Стефан може да здивне малку, бидејќи не е единствен во глупоста со која се прослави и себе и Академија Пандев и нашиот кутар фудбал. И во турската прва лига имало ист таков бисер, а го направил Холанѓанецот Рајан Донк како играч на Касимпаша на меч против Бешикташ во 2013-та.

Иако има 127 настапи за Шведска и е трет по број на репрезентативни настапи, Андреас Исаксон кој брани за Касимпаша на додавањето на Бугаринот Страхил Попов реагираше како прв пат во живот да брани.

Љубителите на фудбалот (или на кладилниците) сигурно се чудат како еден анонимен клуб како Касимпаша се најде на втората позиција во Турција. Тајната е во тоа што Касимпаша е омилен тим на премиерот Реџеп Таип Ердоган.