Членови на експедицијата на незаборавниот подвиг на 10 мај 1989-та се: Димитар Илиевски-Мурато, Владимир Бошковски, Страшо Лозаноски, Јован Попоски-водач, Горазд Росоклија-заменик водач, Ѓорѓи Костовски, Борче Јовчевски, Серафим Серафимовски, Стипе Божиќ, Сашо Андонов, Димитар Тодоровски, Виктор Грошељ, Румен Ќамилов, Слободан Ѓорѓевиќ.

Како член на Македонската Хималајска експедиција, Димитар Илиевски - Мурато на 10. мај 1989. година во 18. часот заедно со придружните членови: Стипе Божиќ, Виктор Грошељ и двајцата шерпаси Сонам и Аџива го искачи највисокиот врв на светот, Монт Еверест (8.848 метри) и стана првиот Македонец кому му успеал овој подвиг. Таму останале еден час, а за жал при враќањето, Мурато не успеал да се симне во последниот висински логор и засекогаш останал во големата планина.