Во Советскиот сојуз имало кривично дело паразитизам за кое се одговарало заради неправење ништо корисно ни за себе ни за другите. „За такви нема место во нашата заедница!“,ќе порача државниот спикер. Вака изгледало судење на еден таков лик кој денеска би бил легитимен твитерџија, инфлуенсер или регуларен кмишач на социјални мрежи.

Ни погруба реалност ни понежен глас. Човекот е работник во вулканизерска работилница во руската област Челјабинск и работи од утро до мрак за да отплати кредит и да го подигне син му. Другари и другарки, Алберт Галимов.

„Ринг дингер“ е техника користена од масери / местачи и значи декомпресија на 'рбетен столб, односно нагло душманско потегнување, главно за врат, за уште понагло „декомпресирање“. Овој што ќе зборува и рецензира видеа на темата е ортопед хирург др. Крис Рајнор.

Извадок од репортажа за денот на делење плата во железарата во Зеница од 1970-те. Мажи беа мажи кога цела фамилија на ден на плата те чека пред влез на фабрика преплашена да не ја испиеш цела плата во една вечер, сè после тоа е лајт верзија.

Кај него ќе прегладнете и ако отидете најадан и ако отидете носејќи маренда со себе. Алвин Жоу се занимава со бавна храна, ама не бавна како што мислите, туку бавна - бавна.  

Како што ја разбравме приказната, се работи за израелски патнички авион чиј екипаж наредил родители на едногодишно беебе да го напуштат леталото бидејќи одбивале на своето едногодишно бебе да му стават маска. Така ли? Е па тогаш, сите си одиме.

Првпат слушаме и ја гледаме оваа финта, ама ако на Јапонци треба да им се верува за суши а на Турци за казандиби, за алкохол Русите се авторитетот.

Јасно ни е дека во Македонија да се зборува за финеси меѓу вакцините е исто како како да се расправа за мекоста на влакното кај Јети, ама ај, да информираме, чисто ларпурлартистички. Не пример, дека вакцина со ефикасност од 95% не значи дека 5 од 100 вакцинирани луѓе ќе се заразат.

Поучна епизода за еден добар човек и една гладна улична џукела. Човекот решава на кучето да му даде тазе чикен нагетс, веројатно штотуку купени од некој дуќан за брза храна. Иако со разбирлива недоверба, кучето приоѓа, ја помирисува храната....

Една прекрасна госпоѓа дава совети за битни теми, од она дека треба да се биде позитивен и како тоа ни се удри од глава, па за болестите како и за стравот од смртта и како тој да се надмине. Кратко, јасно и јебитачно.

Кога оџата ќе заспие со вклучен микрофон а луѓе ќе помислат дека Годзила го нападнала градот. Како го заструга, по халал. Алал.

Во земјата дупка, во дупката тиква, во тиквата јагнешко.

Убав, питом муабет меѓу двајца луѓе кои доаѓаат од навидум различни краеви на вселената. Владиката кој стана поглавар на СПЦ и Рамбо кој секогаш беше Амадеус.

Изгледа како апокалиптична сцена од некој филм со зомбија но се работи за авенијата Кенсингтон во Филаделфија, место каде што лутаат изгубени души, тешки зависници, заборавени луѓе со сериозни ментални проблеми... Политичката класа на градот не се занимава со ова. Тоа е просто, така. А пазете, Кенсингтон е тек трето маало по стапка на криминал. Значи имаат две полоши од ова.   

Дечкото вика дека е Чех ама во неговиот изговор ќе наидете на маџарски, индијски, фински, латвијски и какви сè не други нијанси. Небитно за што е видеото, просто уживајте во таа разиграна дикција и ЛЕД поетика.

Роуан Аткинсон помага да запамтите колку пијачки алкохол се таман неделно. 21 за мажи и 14 за жени. 14 е на пример, колку бројот на прстите на човек со три раце кој изгубил еден прст во трагичен инцидент,.

На некој на интернет пак му текна да проба пред камера да јаде од тоа одвратната смрдена шведска риба, и ако сè мине како што може да се очекува ова е на добар пат да стане најдобриот челенџ што ги зафатил младиве по социјалните мрежи. Како што треба да се сфати од насловот, видеото не е баш најлесно за гледање. Бонус поени за татково што инсистира децата да му станат интернет славни.

Стратешки позиционирана виршла и пар ножици се сè што треба едно машко да го разбудите за на момент да ја доживее својата најголема ноќна мора.

Не го, и нема да го гледаме интервјуто на Хари и Меган за Опра ама дали војвотката стварно се споредила со Малата Сирена и дали стварно принцот се пожалил дека го оставиле без пари па останал само со наследството од мајка му, а тоа се некои 15-16 милиони долари?

Се викаат 에델 라인클랑 и ќе ви ја изведат песната 기도. А спомнатата Марија има кажано дека ова е една од најдобрите верзии на нејзината песна кои ги има слушнато.

Не е вест кога комбе ќе удри пешак, вест е кога пешак ќе удри комбе. А можеби и не е, ама па имаме видео од тоа. Наравоучение: Кога пишуваш СМС, чукни си ја главата.

Најосвестувачкиот факт во видеово доаѓа кога ќе тргнеш да пресметаш колку време е минато од 1984-та, па ти излегува дека не е речиси 30, туку се речиси 40 години, па после сè целиот овој воодушевувачки наивен муабет околу мејлот некако бледее во споредба.

Да разубавуваш Ламборгини се чини како ерес еднаков на идејата на летна манџа да ѝ ставаш јајце но баш тоа му е ќеиф на Шиничи Морокоши од Токио кој има изградено империја од правање кастом Ламборгинија (customised e заеднички збор во македонскиот и јапонскиот јазик). Ги зема и ги прави џиџани, со штрасови, светки и сè што дополнително вришти, за кога ќе те сопре полицаец, да не те праша за возачка и регистрација туку дали може да се слика со него.

Зошто етичко? Затоа што не е на оние бродови-фабрики и нема стотици метри мрежи во кои ќе заглават ајкули, желки, делфини и што и да е друго што ќе им се најде по пат.