Доколку последниве години го имате отворено Дејли мејл знаете дека тој главно е треш од жанрот „стигнавме на дното", чии наслови, а особено фотографии, можат да вознемират со нивната агресивност и уринарно жолтило. Но, не било отсекогаш така - весникот во шеесетите од минатиот век си имал свој етички кодекс, кој доколку доследно би се почитувал денес, би значел затворање на голем број медиумски куќи.