Пазете ја сценава. Голман, две гајби за гол, публика под сенка и еден лик со нествари потези кои ги прави со капче. Да, со капче. Патем голманчево залудно се џитка, затоа што ликов не е нормален како ќе го заврши шоуво.

Бразилецот кој стекна огромна слава на „Камп Ноу“ во неделата наполни 48 години. Кога се спомнува неговото име, сите се сеќаваат на епските ножички против Валенсија. Ретко кој памети дека во 1998-ма и против Манчестер Јунајтед направи чилена.

На 3 април 2018-та падна еден од најатрактивните голови во Лига на шампиони со акробација која одеше на сите насловни страници. Во четвртфинале Јуве - Реал 0:3 и еврогол на Роналдо од кој можеш да се откачиш само ако го купиш. И потоа го купија.

Додуше Ибрахимовиќ ја офука за Шведска надвор од шеснаесет, ама па ова за индискиот фудбал е најјак гол на сезоната, па и јаче.

Ако може некој таму во Кувајт, зошто да не можат другите? Само треба да ти се погоди и да не бидеш Величе се разбира.

Тој што стој на втора на корна не е џабе ставен и обично стои како споменик и гледа да ја расчисти со глава, нормално ако е висока. Но има вакви нинџи како овој во Израел кој го спаси својот тим од пораз и тоа во судиско.

Фудбалерите на Барнли - Астон Вила 1:2 и Брајтон - Челси 1:1 уште во 13:30 се исправија на терен во новата година. Само два меча беа доволни да се одиграа годинава за да видиме атрактивен еврогол со акробација. Ремек делото е Алиреза Јаханбакш од Иран кој им зема бод на Лондоначани во 84-та минута.

Монтереј, тимот кој пред неколку дена играше против Ливерпул во полуфинале на Светско клупско првенство, синоќа со 2-1 победи во дербито на мексиканската лига, во првиот меч од финалето со реванш против Клуб Америка. Мечот го реши Рожелио Фунес Мори со страшни ножички во 90+3’ минута од судиско продолжение.

Не би било лошо, бидејќи ова не е нормално за аматер кој плеша фудбалче со другарите по балони. Или па можеби не е аматер? Стоперот го гледаше и му аплаудираше.

Порто славеше синоќа против Пакос Фереира со 2:0. Вториот гол е дело на Ѕе Луис кој изведе една многу тешка акробација за да ги направи ножичкиве. Како ли му успеа ова? Ко ќофте се собра.

Романски фудбал ако не се истакне со некоја лудорија, нема друг кој, особено во пониските лики. Имаме велемајсторски ножички надвор од шеснаесетник во втората романска лига и тоа за конечни 2:3 на гостинскиот тим.

3 април 2018-та. Реал го треска Јуве на гости 0:3 во четвртфиналето од ЛШ, натпревар кој ќе се памети уште долго поради епската акробација на Роналдо. Џиџи Буфон признава дека бил исфрустриран, ама и свесен дека примил неверојатен еврогол.

Во првенството на Виетнам, од 4 гола на мечот Ха Нои - Кванг Нам, најубав беше првиот на гостите. Го даде Бразилецот Родриго да Силва Диаз.

Не е никаков проблем што не му оди на Меси со голови, кога Барселона има ваков Суарез. После пресвртот над Интер, продолжува со евроголови и против Севиља која за 8 минути попи три парчива во прво. Одиме со акбробацијата број 1 за овој викенд. Во стилот на Пеле или Марко Ван Бастен, како сакате.

На исто место, во место време, на ист начин. Каква е оваа случајност во која и двајцата ја коваат со ножички. И добро кој е сега стрелец тука?

Со голот на Пјонтек, Милан имаше 0:1 на гостувањето против Торино, кој направи целосен пресврт со два гола на Белоти за 4 минути. На вториот ептен среќно му се наместија коцките. Ја промаши цела топка, па некако му се намести на ножички. Ретко виден гол.

Тргнете ги сите ножички кои сте ги виделе на страна. Ова е поинаква акробација за која веројатно треба еластичност и предизпозиции за некоја боречка вештина. Па дури и Ибра не може да го направи ова што ќе го видите на меч од универзитетска лига во Канада.

Додека во Европа се играат квалификации за ЕП, во Азија се борат за влез на СП 2022. Мохсен Мохамед ќе ја памети синоќешната вечер додека е жив, а богами и сите што беа на стадион. Вакво нешто не се гледа ниту во најсилните фудбалски лиги.

Србија во сабота со почеток од 20:45 на домашен терен има пресметка против селекција со која играше во група и на претходните квалификации за ЕП 2016. Ах какви спомени имаат од тој дуел. Во Лисабон тогаш загубија 2:1, ама голот што го дадоа е „тражили сте гледајте“.

Во бразилската Серија А, на мечот Сеара - Фламенго (0:3) падна гол кој сигурно ќе биде кандидат за наградата Пушкаш. Џорџан Де Араскаета во 90+7’ минута, во длабоко судиско продолжение постигна велелепен гол.

По апсолутно најубавиот гол од почеток на новата сезона кој го даде Аниело Салѕано од италијанска Тернана, синоќа во Аргентина падна еднакво убав. Стрелец беше Енцо Калински кој во 83’ минута ја потврди убедливата победа на Естудијантес од 3:0 над Индепендиенте.

Куп на Италија. Риети - Тернана конечни 1:3. Вториот гол за гостите, дело на господинот Аниело Салѕано е ЛУДОРИЈА. Л-У-Д-О-Р-И-Ј-А!

Премиер лигашот го елиминираше Пјуник од Ерменија со вкупни 8:0 во Лига Европа. Синоќа направија толку јака комбинација, да не знаеш дали да се воодушевиш повеќе на голот или на асистенцијата. Убавини.

Сваровски Тирол и Сент Полтен го заокружија третото коло од австриската прва лига со резултатот 1:1. Гостите израмнија преку Михаел Амбихл кој уште на старт постави високи стандарди во прогласувањето на гол на сезоната.