

За одбрана на колото, месецот и сезоната во Серија А, треба да биде прогласен овој јуначки потег на капитенот на Јапонија, Маја Јошида кој игра за Сампдорија како позајмен од Саутемптон. Луда работа е што спаси против Јуве.

Со овие 10 секунди сакаме да ве известиме дека пред да престане фудбалот, како клуб донесовме одлука на пауза да одиме без примен гол. Зад одлуката стојат голманот, играчите, стативите. Точка.

СПАЛ и Џенова одиграа 1:1 во последниот меч од 13. коло во Серија А, Пандев влезе во 62-ра, а неговиот колега Јонуц Раду е дефинитивно одлепен со интервенцијава.

Тој што вришти од трибина како недугав, има тотално право да вришти како недугав, бидејќи голманот е уште понедугав од него. Ова не е нормално. Арпад Штербик на рипит го гледа видеово.

Ако не се повредеше Алисон Бекер, немаше да дознаеме дека Ливерпул на клупа држи мачка од Шпанија по име Адриан. Бранеше одлично на Супер Купот против Челси пред еден месец, а синоќа ја оствари сигурно одбраната на колото, ако не и на сезоната во ЛШ. Импресивно.

Синоќешните извонредни интервенции на Тер Штеген и Облак во ЛШ се нула во однос на ова што ќе го видите. Ова е друг левел, кој изгледа херојски, ама е и многу ризичен. Фудбалер на Чарлтон два пати ја извади топката од гол, односо два пати таа го удри него. Вториот пат многу многу опасно.

Иако е прерано да се каже, сепак ова е одбрана на сезоната, барем во јужноамериканскиот фудбал. Јунаков од чилеанскиот второлигашки фудбал реши и реши да не прими гол. Колкава жртва, мислиш игра на финале на светско.

Голманот на Оденсе, Стен Гритебуст на мечот со Копенхаген ја имаше можеби одбраната на сезоната.

Бен Ејмос, голманот кој во свое време успеа да забележи еден настап дури и за Манчестер Јунајтед во Премиер лигата, сега брани за Чарлтон. Ама брани брани.