Селтик во прво полувреме му подари гол на Клуб Бриж во ЛШ, само поради една несреќна ситуација пред гол. По грешка си ја збрца Картер Викерс.

Веројатно ГГ ја имал на ливче или па им кажал на другарите да се обложат дека ќе постигне автогол.

Јанг Бојс го совлада Базел со 3:2, меч на кој гостите си постигнаа два автогола. Едниот е дело на Мохамед Драгер, кој од желба да ја расчисти во аут, душмански си ја заби во гол.

Паралелно со репрезентативниот фудбал, има и по малку клупски. Во шпанската втора лига мечот меѓу Албасете и Еибар заврши 0:1. Го реши голманот на домаќините кој беше свесен дека изреагира како најдебелиот у секое маало кој обично брани.

Шкендија и Работнички одиграа 1:1 во 2. коло од новата сезона. Тетовчани поведоа благодарение на една ретко видена ситуација пред гол. Топката удри во едната статива, па во голманот и на крај во другата статива. И немаше да влезе, но Дин Аломеровиќ ја промаши со едната нога и ја бутна несакајќи со другата. Циркузи.

Налетавме на чудно парче видео од четвртфинален натпревар во Унгарскиот Куп, одигран во 2008-ма. Павел Џурика од Фехервар се обиде нешто да направи, ама и самиот изгледа не знаеше што сака да направи. Му се чудеа сите.

Автогол на голман во Унгарија втора лига и тоа во 93-та минута. Полошо не можеше да реагира.

Глазгов Ренџерс имаше одличен резултат од 1:2 на гоствуањето против Бенфика во ЛШ, ама сè до 68 минута кога се испостави дека дефанзивецот Конор Голдсон не е повеќе од нивна. Погледнете го царот колку само профи го изведе ова.

Арсенал стана првата екипа во историјата на англискиот фудбал со три гостински победи од по минимум 5 постигнати гола. Синиќа го потопија Шефилд со 0:6, а веќе во 39 минута на семафорот стоеше 0:5. Сите 6 гола ги постигнаа различни стрелци, а меѓу нив има и еден на Шефилд кој им ја сокри топката на топџиите.

Мечот е Интернационал - Гремио, а стрелецот Рене. Велемајсторски го изведе ова. Секоја чест.

Норвежанецот Јакоб Глеснес кој игра во МЛС за Филаделфија Унион си ја закопа од пола терен, како никој друг од толку далеку. Кутар голман не смееше со раце да ја фати.

Во бразилскиот шампионат Атлетико Паранаенсе го совлада ПСТЦ со 4:0. Во 40 минута при резултат 0:0, голманот на домашниот тим фати пенал, ама не знаеше дека има соиграч од сомнителен калибар кој ќе конкурира за автогол на годината.

Читател ни пиша вака: Затварајте рубриката „автогол на милениумот“. Не можеме да кажеме дека не му е на место предлогов. Второлигашите Сент Паули и Хамбург одиграа 2:2, а несреќниот на векот или милениумот, како сакате, е гостинскиот голман Даниел Ноер Фернандез. 

Најнеобичната завршница од белата точка и тоа на меч кој се решаваше на пенали се случи во Колумбија. Фудбалот едноставно не памети вакво нешто.

Ако летово не сте виделе брзопотезен пресврт во рок од само 1 минута, тогаш погледнете ги случувањата на дуелот меѓу Хјустон и Шарлот, каде од 1:0 наеднаш резултатот се претвори во 1:2. Стоперот ја врати на памет.

Уствари се знае ли овој на кого сакаше да подаде? Па ова е генијално одиграно.

И тоа во прва лига. Од коментарите на Твитер издвојуваме: Ова да му го направеа на некој во Јужна Америка, цел стадион ќе им се симнеше на тие двајцата.

Студениот шут за гостите се случи уште во 4 минута кога Константинос Мавропанос сакаше да му ја врати на голманот, кој очигледно во тој момент имал попаметна работа отколку да го чува голот. Но Бундеслигашот не дозволи да биде изненаден од второлигашот Падерборн во Купот и успеа да го сврти мечот во 86-та и 95-та минута.

Без никаков резултатски притисок бидејќи водат 0:2 и се игра 91-ва минута, а ниту па и голем притисок од чуварот, играч на Риед во првата австриска лига се решава да му ја врати на голманот на чуден начин. Волфсбергер - Риед завршува 1:2. Единствена логика има ако ја играл ГГ3+.

Или по нашки, Миле Паника од Саудиска Арабија. „Чисти ја на прва“ е совет кој го дававме уште како деца во маало.

Македонскиот првак Шкупи со 3:0 го отвори квалификацискиот циклус за ЛШ. За противник го имаа Линколн Ред Импс од Гибралтар, кој сам го постави конечниот резултат. Стрелец Рој Чиполина кој ја пласираше во стилот на Алекс Дел Пјеро, ама во погрешна мрежа.

Три сезони по ред играат во ЛШ од кои во првата стигнаа до историско четвртфинале. Но оваа сезона не се тоа што беа и се борат грчевито за ЛЕ. Синоќа се спасуваа дома од пораз против Торино и на крај стасаа до 4:4. Швајцарецот Ремо Фројлер душмански си ја заби во гол. Аталанта на четири кола до крај е осма на табела.

Или треба да си многу неинтелигентен за да го направиш ова или многу добро да се офајдиш од спортска, трето нема. Инаку дилетантов е од Мароко.