Споменикот е на принцезата Олга, апостолот Андреј и просветителите Кирил и Методиј кој беше возобновен во мермер во 1996 откако претходно беше уништен во 1919. За да не им се повтори неславното минато, властите на Киев го забарикадираа споменикот.

Си повторуваме бисери од студентски семинарски за да им честитаме на оние генерации што успеаа да станат луѓе, и оттаму да потсетиме на важноста на просветителската мисија. Која не е лесна, но понекогаш е страшно забавна.

Да не беа светите браќа кој знае со кое писмо ќе го пишувавме овој текст. Но најстарата позната словенска азбука која тие ја создале, не е кирилицата, туку глаголицата. Токму на ова писмо е напишано Евангелието од Ремс (Évangéliaire de Reims), богат илустриран ракопис со древно словенско потекло, врз кој се заколнувале француските кралеви.