Зарем би имало драж секоја година да ги гледаме едните исти? Ако Лестер е прв во лига, ќе си игра во ЛШ, му се допаѓало тоа на некој или не. Или па Ајакс, Лион и Порто на некој не му биле доволно атрактивни. Плус кај се видело фудбал без вакви посебни ноќи кои остануваат во аналите? Нема цена ова.

Милан Павков е роден под среќна ѕвезда. Човекот веќе неколку години постојано е резервна варијанта во Црвена звезда. Ретко игра. Имал богати понуди од Кина, ама решил да остане на Маракана, макар седел и на клупа за резерви. Ќе остане запаметен како еден од ретките кој дал голови против 7-кратниот европски првак Милан и 6-кратниот европски првак Ливерпул.

Точно е дека Роналдо има освоено пет пехари во ЛШ, а Меси четири. Дека првиов има рекордни 126 гола, а Меси 112 и дека овие двајца ги делат сите рекорди, ама што знаат они што се трубачи кои одат заедно со ракии, пива, салати, сирења, чварки, ребра и ред други балкански мирудии.

Германија и Србија синоќа одиграа пријателски натпревар кој заврши 1:1. Во судиското продолжение имаше една страотна сцена по која и Јоаким Лев, ама и Пеп Гвардиола сигурно направиле кисела фаца. Милан Павков, кој се прослави ланска сезона со два гола против Ливерпул, вредни победа за Ѕвезда во ЛШ, му влезе на Сане крајно непотребно и сељачки. 

Симпатичните поштапалици на сметка на Милан Павков, човекот кој до пред пар години играл по третолигашки калишта а во вторникот му даде два страшни гола на Ливерпул, продолжуваат. Група навивачи на Црвена звезда дознале кај живее и отишле да му пеат под прозор.

Кога Милан Павков му го даде вториот гол на Ливерпул изјави дека не бил свесен што направил, а како ли да биде кога зборуваме за напаѓач кој до скоро играл во трета лига, а почнал како играч од среден ред. Кариерата му се променила по една средба на бензиска пумпа.