За светот да те гледа како што ти сакаш да те гледа, треба да ја проектираш таа слика од себе. Првиот чекор е да имаш самодоверба. Ако сакаш да те гледаат како секси, тогаш прво треба да веруваш дека си секси. Оваа девојка нема проблем со тоа. Таа си има проблем со друго.

Како претекс на Спотифај пургаториумот во кој беа отстранети 70-тина епизоди од подкастот на Џо Роган, некој имаше спремено компилација од сите моменти кога таму излетал неубавиот збор нигер (нашки: педер, шиптар, каур). Роган рече дека така собрано на куп, и нему му звучи тоа грдо па се извини. Неговите фанови реагираа поинаку.

Некогашните трогателни сцени на обединување на разделени семејства од Јужна и Северна Кореја, сега се заменети со сцени, кои ќе видите колку никого не потресуваат, од родители што си ги наоѓаат своите деца изгбуени пред монитор во некоја локална играчница.

Предизвикот од девојкава за цела маса момци е партија „камен, лист, ножици“. Тие се четворица, таа е една, ако кој било од нив ја победи таа ги части сите тура пијачки. Наспроти целата математичка веројатност, таа победува и победува.

Господо политичари, медиумски ѕвезди, инфлуенсери и тајкуни, човек овде лесно знае да помисли дека живее над другите, негде таму горе, над облаците. Немојте така, колку и под вас да не се гледа калта на секојдневеито на другите. Не секогаш се паѓа на меко. 

Добра вест е оваа земја навистина постои. Лоша вест е што тоа Венецуела, каде после економскиот крах еден американски долар официјално се менува за 450.000 боливари, и тоа ова е добриот курс во однос на пред неколку месеци.

Од рубриката „размазени сте затоа што немате видено полошо“, сообраќајот во Виетнам од птичја перспектива. Не дај Боже да да дојде време ние вака да се разбираме во сообраќај, ќе треба НАТО да интервенира на секоја една раскрсница низ градов.

За да се намали човечкиот контакт (како и сите опасности кои изминативе две години разбравме дека доаѓаат со него) и да се влее уште малку страв до каде е стигната Кина со роботиката, мензата на главниот медиумски центар на Зимската Олимпијада ќе биде опслужена од роботи готвачи и роботи келнери.

Не може да се напише потрагична приказна од тоа, вели Џордан Питерсон, и секој може да се побара во неа. Дали си жената која има храброст да го пушти своето чедо во ваков свет, дали си оној кој го издава својот најдобар другар, криминалец ли си, благодарен што те пуштиле од затвор, или си дел од толпата која каменува невин човек затоа што Империјата мора да е во право?

Не знаеме дали во случајов круша под круша паднала, ама јасно е дека едната круша паднала веднаш до другата. Можат да се сретнат по мрежи како либерални активистки полни со прогресивни хаштагови, а во реалноста тоа изгледа вака.

Вашите лидери го имаат секое право да бараат одмазда и да ги пуштат кучињата на војната.... А ние да го бомбардираме Белград... И да ја окупираме Србија како Јапонија и Германија после војната! Да излезат српските војници и да се вратат Албанците на Косово заедно со НАТО сили? Тоа не ми е доволно! Џо Бајден, миротворец во континуитет.

Комуникациски упатства од воркшоп на Природниот музеј на Л.А. во кој на белите им се препорачува да бидат свесни (и да се срамат, нормално) од своите привилегии и да зборуваат со едноставен јазик (небаре обоените по дефиниција се поглупи па нема да разберат). Наведени се и карактеристики на белиот супрематизам во науката. Меѓу другите - перфекционизмот и објективноста. Шејм, шејм!

Додека новиот холандски министер за здравство излегува на бој пред камерите на тема ковид и слично, во позадина старите логистички служби крајно професионално ги одржуваат конекциите што ги имаат.

Сер Дејвид Атенбороу сведочи на уште едно чудесно сложена коалиција во природата. Цвет кој цвета само ноќе, само седум часа, за само едно животно. А сепак, користа од овој соживот е обострана.

Велс Фарго Центарот во Филаделфија е матичната сала (центар) за Филаделфија 76 (кошарка), Филаделфија Флаерс (хокеј) и Филаделфија Вингс (лакрос). Освен ова организира и еден куп други настани. Во една ситуација имаат 8 сосема различни настани закажани за организирање 8 дена по ред.

Дај му на маж риба и ќе го нахраниш за еден ден. Дај му на маж работа и само чекај да почне да кенка дека нешто не бива кај него на работа.

После 15 години блажена изолација од цивилизацијата, човек се враќа во општество во кое луѓе се кодошат едни со други преку мобилни телефони (државата наградува за тоа), забранети се цигари, алкохол и пцуење и речиси секаде има камери. „За ваше добро“, како што тоа обично се кажува. Малку „на прва топка“ раскажано, ама па не е лошо да се види.

Пред Меморијалниот центар Линколн во Вашингтон се одржа „Марш против задолжителноста (на вакцините)“, зборуваа неколкумуина угледни медицински и научница авторитети од алијансата ФЛЦЦЦ (Front Line COVID-19 Critical Care Alliance) кои веќе две години се во војна со големата фармација и здравствената бирократија, првенствено околу инсистирањето на вакцини а комплетното игнорирање на лековите за кои тврдат дека се ефикасни.  

Мало потсетување за тоа како Џо Бајден ја условуваше помошта од една милијарда долари за Украина со барање да го сменат јавниот обвинител. Инаку, Украина им е добро позната на Бајденовци, некои од нив таму на гурбет одеа.

Има едно правило што вика „секој е крив за тоа што му го прават“, и за волја на вистината правилово знае да згреши, ама па знае и да погоди. Дај некако десертов масовно да се популаризира, да можеме да се преброиме кои сме и што сме.

„Изгубен ли си во овој свет како и јас?“ е брилијантна црно-бела анимација на младиот Стив Катс, изведена во стилот на 1920-тите години и легендарниот Макс Флејшер (Бети Буп). За најголемиот парадокс на нашето време: никогаш не сме биле поврзани колку што сме сега, и никогаш не сме биле толку дисконектирани едни од други. Песната, нормално, на Моби.

На страна политичкиот дел од средбата, посетата на Ибрахим Раиси на Кремљ ја обележаа и една многу човечка работа, намаз сред церемонијалната сала во Кремљ.

Геј двојка решава да ја апгрејдира својата врска на традиционален начин, со клекнување и нудење прстен. Видеото може да се гледа како а) мотивационо (штом него има кој да го го запроси, ќе се најде и за мене) или б) демотивационо (еј, него го запросија, ја уште ништо). За да знаете што е спорно со запросениот, пуштете звук.

Треј Гауди објаснува дека ја изгубил вербата во математиката кога му рекле дека три по нула е - нула. „Како може да имаш нешто трипати а на крај да немаш ништо? Кај се изгуби тоа три? Тоа никако не ми влегуваше во глава“ се исповеда Гауди кој не треба многу да го мислите- подоцна стана федерален јавен обвинител и политичар.