За да се издвои некое голчиште од богатата викенд понуда со фудбал, не мора секогаш да се копа во топ европските лиги. Погледнете како се снајде Андреј Тодоровски на мечот меѓу ОФК Београд и Бачка Топола, во дуел со својот чувар и голманот на домаќините. Ги измами за сите пари. Инаку Тодоровски е генерација 1999-та, роден во Прилеп. Играше четири години за Спартак Суботица, а од сезонава е член на Бачка Топола. Многу умешно одиграно.

Брага го доби српскиот претставник во третото квалификациско коло од ЛШ со 3:0, кој ако не успее да направи чудо на реваншот ќе игра групна фаза во Конференциска лига. Капитенот на Бачка Топола, Немања Петровиќ во еден момент без раце беше подобар од голманот.

Денес на големо се зборува за неверојатниот дуел во квалификациите за Лига Европа меѓу српскиот претставник ТСЦ Бачка Топола и романскиот ФКСБ (на времето Стеауа).