Откако мигрантите сместени во кампот "Џунгла" кај Кале почнаа да стануваат се понасилни кон возачите на камиони на блискиот автопат, стотици трактори и камиони го блокираа автопатот барајќи негово итно затворање.

Кале на северот од Франција е последната точка од континенталното патување на секој еден бегалец со сон за селење во Британија. За добар дел од бегалците преминувањето на Ла Манш е одложено на неодредено време. Како последица на ова почна да изникнува градот од шатори, локално познат како Џунгла.